ສຳນັກຂ່າວຕ່າງປະເທດລາຍງານວ່າ ເກີດເຫດສຸດຊັອກ ເມື່ອເຈົ້າສາວໃໝ່ລາຍໜຶ່ງຊາວອິນເດຍ ໄດ້ກໍ່ເຫດ”ຜູກຄໍຕາຍ”ເພາະທົນບໍ່ໄດ້ທີ່ຖືກຜົວຍຶດໂທລະສັບມືຖືຂອງນາງ ເນື່ອງຈາກນາງຕິດການຫລິ້ນເຟສບຸກ ແລະ ວັອດແອັບ
ລາຍງານລະບຸວ່າ ເຈົ້າສາວລາຍນີ້ ຊຶ່ງມີອາຍຸ 20 ປີ ເປັນຊາວເມືອງອາປານະ ໄດ້ກໍ່ເຫດດັ່ງກ່າວ ຫລັງຈາກໄດ້ມີປາກສຽງກັບຜົວທີ່ໄດ້ຢຶດໂທລະສັບມືຖືຂອງນາງ ເຮັດໃຫ້ນາງບໍ່ສາມາດຫລິ້ນເຟສບຸກ ແລະ ວັອດແອັບທີ່ນາງຕິດ ໂດຍນາງໄດ້ຂັງຕົວເອງຢູ່ໃນຫ້ອງ ແລະ ເມື່ອພີ່ນ້ອງໄດ້ພະຍາຍາມເຄາະປະຕູເອີ້ນນາງປາກົດວ່າບໍ່ມີສຽງຕອບຮັບ
ກ່ອນທີ່ຜົວຂອງນາງຈະກັບເຮືອນ ຈຶ່ງໄດ້ພັງປະຕູ ແລະ ພົບນາງຢູ່ໃນສະພາບຜູກຄໍຕາຍແລ້ວ ຂະນະທີ່ຜົວຂອງນາງເສຍໃຈຕໍ່ການຕາຍຂອງນາງຫລາຍ ແລະ ພະຍາຍາມຈະຂ້າຕົວຕາຍຕາມ ແຕ່ເຄາະດີຖືກຂັດຂວາງໄວ້ໄດ້
ນັບເປັນເຫດການກ່ຽວກັບການຕາຍຂອງຜົວເມຍເຂົ້າໃໝ່ປາມັນລາຍຫລ້າສຸດ ໂດຍກ່ອນໜ້ານີ້ ເມື່ອເດືອນ ກັນຍາ ຄູ່ຮັກຄູ່ໜຶ່ງຖືກຫ້າມບໍ່ໃຫ້ແຕ່ງງານກັນເພາະພື້ນຖານຄອບຄົວຕ່າງກັນ ກໍໄດ້ພະຍາຍາມຈະຂ້າຕົວຕາຍພ້ອມກັນທີ່ບໍລິເວນທັດສະມາຮານ ທີ່ຖືເປັນອະໜຸສາວະລີເທີດທູນຄວາມຮັກຂອງອິນເດຍ ໂດຍທັງຄູ່ຢູ່ໃນສະພາບນອນຈົມກອງເລືອດ