ສາວ ໆຢຸກໃໝ່ຢ່າງເຮົາ ກໍຕ້ອງພົບບັນຫາຄວາມຄຽດໃນການເຮັດວຽກງານຄືກັນ ເຖິງວ່າວຽກງານຈະໜັກຫຼືມີຄວາມຄຽດ ແຕ່ເຮົາກໍ່ສາມາດຫຼຸດຄວາມຄຽດໄດ້ດ້ວຍການປັບຕົວເລັກໆນ້ອຍໆ ເຮົາໄປເບິ່ງເຄັດລັບກັນດີກວາ
1. ອອກກຳລັງກາຍເພື່ອລະບາຍຮໍໂມນແຫ່ງຄວາມຄຽດອອກໄປໃຫ້ໝົດ ຈະອອກກຳລັງກາຍລະຫວ່າງການເຮັດວຽກ ເຊັ່ນ ການຢ່າງຂຶ້ນລົງຄັນໄດ ຫຼືຈະເປັນການຫຼີ້ນກີລາ ຫລືເຮັດວຽກເຮືອນໃນເວລາວ່າງກໍໄດ້ ການອອກກຳລັງກາຍຈົນໄດ້ເຫື່ອຈະກະຕຸ້ນໃຫ້ ຮ່າງກາຍຫລັ່ງຮໍໂມນແຫ່ງຄວາມສຸກອອກມາ ຊ່ວຍໃຫ້ຮ່າງກາຍແລະຈິດໃຈສົດຊື່ນ
2. ພັກຜ່ອນໃຫ້ພຽງພໍ ບໍ່ຈຳເປັນເອົາວຽກກັບໄປເຮັດທີ່ເຮືອນ ເຮົາຕ້ອງຮູ້ຈັກບໍລິຫານເວລາ ເພື່ອຈະໄດ້ມີເວລາພັກຜ່ອນສ່ວນຕົວແລະມີເວລາໃຫ້ຄອບຄົວນຳ ແມ່ນແຕ່ເຄື່ອງຈັກຍັງຕ້ອງມີເວລາພັກ ເຈົ້າເອງກໍຕ້ອງມີເວລາພັກຜ່ອນນຳເພື່ອຈະໄດ້ມີພະລັງສຳລັບການເຮັດວຽກງານໃນມື້ຕໍ່ໄປ
3. ປຶກສາບັນຫາທີ່ເຈົ້າໜັກໃຈກັບຄົນໃກ້ຊິດ ບາງເທື່ອພວກເຂົາອາດ ຊ່ວຍເຈົ້າແກ້ບັນຫາບໍ່ໄດ້ ແຕ່ການໄດ້ລະບາຍແລະໄດ້ຄຳປອບໂຢນ ເຈົ້າຈະຮູ້ສຶກ ດີຂຶ້ນ ສະບາຍໃຈຂຶ້ນ ເມື່ອສະໝອງປອດໂປ່ງ ກໍອາດຄິດແກ້ໄຂບັນຫາໄດ້ເອງ
4. ປັບປ່ຽນຄວາມຄິດ ຢ່າເອົາແຕ່ວິຕົກກັງວົນໃຫ້ຫຼາຍຈົນເກີນໄປ ລອງຄິດໃນ ຫຼາຍ ໆ ແງ່ມຸມ ຄິດໃນສິ່ງດີໆ ຄິດແບບມີຄວາມຫວັງນຳ ແລະຢ່າຄິດໝົກມຸ່ນ ແຕ່ບັນຫາຂອງຕົວເອງ ຄິດເຖິງຄົນອື່ນ ນຳ ຍັງມີຄົນລຳບາກກວ່າເຈົ້າອີກຫຼາຍ ຈະໄດ້ມີກຳລັງໃຈຕໍ່ສູ້ບັນຫາໄດ້ຕໍ່ໄປ
5. ຝຶກເທັກນິກຄາຍຄຽດ ເຊັ່ນ ການຫາຍໃຈເຂົ້າເລິກໆ ໃຫ້ທ້ອງຕື່ງອອກ ແລະ ຫາຍໃຈອອກຊ້າໆ ໃຫ້ທ້ອງແວບລົງ ຈະຊ່ວຍຊະລໍຄວາມຢາກຮ້າຍ ຄາຍຄວາມກັງວົນ ຫຼຸດຄວາມຢ້ານ ແລະຄວາມຕື່ນ ເຕັ້ນລົງໄດ້ ນອກຈາກນີ້ຄວນຝຶກສະມາທິເພື່ອສະຫງົບຈິດໃຈ ໂດຍມີສະຕິຢູ່ກັບລົມຫາຍໃຈເຂົ້າອອກ ຈະຊ່ວຍຄາຍຄຽດໄດ້ເປັນຢ່າງດີ