spot_img
Homeຂ່າວເຫດການກະຊວງປ້ອງກັນປະເທດ ປາຖະກະຖາ ການເປັນເຈົ້າພາບ ກອງປະຊຸມທະຫານອາຊຽນ!

ກະຊວງປ້ອງກັນປະເທດ ປາຖະກະຖາ ການເປັນເຈົ້າພາບ ກອງປະຊຸມທະຫານອາຊຽນ!

Published on

army-1

ຂປລ.​ ໃນ​​ວັນທີ 23 ທັນວາ 2015 ກະຊວງປ້ອງກັນປະເທດໄດ້ຈັດປາຖະກະຖາ ກ່ຽວກັບອາຊຽນ, ນັບທັງການເປັນເຈົ້າພາບແລະ ປະທານກອງປະຊຸມທະຫານອາຊຽນ ຂອງກອງທັບປະຊາຊົນລາວ. ​ໃຫ້ກຽດເປັນປະທານແລະ ບັນຍາຍໂດຍທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີຊ່ວຍວ່າການກະຊວງປ້ອງກັນປະເທດ, ມີບັນດາຄະນະນຳກະຊວງແລະ ຕົວແທນຈາກກົມກອງອ້ອມຂ້າງກະຊວງເຂົ້າຮ່ວມ​.

ທ່ານ ພົນໂທ ຈັນສະໝອນ ຈັນຍາລາດໄດ້ຍົກໃຫ້ເຫັນປະຫວັດຄວາມເປັນມາ, ຈຸດປະສົງແລະ ຫລັກການຂອງອາຊຽນເຊິ່ງແນໃສ່ປົກປັກຮັກສາ, ສົ່ງເສີມສັນຕິພາບ, ສະຖຽນລະພາບແລະ ຄວາມໝັ້ນຄົງຂອງພາກພື້ນເຮັດໃຫ້ອາຊີຕາເວັນອອກສ່ຽງໃຕ້ເປັນເຂດປອດອາວຸດນິວເຄລຍແລະ ອາວຸດທຳລາຍລ້າງຜານອື່ນໆ. ​ເພີ່ມທະວີຄວາມສາມາດໃນການເພິ່ງຕົນເອງຂອງພາກພື້ນ, ການເຊື່ອມໂຍງດ້ານເສດຖະກິດແລະ ອື່ນໆ. ປັດຈຸບັນປະຊາຄົມອາຊຽນ ມີສາມເສົາຄ້ຳ ຄື: ປະຊາຄົມການເມືອງ ຄວາມໝັ້ນຄົງ, ປະຊາຄົມ​​ເສດຖະກິດແລະ ປະຊາຄົມວັດທະນະທຳສັງຄົມ. ພ້ອມນີ້ ທ່ານໄດ້ຍົກໃຫ້ເຫັນຄວາມໝາຍຄວາມສຳຄັນ ຂອງປະຊາຄົມເສດຖະກິດອາຊຽນ ຫລື AEC ທີ່ຈະໄດ້ຮັບການສ້າງຕັ້ງຂຶ້ນໃນທ້າຍປີນີ້ເຊິ່ງເປັນຂີດໝາຍປະຫວັດສາດ ກໍຄືຜົນສຳເລັດໃນການສ້າງຕັ້ງອາຊຽນ, ລວມທັງໂອກາດແລະ ສິ່ງທ້າທາຍຂອງ ສປປ ລາວ ໃນການເຂົ້າຮ່ວມ AEC, ການກະກຽມຄວາມພ້ອມຂອງຄົນລາວແລະ ຫົວໜ່ວຍທຸລະກິດໃນຍຸກ AEC ​ເຊິ່ງໄລຍະຕົ້ນ ຈະໄດ້ເປີດເສລີສະເພາະແຮງງານທີ່ມີສີມືໃນ 8 ອາຊີບ ຄື: ທ່ານໝໍ, ໝໍປົວແຂ້ວ, ພະຍາບານ, ວິສະວະກອນ, ສະຖາປານິກ, ນັກສຳຫລວດ, ນັກບັນຊີແລະ ອາຊີບດ້ານການທ່ອງທ່ຽວ.

army
ທ່ານ ພົນໂທ ຈັນສະໝອນ ຈັນຍາລາດ ຍັງໄດ້ຊີ້​​ໃຫ້ເຫັນກ່ຽວກັບ ການເປັນເຈົ້າພາບແລະ ປະທານກອງປະຊຸມສຸດຍອດອາຊຽນ ຄັ້ງທີ 28 ຂອງສປປ ລາວເຊິ່ງກອງທັບ ກໍຈະໄດ້ເປັນເຈົ້າພາບແລະ ປະທານກອງປະຊຸມລັດຖະມົນຕີປ້ອງກັນປະເທດອາຊຽນ ຄັ້ງທີ 10 ​ແລະ ກອງປະຊຸມໃນຂອບທະຫານອາຊຽນ ອື່ນໆ ທີ່ກ່ຽວຂ້ອງລວມ ທັງໝົດ 19 ກອງປະຊຸມ ໃນປີ 2016. ການເປັນເຈົ້າພາບແລະປະທານບັນດາກອງປະຊຸມຂອງອາຊຽນ ຂອງກອງທັບປະຊາຊົນລາວໃນຄັ້ງນີ້ແມ່ນມີຄວາມ  ໝາຍສຳຄັນທາງປະຫວັດສາດທະຫານໃນການຮ່ວມມືສາກົນ, ​ເປັນການຈັດຕັ້ງຜັນຂະຫຍາຍແນວ ທາງການຕ່າງປະເທດທີ່ສ້າງສັນ, ສະເໝີຕົ້ນສະເໝີປາຍແລະ ມີຫລັກການຂອງພັກ ໃນໄລຍະໃໝ່, ທັງແມ່ນການປະຕິບັດສິດແລະ ພັນທະ ຂອງ ສປປ ລາວໃນຖານະທີ່ເປັນປະເທດສະມາຊິກປະຊາຄົມອາຊຽນແລະເຊີດຊູບົດບາດຄວາມເຊື່ອໝັ້ນຂອງບັນດາປະເທດສະມາຊິກ ຕໍ່ລັດຖະບານແຫ່ງ ສປປ ລາວ ກໍຄື ກອງທັບປະຊາຊົນລາວໃນການເສີມຂະຫຍາຍສາຍພົວພັນມິດຕະພາບແລະ ການຮ່ວມມື ໃນພາກພື້ນແລະໃນໂລກ.
ແຫລ່ງຂ່າວ:
ຂປລ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...