ມືຖືທຸກມື້ນີ້ຍ່ອມມີຫຍັງທີ່ປະທັບໃຈແລະໜ້າຜິດຫວັງທີ່ເຮັດໃຫ້ຄວາມໜ້າສົນໃຈຫລຸດລົງ ແນ່ນອນວ່າ iPhone 6s ຍ່ອມມີຂໍ້ດີແລະຈຸດທີ່ບໍ່ເຮັດໃຫ້ໜ້າສົນໃຈ ມື້ນີ້ຂໍນຳສະເໜີຈຸດທີ່ເຮັດໃຫ້ iPhone 6s ບໍ່ໜ້າສົນໃຈ ວ່າມີຫຍັງແດ່ມາເບິ່ງກັນ
ລາຄາຂອງມັນແພງກວ່າເກົ່າພໍສົມຄວນ
ແນ່ນອນວ່າ iPhone 6s ເປັນສິນຄ້າທີ່ໃຊ້ຄ່າເງີນ ດອນລາ ສະຫະລັດ ເຮັດໃຫ້ຫລາຍຄົນຈົ່ມວ່າເສຍດາຍເງີນຢູ່ບໍ່ແມ່ນໜ້ອຍ
ເຖິງວ່າເຫດຜົນນີ້ອາດຈະເຮັດໃຫ້ບາງສ່ວນເລື່ອນການຊື້ໄປເພື່ອລໍຖ້າໂປຣໂມຊັ່ນທີ່ດີ ແຕ່ການ Pre-Order ທີ່ຜ່ານມາ ຂອງເກືອບຈະໝົດເກືອບ 100% ຢູ່ດີ
ຕົວເຄື່ອງໜັກກວ່າເກົ່າ
ການປ່ຽນວັດສະດຸເປັນ ອະລຸມິນ່ຽມ ເກດ 7,000 ເຮັດໃຫ້ແຂງແຮງຫລາຍຂຶ້ນ ໜາກວ່າເກົ່າໜ້ອຍໜື່ງ ແຕ່ທີ່ຮູ້ຄືນ້ຳໜັກມັນຫລາຍພໍສົມຄວນ ອາດຈະບໍ່ຖືກໃຈສຳລັບຄົົນທີ່ຕ້ອງການ iPhone ທີ່ເບົາຄືກັບ iPhone 6 ທີ່ພ່ານມາ
ລູກຫລິ້ນໃໝ່ໃນພາບລວມໜ້ອຍເກີນໄປ
iPhone 6s ຄືການປັບປຸງຈາກ iPhone 6 ແລະ iPhone 6s Plus ເກົ່າ ດັ່ງນັ້ນຮູບຮ່າງບໍ່ໄດ້ປ່ຽນແປງລວມທັງຟັງຊັ່ນທີ່ອາດຈະເພີ່ມເຕີມ ເຊັ່ນຈໍ 3D Touch ແລະ ກ້ອງທີ່ມີຄວາມລະອຽດເພີ່ມຂຶ້ນ ຄຳຖາມຄື ທຸກສິ່ງທີ່ກ່າວມາ ມັນພຽງແຕ່ 2 ສ່ວນຫລັກໆ ທີ່ຊັດເຈນ ນອກນັ້ນຍັງຄື
Android ມີຫຍັງທີ່ໜ້າສົນໃຈກວ່າ
ນອກຈາກ Android ທີ່ອອກມາຈະພະຍາຍາມໃສ່ຟັງຊັ່ນທີ່ຄືກັບ iPhone 6s ພໍສົມຄວນແລ້ວ ແຕ່ຕ້ອງຢ່າລືມວ່າ ພາບລວມຂອງມືຖື Android ບໍ່ວ່າຈະເປັນເລື່ອງຄວາມລະອຽດຂອງກ້ອງ ຄວາມລະອຽດໜ້າຈໍ ແລະປະສິດທິພາບທີ່ດີກວ່າໃນພາບລວມ ແລະລາຄາຖືກກວ່າ ເລີຍເຮັດໃຫ້ຫລາຍຄົນປັນໃຈຈາກ iPhone ໄດ້ງ່າຍແທ້ໆ
ແລະທຸກມື້ນີ້ຄວາມແຕກຕ່າງຂອງ 2 ລະບົບປະຕິບັດການນີ້ໜ້ອຍລົງຫລາຍ ປະກອບກັບ Android ມີການພັດທະນາຫລາຍຂຶ້ນເຮັດໃຫ້ມັນເບິ່ງດີກວ່າ iPhone 6s ໃນມືຖືບາງລຸ້ນອີກ
ລໍຖ້າອີກບໍ່ດົນ iPhone 7 ກໍມາແລ້ວ
ເປັນປົກກະຕິຂອງມືຖືທີ່ມີຮອບການຂາຍ 1 ປີ ສະນັ້ນແລ້ວ iPhone 6s ອາດຈະຍັງບໍ່ຖືກໃຈໃຜຫລາຍຄົນໃນເວລານີ້ ແນະນຳວ່າ ຖ້າຢາກໃຊ້ iPhone ຕໍ່ໄປ ລໍຖ້າ iPhone 7 ທີ່ຈະອອກມາໃນປີໜ້າອາດຈະມີສິ່ງທີ່ເຈົ້າຮ້ອງ ວ້າວ ກວ່ານີ້ແລະກວ່າຈະເຖິງເວລານັ້ນ ຄ່າເງີນດີຂຶ້ນກວ່ານີ້ ລາຄາກໍຈະບໍ່ແພງແບບນີ້
ທີ່ຜ່ານໄປນັ້ນອາດຈະເຮັດໃຫ້ຫລາຍຄົນລັງເລວ່າຈະຊື້ iPhone 6s ດີຫລືບໍ່ ຄຳຕອບຢູ່ທີ່ເຈົ້າພ້ອມທີ່ຈະຈ່າຍຄ່າເຄື່ອງທີ່ມີລາຄາເກີນ 5 ລ້ານ ຫລືຫາຕົວເລືອກອື່ນທີ່ຈ່າຍໜ້ອຍແຕ່ຄຸ້ມຄ່າດີບໍ່