ເກີດເຫດລະເບີດທີ່ຮ້ານອາຫານແຫ່ງໜຶ່ງໃນເມືອງຫວູ່ຫູ່ ມົນທົນອານຮຸຍ ທາງຕະເວັນອອກຂອງປະເທດຈີນເມື່ອວັນເສົາທີ່ຜ່ານມາ ເປັນເຫດໃຫ້ມີຜູ້ເສຍຊີວິດ 17 ລາຍ ເກືອບທັງໝົດເປັນນັກຮຽນ…
ສຳນັກຂ່າວຕ່າງປະເທດລາຍງານວ່າ ຖັງແກັສລະເບີດທີ່ຮ້ານອາຫານເອກກະຊົນແຫ່ງໜຶ່ງໃນເຂດ ຈິງຫູ່ ໃນເມືອງ ຫວູ່ຫູ່ ມົນທົນອານຮຸຍ ທາງຕະເວັນອອກຂອງປະເທດຈີນ ເມື່ອມື້ວັນເສົາທີ່ຜ່ານມາ ເປັນເຫດໃຫ້ມີຜູ້ເສຍຊີວິດເຖິງ 17 ລາຍ ໂດຍສ່ວນໃຫຍ່ເປັນນັກຮຽນຈາກໂຮງຮຽນທີ່ຢູ່ໃກ້ກັນ
ຜົນການສືບສວນເບື້ອງຕົ້ນຂອງຕຳຫລວດລະບຸວ່າ ເຫດລະເບີດເກີດຂຶ້ນທີ່ຮ້ານອາຫານເຊິ່ງຕັ້ງຢູ່ທີ່ຊັ້ນ 1 ຂອງອາຄານສູງ 6 ຊັ້ນ ເມື່ອເວລາປະມານ 11:38 ຂອງມື້ວັນເສົາ ກ່ອນຈະເກີດໄຟລຸກໄໝ້ໃນອີກ 6 ນາທີຕໍ່ມາ ເຈົ້າຫນ້າທີ່ສາມາດດັບໄຟໄດ້ພາຍໃນເຄີ່ງຊົ່ວໂມງ ຢ່າງໃດກໍຕາມ ໜ່ວຍກູ້ໄພພົບຜູ້ເສຍຊີວິດ 17 ລາຍ ໃນຈຳນວນນີ້ເປັນນັກຮຽນອາຍຸລະຫວ່າງ 15-20 ປີ ຈຳນວນ 14 ລາຍ ທີ່ເຫລືອເປັນຜູ້ໃຫຍ່ອາຍຸລະຫວ່າງ 33-59 ປີ ສາເຫດການຕາຍສ່ວນໃຫຍ່ມາຈາກພາວະອາກາດເປັນພິດ
ດ້ານທ້າວ ຈາງ ເປົາຜິງ ເຈົ້າຂອງຮ້ານໄວ 38 ປີ ຖືກຕຳຫລວດຄວບຄຸມຕົວເພື່ອການສອບສວນ ເນື່ອງຈາກພວກເຂົາເປີດຮ້ານນີ້ໂດຍບໍ່ໄດ້ຮັບອະນຸຍາດເມື່ອເດືອນສິງຫາ