ສຳນັກຂ່າວຕ່າງປະເທດ ລາຍງານໃນວັນທີ 19 ຕຸລານີ້ວ່າ ທ່ານ ນາງ ເຟເດຣິກາ ໂມເກຣິນີ ຮອງປະທານຄະນະກຳມາທິການເອີຣົບ ໄດ້ຖະແຫລງຜົນຂອງການລົງມະຕິຮັບຮອງຂອງຄະນະກຳມາທິການເອີຣົບ ເພື່ອຍົກເລີກມາດຕະການຂວ້ຳບາດຕໍ່ອີຣ່ານໃນທຸກດ້ານ ຊຶ່ງເປັນຜົນຈາກການບັນລຸຂໍ້ຕົກລົງດ້ານນິວເຄລຍເມື່ອເດືອນກໍລະກົດທີ່ຜ່ານມາ.
ການມີມະຕິຮັບຮອງຂອງສະຫະພາບເອີຣົບຄືດັ່ງກ່າວນີ້ ຈະເຮັດໃຫ້ສະຫະພາບເອີຣົບຕ້ອງໄດ້ດັດແກ້ກົດໝາຍທີ່ກ່ຽວຂ້ອງທັງໝົດ ຕໍ່ກັບການຂວ້ຳບາດທາງດ້ານເສດຖະກິດ ແລະ ການເງິນທີ່ມີຕໍ່ອີຣ່ານ ຊຶ່ງເປັນບາດກ້າວທີ່ສຳຄັນຂອງການຮ່ວມມືລະຫວ່າງສະຫະພາບເອີຣົບ ແລະ ອີຣ່ານ ໃນເງື່ອນໄຂໃໝ່.