ນາຊ່າເຜີຍພາບຄວາມງົດງາມຕະການຕາຂອງ ວີນ ເນບິວລາ (Veil Nebula) ອັນເປັນເສດຊາກຝຸ່ນທີ່ຫລົງເຫລືອຈາກການລະເບີດຂອງດາວເຄາະດວງໜຶ່ງເມື່ອກວ່າ 8,000 ປີທີ່ແລ້ວ ຖ່າຍໄດ້ຈາກກ້ອງໂທລະທັດອາວະກາດຣັບເບີນ
ວັນທີ່ 24 ກັນຍາ ເວັບໄຊຕ໌ຂອງອົງການບໍລິການບິນ ແລະ ອາວະກາດແຫ່ງຊາດ ຫລື ນາຊ່າ (NASA) ເຜີຍພາບສ່ວນຫນຶ່ງຂອງ “ວີນ ເນບິນລາ” (Veil Nebula) ຫລື ເນບິວລາຜ້າຄຸມ ເປັນກຸ່ມຝຸ່ນ ແລະ ກຸ່ມແກັສລວມຕົວກັນໃນສີສັນຕ່າງໆ ຢ່າງງົດງາມຕະການຕາກາງອາວະກາດອັນມືດ ໂດຍພາບດັ່ງກ່າວຖ່າຍໄດ້ຈາກກ້ອງໂທລະທັດອາວະກາດຮັບເບີນ
ວີນ ເນບິວລາ ເກີດຈາກການລະເບີດ ຫລື ຊູເປີໂນວາ ຂອງດາວເຄາະດວງໜຶ່ງເມື່ອກວ່າ 8,000 ປີທີ່ແລ້ວ ໂດຍດາວເຄາະດວງນີ້ມີຂະໜາດໃຫຍ່ກວ່າດວງອາທິດຂອງເຮົາປະມານ 20 ເທົ່າ ເສດຝຸ່ນ ແລະ ກຸ່ມແກັສທີ່ຍັງລອຍຢູ່ ເມື່ອເບິ່ງຈາກມຸມດ້ານຂ້າງຄ້າຍຜ້າຄຸມ ອັນເປັນທີ່ມາຂອງຊື່ເອີ້ນວ່າ Veil Nebula ສ່ວນສີສັນທີ່ເບິ່ງເຫັນເກີດຈາກແກັສຊະນິດຕ່າງໆ ເຊັ່ນ ສີແດງຈາກແກັສໄຮໂຕຣເຈນ ສີຂຽນຈາກແກັສຊັນເຟີລ໌ ສີນ້ຳເງີນຈາກແກັສອອກຊິເຈນ ເປັນຕົ້ນ
ນາຊ່າຍັງໄດ້ເຮັດຄລິບວິດີໂອ ສະແດງໃຫ້ເຫັນຕຳແໜ່ງຂອງ ວີນ ເນບິວລາ ທີ່ມີຂະໜາດດ້ານກວ້າງປະມານ 110 ປີແສງ ຊີ່ງຢູ່ໃນບໍລິເວນກຸ່ມດາວຊິກນັດ (Cygnus) ຫລືດາວຫົງ
ແລະ ຄລິບວິດີໂອ ວີນ ເນບິວລາ ແບບ 3 ມິຕິ ຊູມໃຫ້ວ່າເທິງຜິວໜ້າຂອງເສັ້ນສາຍຫລາຍສີທີ່ອັດລວມກັນນັ້ນ ມີກຸ່ມແກັສບາງໆ ລອຍຢູ່