Homeເກັບຕົກ-ເລື່ອງແປກອະປາຕານີ ຊົນເຜົ່າທີ່ຜູ້ຍິງງາມຈົນຕ້ອງເຈາະດັງໃຫ້ງາມໜ້ອຍລົງ

ອະປາຕານີ ຊົນເຜົ່າທີ່ຜູ້ຍິງງາມຈົນຕ້ອງເຈາະດັງໃຫ້ງາມໜ້ອຍລົງ

Published on

ns5

ເທິງ​ໂລກ​​ກວ້າງ​​ນີ້​ລ້ວນ​ເຕັມ​ໄປ​ດ້ວຍ​ມະນຸດ​ຕ່າງ​ຊົນເຜົ່າ​ທີ່​ມີ​ວັດທະນະທຳ ​ແລະ ​ຄ່າ​ນິຍົມ​ທີ່​ແຕກ​ຕ່າງ​ກັນ​ໄປ ຫລາຍ​ວັດທະນະທຳ​ນັ້ນ​ແມ່ນ​ຈະ​ເບິ່ງ​ທຳມະດາ​ໃນ​ສັງຄົມ​ໜຶ່ງ ແຕ່​ກັບ​ເບິ່ງ​ແປກປະຫລາດ​ຫລາຍ​ເມື່ອ​ຄົນ​ພາຍນອກ​​ເຂົ້າໄປ​ພົບ​ເຫັນ ເຊັ່ນ​ດຽວ​ກັບ​ວັດທະນະທຳ​ຂອງ​ຊົນ​ເຜົ່າ​ເຜົ່າ​ໜຶ່ງ​ໃນ​ອິນ​ເດຍ​ທີ່​ເຮົາ​ນຳ​ເລື່ອງ​​ມາ​ເລົ່າ​ສູ່​ກັນ​ຟັງ​ໃນ​ມື້​ນີ້ ພວກ​ເຂົາ​ມີ​ວັດທະນະທຳ​ທີ່​ປະ​ຫລາດ​​ໃນ​ສາຍ​ຕາ​ຄົນ​ພາຍນອກ ທຸກ​ວັດທະນະທຳ​ທຸກ​ປະເພນີ​ລ້ວນ​ມີ​ທີ່​ມາ​ທີ່​ໜ້າ​ສົນ​ໃຈ​ຫລາຍ
          ຊົນ​ເຜົ່າ​ນີ້​ມີ​ຊື່​ວ່າ ຊົນ​ເຜົ່າ​ອະ​ປາ​ຕາ​ນີ (Apatani Tribe) ຫລື​ທີ່​ເອີ້ນ​ສັ້ນໆ ວ່າ ຕາ​ນີ ຕັ້ງ​ຢູ່​ບໍລິເວນ​ພູສູງໃນ​ນະຄອນຫລວງ​ອະ​ລຸ​ນາ​ຈັນ​ປະເທດ ຂອງ​ປະເທດ​ອິນ​ເດຍ ມີ​ສະມາຊິກ​ໃນ​ຊົນ​ເຜົ່າ​ນຳກັນ​ທັງ​ໝົດຫລາຍ​ກວ່າ 60,000 ຊົນ​ເຜົ່າ ອະ​ປາ​ຕາ​ນີ​ຈະ​ມີ​ສາດສະໜາ​ເປັນ​ຂອງ​ຕົວ​ເອງ​ນັ້ນ​ຄື​ສາດສະໜາ ທົງ​ອີ-ໂປ​ໂລ (Donyi-Polo) ເຊິ່ງ​ພວກເຂົາ​ຈະ​ນັບ​ຖື​ພະ​ອາທິດ (ທົງ​ອີ) ແລະ​ ພະ​ຈັນ (ໂປ​ໂລ)
          ສິ່ງ​ໂດດ​ເດັ່ນ​ທີ່ສຸດ​ຂອງ​ຊົນ​ເຜົ່າ​ນີ້​ກໍ​ຄື ຍິງ​ຊາວ​ເຜົ່າ​ຈະ​ຕິດ​ເຄື່ອງ​ປະ​ດັບ​ກົມໆ ສີ​ດຳ​ທີ່​ເອີ້ນວ່າ Yaping Hurlo ໄວ້​ທີ່​ປີກ​ດັງ​ທັງ 2 ຂ້າງ ນອກ​ຈາກ​ນັ້ນ​ຍັງມີ​ການ​ສັກ​ເທິງ​ໃບ​ໜ້າ​ອີກ​ດ້ວຍ ໂດຍ​ຈະ​ສັກ​ເປັນ​ເສັ້ນ​ຍາວ​ຕັ້ງ​ແຕ່​ໜ້າ​ຜາ​ລົງງ​ມາ​ຮອດປາຍ​ດັງ ແລະ ​ທີ່​ຄາງ​ອີກ 5 ເສັ້ນ​ນຳກັນ ສິ່ງເຫລົ່ານີ້​ລ້ວນ​ເຮັດ​ໄປ​ເພື່ອ​ຫລຸດ​ຄວາມ​ງາມ​ຂອງ​ຜູ້ຍິງ​ລົງ​ນັ້ນ​ເອງ
          ເຫດຜົນ​ທີ່​ວ່າ​ໄປ​ນີ້​ອາດຈະ​ຟັງ​ເບິ່ງ​ແປກໆ ​ສຳລັບ​ຄົນ​ພາຍນອກ ເພາະ​ໂດຍ​ທຳມະຊາດ​ແລ້ວ​ຜູ້ຍິງ​ຈະ​ຕ້ອງ​ເຮັດ​ຕົວ​ເອງ​ໃຫ້​ງາມ​ທີ່ສຸດ​ເພື່ອ​ດຶງ​ດູດ​ເພດ​ກົງກັນຂ້າມ ແຕ່​ບາງເທື່ອ​ຄວາມ​ງາມ​ກໍ​ນຳ​ໄພ​ມາສູ່​ໂຕ​ເອງ ຈຶ່ງ​ບໍ່​ແປກ​ທີ່​ຜູ້ຍິງ​ຫລາຍ​ຄົນ​ຈະ​ຄິດ​ຫາ​ວິທີ​ປ້ອງ​ກັນ​ບໍ່​ໃຫ້​ໃຜ​ເບິ່ງເຫັນ​ຄວາມ​ງາມ​ທີ່​ພວກ​ນາງ​ມີ​ຢູ່

