ການແຂ່ງຂັນບານເຕະ ພຣີເມຍລີກ ອັງກິດ ນັດ “ແດງເດືອດ” ລິເວີພູ ອັນດັບ 9 ຂອງຕາລາງ ມີ 31 ແຕ້ມ ເປີດ ແອນຟິນດ໌ ຕ້ອນຮັບຄູ່ແຄ້ນ ແມນເຊສເຕີ ຢູໄນເຕັດ ອັນດັບ 7 ມີ 34 ແຕ້ມ “ຫົງແດງ” ເກມນີ້ສົ່ງ ອະດຳ ລັນລານາ ກັບ ໂລແບລ໌ໂຕ ເຟີລ໌ມິໂນ ຍືນໜ້າ ສ່ວນ “ຜີແດງ” ໃຊ້ ເວຍນ ລູນີຍ໌ ຍືນເປົ້າແລ້ວໃຫ້ ອອງໂຕນີ ມາກຊິອານ ໄປປັ້ນເກມກາງສະຫນາມ
ໃນເຄີ່ງເວລາທຳອິດຫົງແດງ ຫລິ້ນດີກວ່າ ນາທີ 30 ບານມາເຖິງໜ້າປະຕູ ໂລແບລ໌ໂຕ ເຟີລ໌ມິໂນ ສົ່ງຕໍ່ໃຫ້ ຈໍແດນ ເຮນເດີລ໌ສັນ ແປລຽບແຕ່ຫລຸດເສົາສອງກ່ອນ ດ້ານ ແມນຢູ ຖືກບຸກຢູ່ດົນມີລຸ້ນໃນນາທີ 44 ອອງໂຕນີ ມາກຊິອານ ໄດ້ໂອກາດລາກຂຶ້ນມາຍິງແຕ່ຕິດບລັອກເຈົ້າຖິ່ນ ຈົບເຄີ່ງເວລາທຳອິດ ສະເໝີກັນ 0-0 ປະຕູ
ເຈົ້າຖີ່ນ ບຸກຫນັດແຕ່ຍັງຍິງແບບບໍ່ໄດ້ມາດຕະຖານ ໃນນາທີ 67 ອະດຳ ລັນລານາ ລອງຍັດໄລຍະໄກແຕ່ບານບໍ່ເຂົ້າໂກນ ແຕ່ມາເຖິງ ນາທີ 78 ແມນ ຢູ ທີ່ຖືກບຸກຢູ່ດົນກັບເປັນຝ່າຍຂຶ້ນນຳກ່ອນ ເມື່ອ ມາລູຍານ ເຟນໄລນີ ໂໝ່ງຕໍາຄານຈັງຫວະທຳອິດ ລູນີຍ໌ ມາຊໍ້າເລີຍໄດ້ປະຕູຂື້ນນໍາ 1-0 ປະຕູ
ໃນ 10 ນາທີສຸດທ້າຍ ລິເວີພູ ສົ່ງ ຄຣີສຕຽນ ເບນເຕເກ ລົງມາເພື່ອລຸ້ນປະຕູຕີສະເໝີແຕ່ກັບເຮັດຫຍັງບໍ່ໄດ້ ຈົບເກມ “ຫົງແດງ” ເສຍໃຫ້ຄູ່ແຂ່ງຕະຫລອດການອີກຄັ້ງເປັນນັດທີ່ສອງຂອງລະດູການ
