ບໍ່ເຊື່ອກໍຕ້ອງເຊື່ອວ່າ ເຈ້ຍອານາໄມຈະມີລິດສ້າງເລື່ອງພັງໆ ໃຫ້ກັບສິ່ງຂອງທັງ 5 ຢ່າງນີ້ໄດ້ ຖ້າຢ່າງນັ້ນໄປເບິ່ງໃຫ້ຮູ້ກ່ອນຈະພັງຄາມືກັນດີກວ່າ!
1. ເຊັດແວ່ນຕາເລນແວ່ນຈະພັງໂດຍບໍ່ຮູ້ຕົວ ເຖິງວ່າເຮົາຈະໃຊ້ເຈ້ຍອານາໄມທຳຄວາມສະອາດແກ້ວນ້ຳໄດ້ດີຊ່ຳໃດ ແຕ່ມັນກໍຍັງບໍ່ເໝາະກັບການເຊັດ ແວ່ນຕາຢູ່ດີເພາະແວ່ນຄືເລນທີ່ໃຊ້ໃນການຂະຫຍາຍແລະມີສານເຄືອບ ຫາກເຮົາຕັດສິນໃຈໃຊ້ເຈ້ຍອານາໄມລົງໄປງານນີ້ແວ່ນຕາໄດ້ເປັນຮອຍຂີດຂ່ວນຈົນເຮັດໃຫ້ເກີດບັນຫາກັບສາຍຕາຫລາຍຂຶ້ນແນ່ ທາງທີ່ດີຄວນຈະເຮັດຄວາມສະອາດດ້ວຍຜ້າເຊັດເລນໂດຍກົງຫລືໃຊ້ນ້ຳສະບູ່ລ້າງຄາບມັນແລະນຳຜ້າມາຊັບນ້ຳໃຫ້ແຫ້ງຈະດີກວ່າ
2. ເຊັດເຟີນິເຈີໄມ້ເຈີ ເຊື່ອຫລືບໍ່ວ່າພຽງເຈ້ຍອານາໄມເນື້ອບາງເບົາກໍເຮັດໃຫ້ເຟີນິເຈີຂອງເຮົາເປັນຮອຍໄດ້ຄືກັນ ຍິ່ງເຟີນິເຈີໄມ້ເຄືອບເງົາ ຍິ່ງບໍ່ຄວນໃຊ້ເຊັດ ແຕ່ຄວນຈະຫາຜ້າແພອ່ອນນຸ່ມຊຸບນ້ຳຢາທຳຄວາມສະອາດເຟີນິເຈີໄມ້ມາໃຊ້ໂດຍກົງດີກວ່າ ຖ້າຫາກໃຜຫລົງເຊັດໄປແລ້ວແລະພົບວ່າມີຮອຍຂີດເທິງເນື້ອໄມ້ລະກໍ ແກ້ໄດ້ໂດຍນຳຖົງຊາແຊ່ນ້ຳຮ້ອນແລ້ວໃຊ້ສຳລີຊຸບເຊັດລົງໄປບ່ອນທີ່ມີຮອຍ ຈາກນັ້ນນຳຜົງກາແຟປະສົມນ້ຳຮ້ອນເລັກນ້ອຍ ເອົາສຳລີຊຸບແລ້ວແຕະຊ້ຳລົງໄປບ່ອນເກົ່າ ພ້ອມນຳຜ້າສະອາດເຊັດທັນທີພຽງເທົ່ານີ້ເຟີນິເຈີໄມ້ກໍກັບມານຽບຄືເກົ່າແລ້ວ
3. ເຊັດອຸປະກອນອິເລັກໂທນິກ ອຸປະກອນອິເລັກໂທນິກເປັນອີກໜຶ່ງສິ່ງທີ່ເຮົາມັກຈະລືມຕົວແລະເອົາເຈ້ຍອານາໄມມາເຊັດທຳຄວາມສະອາດຢູ່ຕະຫລອດ ຫາກຕ້ອງການເຮັດຄວາມສະອາດຂອງປະເພດນີ້ ໃຫ້ເຮັດຄວາມສະອາດໂດຍໃຊ້ສະເປນ້ຳຢາ ແອນກໍຮໍສີດລົງເທິງຜ້າໄມໂຄໄຟເບີແລ້ວນຳມາເຊັດຝຸ່ນອອກເບົາໆແທນພຽງເທົ່ານີ້ຮອຍນິ້ວມືຫລືຄາບສົກກະປົກທີ່ກວນໃຈຈະຖືກກຳຈັດໄປຢ່າງວ່ອງໄວ
/4. ປ່ຽນພົມນຸ່ມໆໃຫ້ກາຍເປັນພົມຫຍາບໆ ເຈ້ຍອານາໄມຖືວ່າເປັນສັດຕູຕົວຮ້າຍຂອງພົມເລີຍເພາະຖ້າເຮົາຈັບເຈ້ຍອານາໄມມາເຊັດລົງເທິງພົມເມື່ອໃດຈາກພົມ ທີ່ມີເນື້ອນຸ່ມໜ້າສຳຜັດກໍຈະກາຍໄປພົມເນື້ອຫຍາບທີ່ບໍ່ໜ້າຈັບອີກຕໍ່ໄປ ເພາະຂຸຍເຈ້ຍອານາໄມຈະລົງໄປຕິດສະສົມຢູ່ໃນເສັ້ນໃຍພົມແລະຈັບຕົວກັນເປັນກ້ອນແຂງໆໃນທີ່ສຸດ ດັ່ງນັ້ນພຶດຕິກຳເຊັ່ນນີ້ເຊົາແລ້ວປ່ຽນມາໃຊ້ຜ້າຂາວທຳຄວາມສະອາດພົມແທນດີກວ່າ
/5. ເຊັດລົງເທິງຜ້າໂທນສີດຳ ສ້າງຮອຍດ່າງຂາວ ລະວັງໃຫ້ດີບໍ່ດັ່ງນັ້ນເຈົ້າອາດຈະເສຍບຸກຄະລິກເພາະເຄື່ອງແຕ່ງກາຍໄດ້ ຖ້າຍັງໃຊ້ເຈ້ຍອນານໄມທຳຄວາມສະອາດເສື້ອຜ້າໂທນສີເຂັ້ມໆເຊັ່ນເສື້ອຜ້າສີດຳຫລືສີນ້ຳຟ້າເພາະເຈ້ຍອານາໄມຂາວໆ ນີ້ແຫລະຈະຖິ້ມຮອຍດ່າງຂາວແລະຂຸຍໄວ້ເທິງຜ້າເຫລົ່ານັ້ນ ເຮັດໃຫ້ແຟຊັ່ນຂອງທ່ານເບິ່ງບໍ່ເຂົ້າທ່າເອົາເລີຍ ແນະນຳໃຫ້ໃຊ້ຜ້າສະອາດທົ່ວໄປເຊັດແທນດີກວ່າຖ້າເຈົ້າບໍ່ຢາກເປັນຜູ້ນຳທນດ່າງຂາວ