ຍຸກນີ້ສາວຄົນໃດບໍ່ອອກກຳລັງກາຍຫຍັງຈັກຢ່າງຄືສິເຊີຍໄປແດ່ ບໍ່ວ່າຈະເປັນການເຂົ້າຍິມ ເຂົ້າຟິດເນດ ຫລິ້ນໂຍຄະ ຂີ່ລົດຖີບ ຕີດອກປີກໄກ່ ຊົກມວຍ ຫລື ແລ່ນຈອກກິ້ງເພາະເທນດູແລສຸຂະພາບແລະຮູບຮ່າງກຳລັງອິນ ແຕ່ຮູ້ຫລືບໍ່ວ່າ ພຽງແຕ່ການຟິດຫຸ່ນຢ່າງດຽວບໍ່ພໍ ຖ້າຢາກໄດ້ຊື່ເປັນສາວທັນສະໄໝ ນຳເທນ ຕ້ອງຟິດເນດໜ້າດ້ວຍອີກຢ່າງ
ມາອອກກຳລັງກາຍໃບໜ້າໃຫ້ຟິດກະຊັບກັນ
ທ່າທີ່ 1 ຊ່ວຍກະຊັບຮູບໜ້າ ແນວຄາງ
ວາງນິ້ວລົງບໍລິເວນຄາງ ລູບມືໄປຕາມແນວຄາງກະໄຕໄປເຖິງ ໃບຫູ ເຮັດຊ້ຳ 3 ຮອບ
ທ່າທີ່ 2 ຊ່ວຍຫຼຸດຮອຍຮ່ອງແກ້ມ
ວາງນິ້ວບໍລິເວນຂ້າງດັງທັງສອງຂ້າງ ກົດຈຸດແລ້ວລູບຊ້າ ໆ ໄປຕາມແນວກ້ອງໂໜກແກ້ມຂຶ້ນໄປເຖິງຂະໝັບ ເຮັດຊ້ຳ 3 ຮອບ
ທ່າທີ່ 3 ຊ່ວຍກະຊັບກາມແລະຫຼຸດແກ້ມ
ເງີຍໜ້າເບີ່ງດ້ານເທິງໃຫ້ໄດ້ຫລາຍທີ່ສຸດ ສູບລົມຫາຍໃຈເຂົ້າເລິກ ໆ ເຮັດປາກຈູ ຍົກປາກລຸ່ມຂຶ້ນ ຜ່ອນລົມຫາຍໃຈອອກ ເຮັດຊ້ຳ 5 ຮອບ
ທ່າທີ່ 4 ຊ່ວຍບໍ່ໃຫ້ຄາງເຍີ້ນ
ນັ່ງຕົວກົງ ເອນຫົວໄປດ້ານຫລັງພ້ອມສູບລົມຫາຍໃຈເຂົ້າ ເອນຫົວກັບມາຕັ້ງກົງພ້ອມຜ່ອນລົມຫາຍໃຈອອກ ເຮັດ 3 ເທື່ອ ຈາກນັ້ນເອນຫົວໄປດ້ານຫລັງພ້ອມດຶງຮີມຝີປາກລຸ່ມໃຫ້ພໍດີກັບຮີມຝີປາກເທິງ ແລ້ວຜ່ອນລົມຫາຍໃຈອອກໃຫ້ຫລາຍທີ່ສຸດພ້ອມກົ້ມຫົວລົງ