ຢາກມີຜິວສວຍໃສ ກໍບໍ່ແມ່ນເລື່ອງຍາກ ພຽງເຮັດ 7 ແບບນີ້ໃຫ້ໄດ້ທຸກມື້ກໍພໍແລ້ວພື້ນຖານຂອງການແຕ່ງຫນ້າທີ່ດີ ກໍຕ້ອງມາຈາກການທີ່ມີຜິວງາມສຸກຂະພາບດີກ່ອນ ແຕ່ສາວໆຫລາຍຄົນກໍອາດຈະຄິດວ່າພຽງທາຄີມບຳລຸງຫລືຮອງພື້ນລົງໄປຫລາຍໆ ກໍຊ່ວຍໃຫ້ຜິວເບິ່ງດີຂຶ້ນມາໄດ້ແລ້ວແຕ່ຫາກປ່ຽນມາເບິ່ງແຍງຜິວໃຫ້ດີແບບມີວິໄນ ເພື່ອມີຜິວງາມໃສແບບທີ່ບໍ່ຕ້ອງແຕ່ງໜ້າຫລາຍບໍ່ດີກວ່າຫວາ ເອົາເປັນວ່າລອງເຮັດຕາມ 7 ວິທີທີ່ລາວໂພສມາແນະນຳທຸກມື້ເລີຍ ຮັບຮອງວ່າຜິວງາມໃສແນ່ນອນ
1.ລ້າງເຄື່ອງສຳອາງໃຫ້ສະອາດ ສາວໆ ຄົນໃດຕິດນິໄສໃຊ້ກຣີນເຊວເຊັດໜ້າພຽງນ້ອຍດຽວທັງໆທີ່ເຄື່ອງສຳອາງຍັງບໍ່ຫລຸດອອກໝົດ ນັ້ນເປັນນິໄສທີ່ຄວນເຊົາດ່ວນ ເພາະຫາກປ່ອຍໃຫ້ເຄື່ອງສຳອາງຕົກຄ້າງຢູ່ເທິງໃບໜ້າທັງມື້ທັງຄືນ ບອກເລີຍວ່າຜິວຈະຫ່ຽວແລະເປັນສິວ
2.ດື່ມນ້ຳສະອາດຫລາຍໆ ບໍ່ແມ່ນພຽງການບຳລຸງຈາກພາຍນອກເທົ່ານັ້ນເຖິງຈະເຮັດໃຫ້ມີຜິວງາມໃສ ແຕ່ຄວນບຳລຸງໃຫ້ດີຈາກພາຍໃນດ້ວຍການດື່ມນ້ຳສະອາດຫລາຍໆ ເພາະນ້ຳຈະຊ່ວຍໃຫ້ຜິວຊຸ່ມຊື້ນ ຖ້າປ່ອຍໃຫ້ຜິວແຫ້ງຕຶງ ເຊື່ອເລີຍວ່າຮ່ອງຮອຍຖາມຫາແນ່ນອນ ແຖມການດື່ມນ້ຳຫລາຍໆຈະເຮັດໃຫ້ຍ່ຽວເລື້ອຍ ຊຶ່ງເປັນຂໍ້ດີຄືການໄດ້ຂັບສານພິດໃນຮ່າງກາຍອອກໃຫ້ໝົດ ຜິວກໍຈະງາມໃສຂາດສິວ
3.ກິນອາຫານທີ່ມີໂອເມກ້າ 3 ຫາກໃຜມັກກິນປາແຊວມອນຫລືຖົ່ວຕ່າງໆ ຄວນດີໃຈໄວ້ເລີຍເພາະອາຫານເຫລົ່ານີ້ຈະຊ່ວຍກະຕຸ້ນການຜະລິດຄອນລາເຈນ ຊ່ວຍລຸດການອັກເສບຂອງຜິວແລະຊ່ວຍໃຫ້ຜິວເບິ່ງເປ່ງປະກາຍອໍລ່າໄດ້
4.ໃສ່ໃຈໃນການລ້າງໜ້າ ການລ້າງໜ້າບໍ່ແມ່ນພຽງໃຊ້ໂຟມລ້າງໜ້າມາຖູໆໃຫ້ສະອາດພຽງເທົ່ານັ້ນ ເພາະຖ້າຢາກມີຜິວງາມໃສແທ້ ຖ້າໃສ່ໃຈຕັ້ງແຕ່ການເລືອກຜະລິດຕະພັນລ້າງຫນ້າທີ່ເໝາະກັບຜິວ ແລ້ວເວລາລ້າງກໍບໍ່ຄວນເອົາມືຖູແຮງໆໃຫ້ເອົາມືລູບໜ້າເບົາໆກໍພໍແລ້ວ
- ບຳລຸງດ້ວຍມອຍເຈີໄລເຊີ ບໍ່ວ່າເຈົ້າຈະເປັນສາວຜິວປະສົມຫລືຜິວມັນ ກໍບໍ່ໄດ້ໝາຍຄວາມວ່າມອຍສ໌ເຈີໄລເຊີບໍ່ຈຳເປັນ ເພາະພຽງການລ້າງໜ້າໄປເທື່ອໜຶ່ງຜິວກໍເສຍຄວາມຊຸ່ມຊື້ນໄປຫລາຍແລ້ວ ສະນັ້ນຄວນຈະບຳລຸງດ້ວຍມອຍເຈີໄລເຊີຫລັງລ້າງໜ້າທຸກເທື່ອ ເພື່ອໃຫ້ຜິວຊຸ່ມຊື່ນຢູ່ສະເໝີແລ້ວສິວແລະຮອງຮອຍຈະໄດ້ບໍ່ມາຢ້ຽມຍາມໄດ້
6.ຢຸດ ແກະ ເກົາ ເວລາແຍງແວ່ນແລ້ວເຈີສິວຫລືຜົດຜື່ນຕ່າງໆ ຈະມັກເອົາມືໄປແກະເກົາມັນ ແຕ່ການທີ່ມືໄປຖືກໜ້ານີ້ແຫລະແບກທີເລຍຍິ່ງກະຈາຍສຸດທ້າຍກໍຈະເປັນສິວແລະມີບັນຫາຜິວບໍ່ເຊົາຈັກເທື່ອ
7. ທາຄີມກັນແດດ ເຖິງວ່າມື້ນັ້ນໆ ຈະບໍ່ມີແດດຫລືເປັນມື້ຝົນຕົກສຸດອຶມຄຶມ ກໍບໍ່ໄດ້ໝາຍຄວາມວ່າຈະບໍ່ຕ້ອງທາກັນແດດ ເພາະພຽງແສງໜ້າຈໍຄອມພິວເຕີກໍທຳຮ້າຍຜິວເຮົາໄດ້ແລ້ວ ແຖມຖ້າປ່ອຍໃຫ້ຜິວຖືກແດດແຮງໆກໍຈະເຮັດໃຫ້ຜິວແຫ້ງ ໜ້າແກ່ກ່ອນໄວ ແລະເປັນສິວໄດ້ດ້ວຍ ຄືສະຫລຸບງ່າຍໆເລີຍວ່າກັນແດດນີ້ແຫລະເປັນສະກິນແຄ໌ທີ່ຈຳເປັນທີ່ສຸດສຳລັບຜິວ
