– ເລືອກດື່ມແນວໃດດີ ງານປາຕີ້ຈັດເຕັມຂະໜາດນີ້ ບໍ່ມີພາດ ເຄື່ອງດື່ມແອວກໍຮໍ ແນ່ນອນ ແນະນຳວ່າກ່ອນດື່ມຄວນກິນອາຫານທີ່ມີໂປຕີນສູງຊີ້ນໄກ່,ນົມ,ໄຂ່ຫລືປາ ຮອງທ້ອງກ່ອນ ຊ່ວຍຊະລໍການດູດຊຶມແອວກໍຮໍເຂົ້າສູ່ກະແສເລືອດໄດ້ ຢ່າດື່ມຄູ່ກັບອາຫານຫລືຂະໜົມລົດເຄັມເດັດຂາດ ເພາະຈະເຮັດໃຫ້ດື່ມໜັກຂຶ້ນ ຮູ້ບໍວ່າ ເບຍ, ໄວແດງ ຫລື ຄັອກເທນ ໃຫ້ພະລັງງານສູງສົ່ງຫລາຍ (7 ກິໂລແຄລໍລີ ຕໍ່ກຣາມ) ຈຶ່ງເຮັດໃຫ້ຕຸ້ຍງ່າຍ ສະນັ້ນສາວໆຄືເຮົາຕ້ອງສະຫລາດດື່ມຢ່າໃຫ້ເກີນ 3 ແກ້ວ ເອົາພຽງມ່ມວນກໍ່ພໍ ຈາກນັ້ນຄ່ອຍເລືອກດື່ມນ້ຳທຳມະດາ ຫລື ນ້ຳຫມາກໄມ້ແທນ
– ກິນຫລາຍແຕ່ບໍ່ຕຸ້ຍ ຢ່າອົດໝົດມື້ເພື່ອໄປຈັດການອາຫານໃນງານປາລ໌ຕີ້ ເພາະການຍັບຍັ້ງຊັ່ງໃຈບໍ່ມີ ເຫັນຫຍັງຂວາງໜ້າ ແນະນຳຄວນກິນຫຍັງຮອງທ້ອງໄປກ່ອນເຊັ່ນ ໂຍເກິລ໌ ຫລື ຫມາກໄມ້ ພໍໄປເຖິງເນັ້ນຊິມພໍ ຕັກອາຫານຢ່າງລະໜ່ອຍ ໂດຍເລືອກກິນອາຫານທີ່ໃຫ້ແຄລໍລີຕ່ຳໆເຊັ່ນ ປາ ສະຫລັດນ້ຳໃສບໍ່ແມ່ນສະຫລັດຄີມ ຍຳທີ່ໃສ່ສະໝຸນໄພຫລາຍໆ ຊ່ວຍກະຕຸ້ນລະບົບການເຜົາຜານ ເຮັດໃຫ້ອິ່ມໄວຂຶ້ນ ແຕ່ຕ້ອງບໍ່ລົດຈັດເກີນໄປ ເມນູຜັກທີ່ເຮັດສຸກແລ້ວ ຫລີກລ້ຽງການກິນຜັກດິບຂະນະທ້ອງວ່າງ ອາດເຮັດໃຫ້ທ້ອງອືດໄດ້ ຖ້າຢາກກິນຊິ້ນສັດຕ້ອງບໍ່ຕິດມັນ ແລະໃຊ້ວິທີອົບ ໜຶ້ງ ຫລື ປິ້ງແທນ ສ່ວນຂອງຈືນທີ່ມີຄໍເລດເຕີລອນສູງ ລ້ຽງໄດ້ກໍດີ ກິນຫລາຍເກີນໄປ ອາດເປັນກົດໄຫລຍ້ອນໄດ້ ລະຫວ່າງນີ້ກິນໄປຢ່າລືມເວົ້າລົມກັບໝູ່ໄປນຳ ເພື່ອໃຫ້ກະເພາະໄດ້ເຮັດວຽກ ບໍ່ແມ່ນຕັ້ງໜ້າຕັ້ງຕາກິນລູກດຽວ ເພື່ອຄວາມຄຸ້ມ
– ກິນຂະໜົມແບບໃດ ເຖິງພໍເໝາະພໍດີ ເລືອກຊິມຢ່າງລະໜ້ອຍ ພໍໃຫ້ຮູ້ລົດຊາດ ເຊັ່ນ ຄຸກກີ້ 2 ອັນ, ເຄັກອັນນ້ອຍໆ 1 ປ່ຽງ, ການລຸດຂະໜາດຂອງຂະໜົມຊ່ວຍໃຫ້ລຸດປະລິມານແຄລໍລີ່ຫລາຍກວ່າເຄຶ່ງ ຫລືບໍ່ກໍເລືອກຂະໜົມທີ່ມີໄຂມັນຕ່ຳໆເຊັ່ນ ຫມາກໄມ້ສົດ ພວກເຂົ້າໜຽວຖົ່ວລຽນ,ນ້ຳຫວານ ເວັ້ນໄວ້ແນ່ກໍດີ ເພາະນ້ຳຕານສູງ ຕັດນ້ຳຕານ ຫລືຄີມ ອອກຈາກຂະໜົມກ່ອນກິນ ບໍ່ໃສ່ກະທິໃນຂະໜົມຫວານ ຊ່ວຍລຸດພະລັງງານໄດ້ເຖິງ 81-150 ແຄລໍລີ ຫລືກາແຟຮ້ອນ ຫລັງກິນຂະໜົມ ຄາເຟອີນໃນຊາແລະກາແຟຊ່ວຍກະຕຸ້ນການເຜົາຜານພະລັງງານໄດ້ ພຽງແຕ່ວ່າຢ່າເຕີມນົມ ຫລືນ້ຳຕານເຂົ້າໄປກໍພໍ ແນະນຳໃຫ້ໃສ່ນ້ຳຕານທຽມແທນ ຫລັງຈາກກິນຂະໜົມສຳເລັດແລ້ວ ຢ່ານັ່ງແຊ່ ອອກຍ່າງລົມກັບໝູ່ໆໃນງານເລີຍ ວິທີນີ້ນອກຈາກຈະຊ່ວຍຍ່ອຍແລ້ວ ຍັງຊ່ວຍປ້ອງກັນບໍ່ໃຫ້ໄຂມັນສະສົມທີ່ໜ້າທ້ອງ ຕົ້ນຂາ ແລະສະໂພກໄດ້ອີກດ້ວຍ