ເຄີຍເຂົ້າໄປນັ່ງໃນລົດຕົນເອງຫລືລົດໝູ່ແລ້ວຮູ້ສຶກອາກາດອັບຫລືອາດຈະຝຸ່ນຫລາຍຈົນທັງຈາມທັງໄອຕັ້ງແຕ່ກ້າວທຳອິດທີ່ຂຶ້ນລົດ ອາກາດບ້ານເຮົາທັງຮ້ອນທັງຊຸ່ມ ທັງເຊື້ອລາ ທັງແບກທີເຣຍຈະເລີນເຕີບໂຕໄດ້ງ່າຍຫລາຍໆ ຍິ່ງຊ່ອງແອຖ້າບໍ່ໄດ້ຮັບການເຮັດຄວາມສະອາດນຳ ລົມປະທະໜ້າເທື່ອທຳອິດທີ່ເປີດແອນີ້ເຕັມໄປດ້ວຍເຊື້ອລາແຈ້ງໆຈະບໍ່ໃຫ້ປ່ວຍໄດ້ຈັ່ງໃດ ທາງການແພດພວກເຂົາເອີ້ນວ່າ “Sick Car Syndrome”
ອາການປ່ວຍຈາກເຊື້ອລາ ແບກທີເຣຍ ແລະ ຝຸ່ນຕ່າງໆ ໃນລົດ
– ໄອ
– ຈາມ
– ຫາຍໃຈລຳບາກ
– ລະຄາຍເຄືອງຕາ ແລະດັງ ຈົນນ້ຳມູກນ້ຳຕາໄຫລ
– ຢາກນອນຊຶມ
– ແໜ້ນໜ້າເອິກ
– ລະບົບທາງເດີນຫາຍໃຈຜິດປົກກະຕິ
– ພູມແພ້
ສະເປສີດດັບກິ່ນ ນ້ຳຢາດັບກິ່ນໃນລົດ ຊ່ວຍໄດ້ຫລືບໍ່?
ຖ້າເປັນສູດກຳຈັດແບກທີເຣຍກໍຊ່ວຍໄດ້ພຽງໄລຍະໜຶ່ງ ແຕ່ເມື່ອລິດ ຫລືກິ່ນຂອງນ້ຳຢາໝົດ ແບກທີເຣຍແລະເຊື້ອລາກໍຈະກັບມາອີກຢູ່ດີ ແຕ່ຖ້າເປັນສູດປັບກິ່ນລ້າໆກໍບໍ່ສາມາດຂ້າແບກທີເຣຍ ຫລືເຊື້ອລາໄດ້
ວິທີກຳຈັດຝຸ່ນ ເຊື້ອລາໃນລົດ ສາເຫດຂອງພະຍາດພູມແພ້
1. ຫາສາເຫດຂອງກິ່ນອັບຖ້າເປີດປະຕູເຂົ້າໄປແລ້ວມີກິ່ນເລີຍກິ່ນອາດຈະມາຈາກບ່ອນນັ່ງ ຫາກມີກິ່ນຕອນເປີດແອ ກິ່ນອາດມາຈາກແອ ເປັນຕົ້ນ ເມື່ອຫາສາເຫດໄດ້ແລ້ວກໍຈັດການເຮັດຄວາມສະອາດໄດ້ເລີຍ
2.ໝັ່ນດູດຝຸ່ນເບາະນັ່ງເປັນປະຈຳໂດຍສະເພາະເບາະຜ້າຢ່າລືມດູດຝຸ່ນພົມຢູ່ຕີນນໍາ
3.ຖ້າມີນ້ຳ ຫລືເຄື່ອງດື່ມຕ່າງໆເຄີຍເຮ່ຍໃສ່ເບາະ ຫລືບ່ອນວາງຕີນ ຮີບເຮັດຄວາມສະອາດ ແລະຈັດການໃຫ້ແຫ້ງ
4.ຢ່າສີດສະເປ ນ້ຳຫອມ ຫລື ສານເຄມີຕ່າງໆ ຫລາຍຈົນເກີນໄປ ແທນທີ່ຈະໃຫ້ຜົນດີີ ກັບໃຫ້ຜົນທີ່ບໍ່ດີກວ່າເກົ່າ
5.ຖ້າຍັງມີເຊື້ອລາຫລືກິ່ນອັບທີ່ແກ້ໄຂເອງບໍ່ໄດ້ໃຫ້ຮີບປຶກສາຜູ້ຊ່ຽວຊານ
ລົດສຳລັບບາງຄົນເກືອບຈະເປັນຄືເຮືອນຫລັງທີ່ສອງຫລືສາມ(ຮອງຈາກຫ້ອງການ) ເພາະສະນັ້ນເຮົາກໍຄວນເບິ່ງແຍງ ເຮັດຄວາມສະອາດ ແລະ ປິ່ນປົວສະພາບລົດໃຫ້ສະອາດແລະພ້ອມໃຊ້ງານຢູ່ສະເໝີ ເພື່ອສຸຂະພາບທີ່ດີ ແລະ ຄວາມປອດໄພຂອງເຮົາ