ທ້າວ​ ຫຸມ​ແພງອາຍຸ 39 ປີ, ນາງບຸນ​ປັນອາຍຸ 39 ປີ​ ຢູ່​ບ້ານ​ມອນ ເມືອງ​ຕົ້ນ​ເຜິ້ງ ​ແຂວງ​ບໍ່​ແກ້ວ, ນາງຄຳອາຍຸ 33 ປີ ​ແລະ ນາງ ​ແກ້ວອາຍຸ 40 ປີ​ ຢູ່​ບ້ານ​ທ່າ​ຂີ້​ເຫລັກປະ​ເທດ​ມຽນມາ, ຖືກເຈົ້າໜ້າທີ່ປກສເມືອງຫ້ວຍຊາຍ ແຂວງບໍ່ແກ້ວ ຈັບຕົວມາດໍາເນີນຄະດີຕາມລະບຽບກົດເມື່ອວັນທີ 10 ພະຈິກຜ່ານມານີ້, ຫລັງຈາກເຈົ້າໜ້າທີ່ກວດພົບຢາບ້າຫລາຍເຖິງ 6 ແສນເມັດຊຸກເຊື່ອງຢູ່ໃນລົດຕູ້ພວກກ່ຽວ.

ເຈົ້າໜ້າທີ່ໃຫ້ຮູ້ວ່າ: ພາຍຫລັງມີພົນລະເມືອງດີແຈ້ງວ່າຈະມີການຂົນສົ່ງຢາເສບຕິດເປັນຈໍານວນຫລາຍຜ່ານເມືອງຫ້ວຍຊາຍ, ເຈົ້າໜ້າທີ່ຈຶ່ງໄດ້ຈັດກໍາລັງຕັ້ງດ່ານສະກັດເປົ້າໝາຍຕາມເສັ້ນທາງ

ເຂດບ້ານນໍ້າຍອນ, ຈຶ່ງພົບເຫັນລົດເປົ້າໝາຍເປັນລົດຕູ້ຍີຫໍ້ສະຕາແລ໋ກໝາຍເລກທະບຽນ ກທ 7170 ກໍາແພງນະຄອນຂັບຂີ່ມາດ້ວຍຄວາມໄວ, ຈຶ່ງໄດ້ທໍາການສະກັດ ແລະ ກວດຄົ້ນພາຍໃນລົດ,ຊຶ່ງມີ 4 ຄົນນັ່ງມາໃນລົດ ແລະ ພົບຢາເສບຕິດເປັນຈໍານວນຫລາຍດັ່ງກ່າວ, ພ້ອມກັບເງິນ 59 ພັນບາດ (ສະກຸນເງິນໄທ), 35 ຢວນ (ສະກຸນເງິນຈີນ),100 ​ໂດ​ລາສະຫະລັດ ​ແລະ ​ໂທລະສັບ 2 ​ເຄື່ອງ, ຈຶ່ງໄດ້ຍຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ.

ປັດຈຸບັນຄະດີຢາເສບຕິດລາຍນີ້, ພວມຢູ່ໃນຂັ້ນຕອນການຂະຫຍາຍຜົນເພື່ອຫາແຫລ່ງທີ່

ມາຂອງຢາເສບຕິດດັ່ງກ່າວ ແລະ ຜູ້ຮ່ວມຂະບວນການມາດໍາເນີນຄະດີໃຫ້ໄດ້ໂດຍໄວ

ຂ່າວຈາກ ໜັງສືພິມລາວພັດທະນາ