ຜູ້ທີ່ມັກກິນຊັອກໂກແລັດຄວາມຫວານແລະປະລິມານນ້ຳຕານທີ່ມີຫລາຍກໍ່ສ່ຽງກັບພາວະພະຍາດຕຸ້ຍຖ້າໃຜອົດໃຈບໍ່ໄຫວແນະນຳວິທີຮັບກິນຊັອກໂກແລັດແບບບໍ່ຕ້ອງກັງວົນກັບເລື່ອງຄວາມຕຸ້ຍໄວ້ 4 ຂໍ້ຄື:
1.ກິນເປັນຂອງວ່າງຫລືເຂົ້າໜົມຫວານຄວນຫລຸດຫລືຫລີກລ້ຽງການກິນກະແລ້ມ,ເຄັກ ຄຸກກີ້,ພ້ອມກັບຊັອກໂກແລັດເພາະເຮັດໃຫ້ໄດ້ຮັບພະລັງງານທີ່ສູງເກີນໄປແລະເຮັດໃຫ້ຕຸ້ຍໄດ້ຄວນເລືອກກິນຮ່ວມກັບຊາບໍ່ປຸງລົດຫລືນ້ຳສະໝຸນໄພບໍ່ໃສ່ນ້ຳຕານ
2.ກິນຊັອກໂກແລັດຊ້າໆຄ່ອຍໆໃຫ້ລະລາຍໃນປາກແທນທີ່ຈະຫຍ້ຳແລະກືນຢ່າງວ່ອງໄວ ອຸນຫະພູມໃນຮ່າງກາຍຈະສູງກວ່າຈຸດລະລາຍຂອງຊັອກໂກແລັດເມື່ອຊັອກໂກແລັດເຂົ້າໃນປາກຈະລະລາຍໄດ້ຊ້າໆຊ່ວຍໃຫ້ໄດ້ຮັບລົດຊາດຂອງຊັອກໂກແລັດຫລາຍກວ່າແລະຈະສົ່ງຜົນຕໍ່ຄວາມຮູ້ສຶກມີຜົນໃຫ້ສະຫມອງຮັບຮູ້ຄວາມສຸກເຖິງວ່າຈະກິນໃນປະລິມານຫນ້ອຍແຕ່ຖ້າກິນໂດຍການຫຍ້ຳແລະກືນໄວຮ່າງກາຍຈະຕ້ອງການຊັອກໂກແລັດໃນປະລິມານຫລາຍເພື່ອໃຫ້ເກີດຄວາມສຸກເຮັດໃຫ້ຮ່າງກາຍໄດ້ຮັບພະລັງງານສູງເກີນໄປ
3.ເລືອກຊື້ຊັອກໂກແລັດໃຫ້ເປັນຄວນເລືອກຜະລິດຕະພັນທີ່ມີເປີເຊັນຂອງໂກໂກ້ຫລາຍທີ່ສຸດມີນ້ຳຕານນ້ອຍຄືດາກຊັອກໂກແລັດດີກວ່າຊັອກໂກແລັດນົມຫລືໄວຊັອກໂກແລັດ
ແລະຂໍ້ສຸດທ້າຍກິນຊັອກໂກແລັດທີ່ມີຂະໜາດນ້ອຍໆແທນທີ່ຈະເລືອກທີ່ມີຂະໜາດໃຫຍ່ໃນການກິນແຕ່ລະຄຳການກິນຊັອກໂກແລັດດຳຂະໜາດນ້ອຍ(5 ກຣາມ)ຈະບໍ່ເຮັດໃຫ້ນ້ຳໜັກຂຶ້ນແລະຊ່ວຍໃຫ້ບໍ່ກິນອາຫານຫລືເຂົ້າໜົມຈຸກຈິກ