​ນາງ​ແບບ​ສາວ​ໄຕ້​​ຫວັນແຈ້ງ​ຄວາມ​ເອົາ​ຜິດ​ກັບ​ຜູ້​ທີ່​ນຳ​ພາບ​ໂຄສະ​ນາ​ຂອງ​ນາງ​ໄປ​ໃຊ້​ປະກອບ​ຂ່າວ ແລ້ວ​ເຮັດໃຫ້​ເກີດ​ຄວາມ​ເຂົ້າໃຈ​ຜິດ

ການ​ເລືອກ​ພາບ​ປະກອບ​ຂ່າວ​ເທິງ​ອິນ​ເຕີ​ເນັດ​ຖ້າ​ເລືອກ​ຜິດ ຫລື​ພາດ​ອາດ​ເຮັດໃຫ້​ຊີວິດ​ຄວາມ​ເປັນ​ຢູ່​ຂອງ​ຄົນ​ໃນ​ພາບ​ຕ້ອງ​ພົບ​ກັບຄວາມ​ເສຍ​ຫາຍ​ໄດ້ ຄືກັບ​ເລື່ອງ​ທີ່​ເກີດ​ກັບ Ye Wan Cheng ນາງ​ແບບ​ຊາວ​ໄຕ້​​ຫວັນ ຖືກ​ສຳ​ນັກ​ຂ່າວ​ໜຶ່ງ​ໃນ​ປະເທດ​ຈີນ​ນຳ​ພາບ​ໂຄສະ​ນາ​ທີ່​ນາງ​ໄປ​ຖ່າຍ​ໃຫ້​ກັບ​ສູນ​ສັນຍະ​ກຳ​ແຫ່ງ​ໜຶ່ງ​ໃນ​ປະເທດ​ໄຕ້​​ຫວັນ ໄປ​ໃຊ້​ປະກອບ​ຂ່າວ ( ຜົວ​ຊາວ​ຈີນ​ຟ້ອງ​ຫຍ່າ​ເມຍ ຂໍ້​ຫາ​ສັນຍະ​ກຳ​ຈົນ​ໜ້າ​ປ່ຽນ​ຈາກ​ເດີມ ແລະ​ ເຮັດໃຫ້​ລູກ​ສາວ​ເກີດ​ມາ​ໜ້າ​ຕາ​ເບິ່ງ​ບໍ່​ໄດ້ ເຫດການ​ດັ່ງ​ກ່າວ​ເກີດ​ຂຶ້ນ​ເມື່ອ​ປີ 2012 ໃນ​ຕອນ​ນັ້ນ​ທ້າວ Jian Feng ຝ່າຍ​ຜົວ​ຊະນະ​ຄະດີ​ຫຍ່າ​ໃນ​ປີ​ນັ້ນ )

ແຕ່​ພາບ​ທີ່​ສຳ​ນັກ​ຂ່າວ​ເລືອກ​ມາ​ໃຊ້​ປະກອບ​ນັ້ນ​ເປັນ​ພາບ​ຈາກ​ສູນ​ສັນຍະ​ກຳ​ໃນ​ໄຕ້​​ຫວັນ ເປັນ​ພາບ​ຖ່າຍ​ຄອບຄົວ ທີ່​ມີ​ພໍ່-ແມ່ ໜ້າ​ຕາ​ດີ ກັບ​ລູກໆ ໜ້າ​ຕາ​ບໍ່ຄືພໍ່ແມ່ອີກ 3 ຄົນ ຊຶ່ງ​ຕາມ​ຈິງ​ແລ້ວ​ໃນ​ແຜ່ນ​ໂຄສະ​ນາ​ຈະ​ມີ​ຂໍ້ຄວາມ ຖາມ​ຄົົນທີ່​ຕ້ອງ​ການເຮັດ​ສັນຍະ​ກຳ​ໃຫ້​ພິຈາລະນາ​ຕັດ​ສິນ​ໃຈ​ກ່ອນ​ວ່າ

“ສິ່ງ​ສຳຄັນ​ທີ່​ເຈົ້າ​ຄວນ​ກັງ​ວົນ​ກ່ຽວກັບ​ຫລັງ​ເຂົ້າ​ຮັບ​ການ​ສັນຍະ​ກຳ​ຄື ເຈົ້າ​ຈະ​ອະທິບາຍ​ສິ່ງ​ທີ່​ເຮັດ​ນີ້​ໃຫ້​ລູກໆ​ຂອງ​ເຈົ້າ​ຟັງ​ວ່າ​ຢ່າງໃດ” ແລະ​ພາບ​ໂຄສະນາ​ຊິ້ນ​ນີ້​ເອງ​ທີ່​ເຮັດໃຫ້​ຊີວິດ​ຂອງ​ນາງ​ແບບ​ສາວ Ye Wan Cheng ຕ້ອງ​ພົບ​ກັບ​ຄວາມ​ປັນຫາ ເພາະ​ຫລາຍ​ຄົນ​ເຂົ້າໃຈ​ຜິດ​ຄິດວ່າ​ນາງ​ແຕ່ງ​ງານ​ມີ​ລູກ​ແລ້ວ ທັງ​ທີ່​ໃນ​ຄວາມ​ເປັນ​ຈິງ​ແລ້ວ ນາງ​ຍັງ​ໂສດ​ແລະ​ຍັງ​ບໍ່​ມີ​ລູກ​​ຊ້ຳ

ເຮັດໃຫ້​ຕອນ​ນີ້ Ye Wan Cheng ຢູ່ໃນ​ຂັ້ນ​ດຳ​ເນີນ​ຄະດີ​ກັບ​ສຳ​ນັກ​ຂ່າວ​ທີ່​ນຳ​ພາບ​ດັ່ງ​ກ່າວ​ໄປ​ໃຊ້​ໃນ​ເຊີງ​ຜິດ​ຄວາມຫມາຍ ຈົນ​ສ້າງ​ຄວາມ​ເຂົ້າໃຈ​ຜິດ​ແກ່​ຜູ້​ອື່ນ