ອາທິດນີ້ ZTE ໄດ້ປະກາດເປີດໂຕ Blade A1 ເຊິ່ງເປັນສະມາດໂຟນລາຄາຖືກທີ່ມາພ້ອມກັບເຊັນເຊີ້ສະແກນລາຍນິ້ວມື ເຊິ່ງຫາບໍ່ໄດ້ແລ້ວໃນລາຄາ 599 ຢວນ (740.000 ກີບ) ເທົ່ານັ້ນ!!

ສຳລັບໂຕສະແກນລາຍນິ້ວມືຂອງ Blade A1 ນັ້ນຈະຢູ່ທີ່ດ້ານຫຼັງເຄື່ອງ ແລະທາງ ZTE ບອກວ່າສາມາດປົກລ໋ອກໄດ້ໄວເຖິງ 0.3 ວິນາທີເທົ່ານັ້ນ, ເຊິ່ງຕົ້ນຂ່າວບອກວ່າ ຍັງບໍ່ທັນໄດ້ທົດສອບເບິ່ງເທື່ອເພາະວ່າສະມາດໂຟນລຸ້ນດັ່ງກ່າວນີ້ຍັງບໍ່ທັນໄດ້ວາງຂາຍເທື່ອ ແຕ່ວ່າຈະວາງຂາຍຜ່ານທາງ JD.com ໃນທ້າຍເດືອນທັນວານີ້ ແລະຄາດວ່າສະມາດໂຟນລຸ້ນດັ່ງກ່າວຈະຂາຍໃນປະເທດຈີນເທົ່ານັ້ນ

ສຳລັບລາຍລະອຽດສະເປັກຂອງ ZTE Blade A1 ມີດັ່ງນີ້:
– ໜ້າຈໍຂະໜາດ 5 ນິ້ວ ຄວາມລະອຽດ 720p (HD)
– ຮອງຮັບ LTE ແລະ ໃຊ້ໄດ້ສອງຊິມ
– ກ້ອງຫຼັງຄວາມລະອຽດ 13 MP ແລະ ກ້ອງໜ້າຄວາມລະອຽດ 8 MP
– Ram 2 GB
– Rom 16 GB
– ແບັດເຕີຣີໃຫ້ມາ 2800 mAh
– ໃຊ້ງານລະບົບປະຕິບັດການ Android Lollipop ( ຜ່ານການປັບແຕ່ງໂດຍ ZTE)
– ໃຊ້ງານໜ່ວຍປະມວນຜົນ quad-core MediaTek MT6735 ຄວາມໄວທີ່ 1.3 GHz.

ທີ່ມາ: phonearena