spot_img
Homeຂ່າວຕ່າງປະເທດຣັດເຊຍຢືນຢັນແລ້ວ! ຖ້ຽວບິນ 9268 ຕົກໃນອີຍິບ ຖືກກຸ່ມກໍ່ການຮ້າຍວາງລະເບີດ

ຣັດເຊຍຢືນຢັນແລ້ວ! ຖ້ຽວບິນ 9268 ຕົກໃນອີຍິບ ຖືກກຸ່ມກໍ່ການຮ້າຍວາງລະເບີດ

Published on

EyWwB5WU57MYnKOuYBnjoBUXPsaCvIrYWqj3k7LdSzK6v64qzodrY8

ຊັອກ​ກັນ​ອີກ ຣັດ​ເຊຍ​ອອກມາ​ຢືນຢັນ​ແລ້ວ ເຮືອ​ບິນ​ໂດຍ​ສານ​ສາຍ​ການ​ບິນ​ເມ​ໂທຣ​ເຈັດ ຂອງ​ຣັດ​ເຊຍ ຖ້ຽວ​ບິນ 9268 ທີ່​ຕົກ​ເທິງ​ຄາບ​ທະເລ​ໄຊ​ນາຍ ໃນ​ອີ​ຍິບ ຖືກວາງ​ລະ​ເບີດ ດ້ວຍ​ຝີ​ມື​ກຸ່ມ​ຜູ້​ກໍ່​ການ​ຮ້າຍ

ສຳ​ນັກ​ຂ່າວ​ຕ່າງ​ປະເທດ​ລາຍ​ງານ​ຄວາມ​ຄືບ​ໜ້າ​ເຫດການ​ເຮືອ​ບິນ​ໂດຍ​ສານ​ຂອງ​ສາຍ​ການ​ບິນ​ເມ​ໂທຣ​ເຈັດ ຂອງ​ຣັດ​ເຊຍ ຖ້ຽວ​ບິນ 9268 ​ຕົກ​ເທິງ​ຄາບ​ທະເລ​ໄຊ​ນາຍ ໃນ​ປະເທດ​ອີ​ຍິບ ເມື່ອວັນທີ່ 31 ຕຸລາ ຫລັງ​​ອອກ​ຈາ​ກສະໜ​າມ​ບິນ​ທີ່​ເມືອງ​ຕາກ​ອາ​ກາດ​ຊາ​ມ ເອລ ຊີກ ມຸ່ງ​ໜ້າ​ມາຍັງ​ນະຄອນ​ເຊນ ປີ​ເຕີສ໌ເບີ​ກ ໃນ​ຣັດ​ເຊຍ ເປັນ​ເຫດ​ໃຫ້​ຜູ້​ໂດຍ​ສານ​ແລະ​ລູກ​ເຮືອ​ຕາ​ຍຍົກລຳ 224 ລາຍ ແລະ​ຈາກ​ການ​ສືບ​ຫາ​ສາ​ເຫດ​ການ​ຕົກ​ໃນ​ເວລາ​ຕໍ່​ມາ ບົ່ງ​ຊີ້​ວ່າ ມີ​ຄວາມ​ເປັນ​ໄປ​ໄດ້​ສູງ​ເຖິງ 99.9% ທີ່​ເຮືອ​ບິນ​ລຳ​ນີ້​ຖືກວາງ​ລະ​ເບີດ ຈົນ​ເຮັດໃຫ້​ເຮືອ​ບິນ​ລະ​ເບີດ​ກາງ​ອາ​ກາດ​ນັ້ນ

ໃນ​ທີ່ສຸດ​ເມື່ອ​ວັນທີ່ 17 ພະຈິກ ສຳ​ນັກ​ຂ່າວ​ທາສ໌ ກະ​ບອກ​ສຽງ​ຂອງ​ລັດຖະບານ​ຣັດ​ເຊຍ​ແຈ້ງ​ວ່າ ອາ​ເລັກ​ຊານ​ເດີ ບອນ​ນິຄອບ ອອກ​ມາ​ຢືນຢັນ​ແລ້ວ​ວ່າ ເຮືອ​ບິນ​ໂດຍ​ສານ​ຂອງ​ສາຍ​ການ​ບິນ​ເມ​ໂທຣເຈັດ ຖ້ຽວ​ບິນ 9268 ຖືກວາງ​ລະ​ເບີດ ໂດຍ​ກຸ່ມ​ຜູ້​ກໍ່​ການ​ຮ້າຍ ເນື່ອງ​ຈາກ​ມີ​ການ​ກວດ​ພົບ​ຊິ້ນ​ສ່ວນ​ວັດ​ຖຸ​ລະ​ເບີດ​ປະ​ປົນ​ຢູ່​ກັບ​​ຊາກ​ເຮືອ​ບິນ​ແລະ​ໃນ​ບໍລິເວນ​ທີ່​ເຮືອ​ບິນ​ຕົກ  ໂດຍບອນ​ນິຄອບ ກ່າວ​ວ່າ ລະ​ເບີດ​ທີ່​ໃຊ້ ເປັນ‘ລະ​ເບີດ​ເຮັດ​ເອງ’ ແລະ​ໃຊ້​ວັດ​ຖຸ​ລະ​ເບີດ TNT ນ້ຳ​ໜັກ​ປະ​ມານ 1 ກິ​ໂລ​ກຣາມ ຂະນະ​ທີ່ຣັດ​ເຊຍ​ໄດ້​ຂໍຮ້ອງ​ໃຫ້​ຊາດ​ພັນ​ທະ​ມິດ​ຂອງ​ຣັດ​ເຊຍ​ຊ່ວຍ​ຕິດ​ຕາ​ມຫາ​ກຸ່ມ​ກໍ່​ການ​ຮ້າຍ​ໃນ​ເທື່ອ​ນີ້ ເພື່ອ​ນຳ​ຕົວ​ມາ​ລົງໂທດ​ໃຫ້​​ໄດ້

ທັງ​ນີ້ ຫລັງ​ເກີດ​ເຫດ​ເຮືອ​ບິນ​ໂດຍ​ສານ​ຂອງ​ຣັດ​ເຊຍຕົກບໍ່ດົນ​​ກຸ່ມ​ຕິດ​ອາ​ວຸດ​ໃນ​ອີ​ຍິບ ຊຶ່ງ​ເປັນ​ພັນ​ທະ​ມິດ​ກັບ​ ‘ລັດ​ອິດ​ສະລາມ’ ຫລື​ໄອ​ຊິດ ໄດ້​ອອກ​ມາ​ອ້າງ​ວ່າ ພວກ​ຕົນ​ໄດ້​ທຳລາຍ​ເຮືອ​ບິນ​ຂອງ​ຣັດ​ເຊຍ

 

ບົດຄວາມຫຼ້າສຸດ

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...