ການໃຊ້ຊີວິດຄູ່ໃຫ້ຍືນຍາວ ຄຳໆນີ້ຫຼາຍໆຄົນ ແລະຫຼາຍໆຄູ່ອາດຈະຕັ້ງຄຳຖາມ ແລະຄິດວ່າມັນຄວນເປັນໃນຮູບແບບໃດກັນແທ້.
ການແຕ່ງງານອາດຈະເປັນພຽງຈຸດເລີ່ມຕົ້ນຂອງການໃຊ້ຊີວິດຄູ່ ເພາະຖ້າຕ້ອງການໃຫ້ຊີວິດຄູ່ໃຫ້ຍືນຍາວແລ້ວ ຫຼັງຈາກແຕ່ງງານຕ້ອງຊ່ວຍກັນປະຄັບປະຄອງຊີວິດຄູ່ນຳກັນທັງສອງຄົນ ແລ້ວຮູ້ກັນບໍວ່າຊີວິດຄູ່ທີ່ຢູ່ກັນແບບຍືນຍາວມີເຄັດລັບໃນການໃຊ້ຊີວິດຮ່ວມກັນແນວໃດແນ່ ສຳລັບໃຜທີ່ກຳລັງທີ່ຈະເລີ່ມຕົ້ນຊີວິດຄູ່ ຫຼື ເລີ່ມຕົ້ນມາໄດ້ໄລຍະໜື່ງແລ້ວ ແຕ່ອາດຈະຍັງບໍ່ແນ່ໃຈວ່າຈະປະຄັບປະຄອງໄປໄດ້ຕະຫຼອດຮອດຝັ່ງ ຫຼື ບໍ່ນັ້ນເຮົາລອງມາເບີ່ງເຄັດລັບດີໆຈາກງາມ 108 ກັນດີກວ່າເພື່ອໃຫ້ຊີວິດຄູ່ຍືນຍາວຕະຫຼອດໄປ
- ການປັບຕົວເຂົ້າຫາກັນ
ນີ້ເປັນເລື່ອງສຳຄັນການທີ່ສອງຄົນມາຈາກຄົນລະທີ່ແລະບາງທີ່ອາດຈະມີພື້ນຖານການໃຊ້ຊີວິດທີ່ແຕກຕ່າງກັນເມື່ອຕ້ອງມາຢູ່ຮ່ວມກັນໃນຊ່ວງທຳອິດອາດຈະບໍ່ມີປັນຫາຫຍັງຫຼາຍ ແຕ່ເມື່ອເວລາຜ່ານໄປຈັກໄລຍະຄວາມສະໜິດເລີ່ມຫຼາຍຂື້ນແລະຕ້ອງເຈີກັນທຸກມື້ນິໄສທີ່ບໍ່ດີທີ່ເຮົາເກັບໄວ້ກໍ່ຈະຄ່ອຍໆ ທະຍອຍສະແດງກັນອອກມາ ເພາະຄົນເຮົາທຸກຄົນຈະມີທັງດ້ານດີແລະດ້ານບໍ່ດີນຳກັນທັງນັ້ນ ຢູ່ທີ່ວ່າໃຜຈະມີຫຼາຍຫຼືນ້ອຍ. ດັ່ງນັ້ນ, ການປັບຕົວແລະສະແດງດ້ານທີ່ບໍ່ດີຫຼືດ້ານທີ່ຄູ່ຂອງເຮົາບໍ່ມັກໃຫ້ນ້ອຍທີ່ສຸດຈື່ງເປັນເລື່ອງສຳຄັນ ຖ້າເຮົາບໍ່ມັກຫຍັງຂອງອີກຝ່າຍຄວນນັ່ງລົມກັນ, ບອກກັນປັບປ່ຽນແຕ່ທຳອິດບໍ່ຄວນປ່ອຍໃຫ້ມັນຍືດຍາວ ເພາະວ່າມື້ໜື່ງອາດຈະເຖີງຈຸດທີ່ທົນບໍ່ໄດ້ແລ້ວອາດຈະເກີດເຫດການຮຸນແຮງກວ່າທີ່ຄວນເປັນ
- ເລື່ອງເທິງຕຽງ
ເລື່ອງນີ້ກໍ່ເປັນອີກເລື່ອງທີ່ສຳຄັນບໍ່ນ້ອຍ ແມ່ຍິງອາດຈະບໍ່ໃຫ້ຄວາມສຳຄັນໃນເລື່ອງນີ້ຫຼາຍເທົ່າໃດ ແຕ່ຜູ້ຊາຍຈະຖືເອົາເລື່ອງນີ້ເປັນເລື່ອງສຳຄັນອັນດັບທຳອິດ. ດັ່ງນັ້ນ, ຖ້າບໍ່ຢາກໃຫ້ຊີວິດຄູ່ເຈົ້າຈືດຈາງລົງ ແມ່ຍິງຄວນຫັນມາໃສ່ໃຈເລື່ອງນີ້ນຳແນ່
- ເລື່ອງເງິນ
ປັດຈຸບັນເງິນເປັນປັດໄຈສຳຄັນ ເພາະທຸກຢ່າງຈະຈົບລົງໄດ້ງ່າຍໆດ້ວຍເງິນ ດັ່ງນັ້ນ ຈຶ່ງຄວນວ່າງແຜນການໃຊ້ເງິນໃຫ້ດີ ຫຼັງຈາກແຕ່ງງານຫຼາຍຄູ່ອາດຈະໃຊ້ກະເປົ່າເງິນອັນດຽວກັນ ຫຼື ບາງຄູ່ອາດຈະໃຊ້ເງິນຄົນລະກະເປົ່າແຕ່ແບ່ງແຍກໃນເລື່ອງຄ່າໃຊ້ຈ່າຍອອກເປັນສັດສ່ວນຖືວ່າເປັນເລື່ອງທີ່ດີ ການວາງແຜນການໃຊ້ເງິນໃຫ້ພໍໃຊ້ໃນແຕ່ລະເດືອນຈະເຮັດໃຫ້ເຈົ້າບໍ່ຕ້ອງມາຜິດທ່ຽງກັນໃນເລື່ອງນີ້
ເຫັນບໍ່ວ່າບໍ່ມີຫຍັງຫຼາຍພຽງແຕ່ເຮົາຢູ່ນຳກັນດ້ວຍຄວາມຮັກ ແລະ ຄວາມເຂົ້າໃຈໃນເລື່ອງຂອງກັນແລະກັນ ແລະໃຜທີ່ຢາກມີຊີວິດຄູ່ທີ່ຍືນຍາວຢ່າລືມຄຳນຳຕ່າງໆ ເຫຼົ່ານີ້ໄປຮັບໃຊ້ໃນຊີວິດຄູ່ຮັບຮອງໄດ້ເລີຍວ່າຈະເປັນວິທີ ທີ່ສາມາດຊ່ວຍໃຫ້ຮັກຂອງທ່ານທັງສອງບໍ່ຈືດຈາງລົງແນ່ນອນ