ns6

​ເລື່ອງ​ກໍ​ຄື ໃນ​ສະໄໝ​ກ່ອນ​ຍິງ​ສາວ​ເຜົ່າ​ອະ​ປາ​ຕາ​ນີ​ນັ້ນ​ມີ​ໜ້າ​ຕາ​ທີ່​ງາມ​ທີ່ສຸດ​ໃນ​​ທີ່​ອາໄສ​ຢູ່ ເຮັດໃຫ້​ພວກ​ນາງ​ເປັນ​ທີ່​ໝາຍ​ຕາ​ຂອງ​ຜູ້​ຊາຍ​ຕ່າງ​ເຜົ່າ ແລະ ​​ພວກເຂົາ​ກໍ​ມັກ​ຈະ​ມາ​ກໍ່​ເຫດ​ລັກ​ພາ​ຕົວ​ພວກ​ນາງ​ອອກຈາກ​ຫມູ່ບ້ານ​ໄປ​ເປັນປະຈຳ ເມື່ອ​ເປັນ​ຢ່າງ​ນັ້ນ​ພວກ​ນາງ​ກໍ​ເລີຍ​ຕັດ​ສິນ​ໃຈຫ​ລຸດ​ຄວາມ​ງາມ​ຂອງ​ຊົນ​ເຜົ່າ​ຕົວ​ເອງ​ລົງ ເພື່ອ​ໃຫ້​ຊາຍ​ຕ່າງ​ເຜົ່າ​ເບິ່ງບໍ່ເຫັນ​ສະເໜ່​ໃນ​ຕົວ​ພວກ​ນາງ​ ດ້ວຍ​ການ​ເຈາະ​ດັງ​ດ້ວຍ​ເຄື່ອງ​ປະ​ດັບ​ໃຫຍ່
          ເຖິງວ່າ​ການ​ເຈາະ​ດັງ​ນີ້​ຈະ​ດຳ​ເນີນ​ມາ​ຍາວນານ​ກ່ອນ​ໜ້າ​ນີ້ ແຕ່​ນັບ​ຕັ້ງ​ແຕ່​ 498 ປີກ່ອນ ຍິງ​ຊົນ​ເຜົ່າ​ອະ​ປາ​ຕາ​ນີ​ກໍ​ເລີ່ມ​ຖິ້ມ​ການ​ສືບ​ຕໍ່​ປະເພນີ​ດັ່ງ​ກ່າວ​ນີ້​ໄປ ຈົນ​ຕໍ່​ມາ​ກໍ​ກາຍ​ເປັນ​ສິ່ງ​ທີ່​ບໍ່​ນິຍົມ​ກັນ​ແລ້ວ ປະຈຸບັນ​ຈຶ່ງ​ສາມາດ​ພົບ​ເຫັນ​ການ​ເຈາະ​ດັງ​ລັກສະນະ​ດັ່ງ​ກ່າວ​ນີ້​ໄດ້​ພຽງ​ສະເພາະ​ໃນ​ໝູ່​ຍິງ​ໄວ​ຊະລາ​ເທົ່າ​ນັ້ນ
          ນອກນີ້ ຊົນ​ເຜົ່າ​ອະ​ປາ​ຕາ​ນີ​ແຫ່ງ​ນີ້​ຍັງ​ໄດ້ຮັບ​ຄວາມ​ຊື່ນ​ຊົມ​ໃນ​ເລື່ອງ​ການເຮັດ​ກະສິກຳ​ດີ​ເດັ່ນ​ທີ່​ບໍ່​ຕ້ອງ​ໃຊ້​ແຮງ​ງານ​ສັດ​ຫລື​ເຄື່ອງ​ຈັກ​ລະ​ໃດໆ ແລະ​ ອາ​ຊີບ​ການເຮັດນາ​ຍັງ​​ເປັນ​ລາຍ​ໄດ້​ຫລັກ​ຂອງ​ຊົນ​ເຜົ່າ​ນີ້​ຢູ່​ຈົນ​ເຖິງ​ທຸກ​ມື້​ນີ້

ns1

ns4 ns3 ns2

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...