ຮູ້ ຫລື ບໍ່? ໝາກສີດານັ້ນມີປະໂຫຍດຫລາຍກວ່າທີ່ທ່ານຄິດ ໝາກສີດາເປັນຫມາກໄມ້ທີ່ຫາຊື້ໄດ້ງ່າຍ ມີຕະຫລອດທັງປີແລະລາຄາບໍ່ແພງ ແຕ່ມີຄຸນຄ່າທາງໂພດສະນາການສູງຫຼາຍ ໝາກສີດາມີວິຕາມິນສູງ ໃຊ້ແກ້ອາການເຈັບທ້ອງ ລະງັບກິ່ນປາກ ຊ່ວຍປ້ອງກັນພະຍາດເລືອດອອກຕາມໄລແຂ້ວ ບຳລຸງເຫງືອກ ແລະ ແຂ້ວ ບຳລຸງຜິວພັນ ແລະມີສານເບຕ້າແຄໂລທີນ ຊ່ວຍຫຼຸດສານພິດໃນຮ່າງກາຍ ຊ່ວຍຫຼຸດລະດັບໄຂມັນໃນຫລອດເລືອດ ປ້ອງກັນບໍ່ໃຫ້ໄຂມັນຈັບທີ່ຝາຫລອດເລືອດ ຊຶ່ງເປັນສາເຫດຂອງພະຍາດເລືອດແຂງຕົວ ບາງຄົນອາດຈະບໍ່ມັກຮັບປະທານໝາກສີດາສົດໆ ມື້ນີ້ເຮົາເລີຍມີສູດການເຮັດ ນ້ຳໝາກສີດາ ມາຝາກ ບໍ່ຍາກເລຍ
ສ່ວນປະກອບ
• ໝາກສີດາ 2 ໜ່ວຍ
• ນ້ຳຕົ້ມສຸກ 200 ກຣາມ
• ນ້ຳເຊື່ອມ 15 ກຣາມ
• ເກືອ 2 ກຣາມ
ວິທີເຮັດ
• ນຳໝາກສີດາມາລ້າງໃຫ້ສະອາດ ແລະ ຝານເປັນປ່ຽງນ້ອຍໆ (ໃຊ້ແຕ່ເນື້ອໝາກສີດາ)
• ນຳໝາກສີດາທີ່ຝານແລ້ວໃສ່ໃນເຄື່ອງປັ່ນ ຕື່ມນ້ຳຕົ້ມສຸກແລະປັ່ນຈົນລະອຽດ
• ຕອງດ້ວຍຜ້າຂາວບາງ ຕື່ມນ້ຳເຊື່ອມ ແລະ ເກືອ ຊິມລົດຊາດຕາມໃຈມັກໄດ້ເລີຍ
ນ້ຳໝາກສີດາ ເຮັດບໍ່ຍາກເລີຍແມ່ນບໍ່? ຖ້າຫາກໃສ່ແກ້ວທີ່ສະອາດສາມາດແຊ່ເຢັນໄວ້ໄດ້ເຖິງ 5-7 ມື້ເລີຍ ລອງເຮັດແລ້ວແຊ່ເຢັນເກັບໄວ້ດື່ມແກ້ຮ້ອນ ແລະ ຍັງໄດ້ປະໂຫຍດຕໍ່ສຸກຂະພາບອີກດ້ວຍ
