ມີເທດສະການທໍລະມານສັດທັງເປັນໃນເມັກຊິໂກ ໂດຍຮຽກຮ້ອງໃຫ້ການຈັດການເທດສະການນີ້ຜິດກົດຫມາຍ ບໍ່ໃຫ້ມີການຈັດຂຶ້ນອີກ…
ເມື່ອວັນທີ່ 6 ຕຸລາ ມີລາຍງານວ່າ ປະເທດເມັກຊິໂກມີເທດສະການແຫ່ງການທໍລະມານສັດເທດສະການໜຶ່ງຈັດຕໍ່ເນື່ອງກັນເປັນເວລາຫລາຍປີ ມີຊື່ວ່າ ” Kots Kaal Duck” ໃນເທດສະການນີ້ຈະມີການຈັບສັດທີ່ບາງເທື່ອເປັນ ໝາ ແມວ ແລະ ມີສ່ວນຫນຶ່ງເປັນສັດສະຫງວນຫລືສັດຫາຍາກໃນບາງປະເທດ ມາຂ້າດ້ວຍວິທີທໍລະມານ ເຊັ່ນ ຟາດກັບພື້ນ ຫລືແກ່ວງໄປອ້ອມຮອບ ສ່ວນເປັດຄື ສັດທີ່ຖືກທໍລະມານຢ່າງໂຫດຮ້າຍທີ່ສຸດ ຄື ຈະຖືກຫໍ່ດ້ວຍເຈ້ຍປະສົມກາວ ແລ້ວຈະຈັບມັນຫ້ອຍຫົວລົງກັບພື້ນ ມັດຂາແຂວນໄວ້ກັບຄານ ຈາກນັ້ນລຸມກັນດຶງຫົວເປັດໃຫ້ອອກຈາກຕົວພວກມັນແບບເປັນໆ ໂດຍມີກົດທີ່ວ່າໃຜທີ່ໄດ້ຫົວເປັດໄປ ຖືເປັນຜູ້ຊະນະ ດັ່ງນັ້ນ ຈຶ່ງຮຽກຮ້ອງໃຫ້ການຈັດເທດສະການນີ້ຜິດກົດຫມາຍ ບໍ່ໃຫ້ມີການຈັດຂຶ້ນອີກໃນປີຖັດໆໄປ