ທຳນຽບຂາວ ອິນເຊນດ໌… ເປີດໜ້າເຟດຕ໌ບຸກປະທານາທິບໍດີບາລັກ ໂອບາມ່າ ເພື່ອໃຊ້ເປັນຊ່ອງທາງສື່ສານກັບຊາວອາເມລິກັນໂດຍກົງໃນຍຸກສັງຄົມອອນໄລນ໌ ຂະນະທີ່ຊາວເນັດແຫ່ກົດ‘Like’ກັນຢ່າງຫລວງຫລາຍ ພຽງແຕ່ 16 ຊົ່ວໂມງ ຍອດ‘Like’ທະລຸກວ່າ 6.14 ແສນລາຍ
ເມື່ອ 10 ພະຈິກ ສຳນັກຂ່າວຕ່າງປະເທດລາຍງານ ທຳນຽບຂາວທັນໂລກ ເປີດໜ້າເຟດຕ໌ບຸກ ຂອງປະທານາທິບໍດີບາລັກ ໂອບາມ່າແຫ່ງສະຫະລັດ ຫວັງໃຊ້ເປັນຊ່ອງທາງປະຕິສຳພັນ ເວົ້າລົມໂດຍກົງລະຫວ່າງຊາວອາເມລິກັນ ຕະຫລອດຈົນຊາວໂລກກັບປະທານາທິບໍດີໂອບາມ່າໃນຍຸກສັງຄົມອອນໄລນ໌ກຳລັງເບັ່ງບານ ໂດຍປາກົດວ່າ ຫລັງຈາກມີການເປີດເຟດຕ໌ບຸກະແຕ່ພຽງ 16 ຊົ່ວໂມງ. ປາກົດວ່າ ມີຊາວເນັດແຫ່ກົດ (Like)ແລ້ວກວ່າ 614,000 ລາຍ
‘ ສະບາຍດີ ເຟດຕ໌ບຸກ! ໃນທີ່ສຸດ ຂ້ອຍກໍມີໜ້າເຟດຕ໌ບຸກທີ່ເປັນຂອງຕົວເອງ ຂ້ອຍຫວັງວ່າ ເຈົ້າຈະຄິດວ່າ ບ່ອນນີ້ ຈະເປັນບ່ອນທີ່ພວກເຮົາສາມາດໂອ້ລົມກັນຢ່າງແທ້ຈິງ ກ່ຽວກັບ ປະເດັນສຳຄັນໆທີ່ພວກເຮົາກຳລັງຜະເຊີນກັນຢູ່ໃນປະເທດ ແລະຍັງເປັນບ່ອນທີ່ເຈົ້າສາມາດຕິດຕໍ່ກັບຂ້ອຍໄດ້ໂດຍກົງ ລວມທັງແຊລ໌ຄວາມຄິດແລະເລື່ອງລາວຂອງເຈົ້າ’ ຂໍ້ຄວາມເທິງໜ້າເຟດຕ໌ບຸກ ຂອງປະທານາທິບໍດີໂອບາມ່າ