ຂປລ. ຕາມ​ຂ່າວ​ຕ່າງປະ​ເທດ, ວັນ​ທີ 18 ພະຈິກ 2015, ທ່ານ ອາ​ນີ​ຟາດ ອາ​ແມນ ລັດຖະມົນ​ຕີວ່າການ​ ກະຊວງ​ການ​ຕ່າງປະ​ເທດມາ​ເລ​ເຊຍ ​​ໄດ້​ຈັດ​ ກອງ​ປະຊຸມ​ຂ່າວກ່ຽວ​ກັບກອງ​ປະຊຸມສຸດຍອດອາ​ຊຽນ ຄັ້ງ​ທີ 27 (ASEAN 27) ​ແລະ ບັນດາ​ກອງ​ປະຊຸມທ່ີ​ກ່ຽວຂ້ອງ ຈະ​ຈັດ​ຂຶ້ນ​ຢູ່ ນະຄອນຫລວງກົວ​ລາ​ລຳ​ເປີ ປະ​ເທດ​ມາ​ເລ​ເຊຍ ​ໃນ​ວັນ​ທີ 18-22 ພະຈິກ​ນີ້ ​ໂດຍ​ຈະ​ມີບັນດາຜູ້ນຳຈາກ​ອາ​ຊຽນ ​ແລະ ຄູ່​ຮ່ວມ​ມື​ຕ່າງໆ​ ​ເຂົ້າຮ່ວມ.

​ເປົ້າ​ໝາຍ​ຕົ້ນຕໍຂອງກອງປະຊຸມນີ້ ​​​ແມ່ນ​ການສ້າງຕັ້ງ​ປະຊາ​ຄົມ​ອາ​ຊຽນ ​ຢ່າງ​ເປັນ​ທາງ​ການໃນ​ທ້າຍ​ປີ​ນີ້, ບັນດາຜູ້ນຳຈະ​ປຶກສາ​ຫາລື  ຖະແຫລ​ງການ​ຮ່ວມ ກົວ​ລາ​ລຳ​ເປີ 2015 ກ່ຽວ​ກັບວິ​ໄສ​ທັດ​ອາ​ຊຽນ 2025 ​ແລະ ​ການ​ແລກປ່ຽນບັນຫາ​ຕ່າງໆໃນ​ພາກ​ພື້ນ ​ແລະ ສາກົນ ທ່ີ​ຕ່າງ​ຝ່າຍມີ​ຄວາມ​ສົນ​ໃ​ຈຮ່ວມ​ກັນ. ນອກຈາກ​ນັ້ນ ບັນດາຜູ້ນຳ​ອາ​ຊຽນ ຍັງຈະ​ຮັບຮອງ​ເອກະສານສຳຄັນ 18 ສະບັບ ​ແລະ ​ເຂົ້າ​ຮ່ວມ​ ພິທີ​ລົງນາມ ກົດບັດ​ ອາ​ຊຽນ ກ່ຽວ​ກັບ ຕ້ານ​ການ​ຄ້າ​ມະນຸດ ​ໂດຍ​ສະ​ເພາະ​​ ແມ່​ຍິງ ​ແລະ ​ເດັກນ້ອຍ.

ແຫລ່ງຂ່າວ: