„ຊາວຊູດານໃຕ້ 30,000 ຄົນກຳລັງຈະອົດຕາຍ ລາຍງານໂດຍຫນ່ວຍງານດ້ານອາຫານຂອງຍູເອັນລະບຸວ່າ ຊາວຊູດານໃຕ້ຢ່າງໜ້ອຍ 30,000 ຄົນກຳລັງຈະອົດຕາຍ ແລະ ອີກປະມານ 4 ລ້ານຄົນກຳລັງຂາດອາຫານ ມື້ວັນສຸກທີ່ 23 ຕຸລາ ເວລາ 12:30 ນ. ສຳນັກຂ່າວຕ່າງປະເທດລາຍງານຈາກເມືອງເຈນີວາ ປະເທດສະວິດເຊີລ໌ແລນດ໌ ເມື່ອວັນທີ່ 23 ນີ້ວ່າໂຄງການອາຫານໂລກ (ດັບເບີນຍູເອັບພີ) ອົງການອາຫານ ແລະ ການກະເສດແຫ່ງສະຫະປະຊາຊາດ (ເອັບເອໂອ) ແລະກອງທຶນເພື່ອເດັກນ້ອຍແຫ່ງສະຫະປະຊາຊາດ (ຍູນິເຊັບ) ອອກຖະແຫລງການຮ່ວມກັນເມື່ອມື້ວັນພະຫັດ ສະແດງຄວາມກັງວົນກ່ຽວກັບພາວະຄວາມອົດຢາກໃນຊູດານໃຕ້ ວ່າສົງຄາມກາງເມືອງທີ່ຍືດເຍື້ອມາດົນກວ່າ 2 ປີ ສົ່ງຜົນໃຫ້ປະຊາຊົນເກືອບ 1 ໃນ 3 ຈາກທັງໝົດປະມານ 12.3 ລ້ານຄົນ ຕ້ອງຜະເຊີນກັບພາວະອົດຢາກ ແລະ ໂພສະນາການ ໂດຍສ່ວນໃຫຍ່ເປັນເດັກນ້ອຍ ແລະ ປະມານ 30,000 ຄົນໃນຈຳນວນນີ້ກຳລັງຈະເສຍຊີວິດເພາະຄວາມອົດຢາກ ການສູ້ຮົບລະຫວ່າງກອງທັບລັດຖະບານຊູດານໃຕ້ກັບຝ່າຍຕໍ່ຕ້ານສ້າງຄວາມເສຍຫາຍຢ່າງໜັກໃຫ້ແກ່ພື້ນທີ່ການກະເສດ ແລະ ເຮັດໃຫ້ລາຄາອາຫານໃນປະເທດຂືນສູງຂຶ້ນຢ່າງຕໍ່ເນື່ອງ ຈົນເກີນກຳລັງຂອງປະຊາຊົນສ່ວນໃຫຍ່ຊຶ່ງຍັງມີຖານະຍາກຈົນ ຢ່າງໃດກໍຕາມ ສະຫະປະຊາຊາດ (ຍູເອັນ) ຍັງບໍ່ປະກາດວິກິດການອົດຢາກ ຫລືພື້ນທີ່ໄພໃນຊູດານໃຕ້ ເປັນເພາະເຈົ້າຫນ້າທີ່ຍັງບໍ່ສາມາດເຂົ້າເຖິງພື້ນທີ່ຫລາຍແຫ່ງເພື່ອສຳຫລວດຄວາມເດືອດຮ້ອນຂອງປະຊາຊົນໄດ້ ເນື່ອງຈາກສະຖານະການສູ້ຮົບຍັງດຸເດືອດ ໂດຍສະເພາະພູມິພາກທີ່ເປັນແຫລ່ງນ້ຳມັນ ຊູດານໃຕ້ເປັນປະເທດນ້ອງໃໝ່ຂອງປະຊາຄົມໂລກໂດຍແຍກຕົວອອກມາຈາກຊູດານ ໄດ້ຮັບການຍອມຮັບສະຖານະລັດເອກກະລາດຈາກສະຫະປະຊາຊາດ (ຍູເອັນ) ແລະເຂົ້າເປັນສະມາຊິກລຳດັບທີ່ 193 ເມື່ອປີ 2011 ແຕ່ຫລັງຈາກນັ້ນປະມານ 2 ປີ ຊູດານໃຕ້ກັບເກີດສົງຄາມກາງເມືອງທີ່ເປັນການແຍ່ງຊິງອຳນາດທາງການເມືອງແລະຊັບພະຍາກອນນ້ຳມັນ ທັງນີ້ ລະດັບການອົດຢາກໃນຊູດານຍັງຢູ່ທີ່ 1 ຈາກ 5 ຕາມ ຊື່ງຂັດແຍ້ງກັບຄວາມເປັນຈິງຫລາຍ“