ທຸກເທື່ອທີ່ບິດຂີ້ຄ້ານ ຂ້ອຍຮູ້ສຶກຄືມີສຽງດັງກອບທົ່ວຕົວ ແບບນີ້ຮ້ອງວ່າຜິດປົກກະຕິຫລືບໍ່?
ແລ້ວແຕ່ກໍລະນີ ເຈົ້າຮູ້ສຶກເຈັບຫລືຮູ້ສຶກດີ ຫາກຮູ້ສຶກເຈັບ ອາດເປັນເພາະອາການອັກເສບ ກ້າມເນື້ອຈີກຂາດ ຫລືກະດູກສັນຫລັງຜິດຮູບ ຖ້າເຈັບດົນເກີນອາທິດ ຄວນຈະໄປພົບແພດ ແຕ່ຖ້າເຈົ້າຄ່ອຍ ໆ ຍືດຕົວແລ້ວຮູ້ສຶກສະບາຍຕອນໄດ້ຍິນສຽງຄອບໆ ຈາກພາຍໃນຮ່າງກາຍຢ່າຟ້າວກັງວົນໃຈ ເພາະນັ້ນຄືສຽງຂອງຟອງແກສໄນໂຕເຈນທີ່ໄຫລມາລວມກັນ ແລ້ວລະເບີດອອກຕອນທີ່ຂອງແຫຼວໄຫລໄປມາພາຍໃນໄຂຂໍ້ (ຄ້າຍກັບການປ່ອຍຄວາມດັນເວລາຢູ່ເທິງຍົນແລ້ວຫາວ ເພື່ອກຳຈັດອາການຫູອື້ນັ້ນເອງ) ຫລືບາງເທຶ່ອທ່ານອາດໄດ້ຍິນສຽງເສັ້ນເອັນຫລຸດອອກຈາກຕຳແໜ່ງເດີມຂອງມັນ ແລ້ວກັບເຂົ້າໄປ ໃໝ່ຕອນທ່ານໝຸນຂໍ້ຕີນ ແຕ່ບໍ່ວ່າຈະເປັນແບບໃດກໍປອດໄພ.