spot_img
Home​ຂ່າວທ່ອງທ່ຽວແຈ້ງການເຖິງບັນດາບໍລິສັດທ່ອງທ່ຽວທົ່ວປະເທດ

ແຈ້ງການເຖິງບັນດາບໍລິສັດທ່ອງທ່ຽວທົ່ວປະເທດ

Published on

ແຈ້ງ​ການ

ເລກ​ທີ 0138/ຖວ​​ທ.ນວ

ນວ ວັນ​ທີ 6 ພະຈິກ 2013

ເຖິງ: ບັນດາ​ບໍລິສັດ​ທ່ອງ​ທ່ຽວ​ທົ່ວ​ປະເທດ

ເລື່ອງ: ການ​ນຸ່ງ​ຖື​ຂອງ​ນັກ​ທ່ອງ​ທ່ຽວ ທີ່​ຈະ​ເຂົ້າ​ຊົມ​ພຣະ​ທາດຫຼວງ ໃນ​ໄລຍະ​ບຸນ​ນະມັດສະການ​ພຣະ​ທາດຫຼວງ (ວັນ​ທີ 11-17/11/2013).

-ອີງ​ຕາມ​ທິດ​ຊີ້​ນຳ​ຂອງ​ຄະນະ​ຮັບຜິດຊອບ ບຸນ​ນະມັດສະການ​ພຣະ​ທາດຫຼວງ​ວຽງ​ຈັນ ປີ 2013.

ເພື່ອ​ເປັນ​ການ​ເຄົາລົບ​ນັບຖື ສະຖານທີ່​ສັກກາລະ​ບູຊາ ແລະ ຮັກສາ​ຮີດຄອງ​ປະເພນີ​ອັນ​ດີງາມ​ຂອງ​ຊາດ​ລາວ​ເຮົາ ໃນ​ການ​ເຂົ້າ​ໄປ​ກາບ​ໄຫວ້​ພຣະ​ທາດຫຼວງ​ວຽງ​ຈັນ ໃນ​ໄລຍະ​ບຸນ​ນະມັດສະການ​ພຣະ​ທາດຫຼວງ (ວັນ​ທີ 11-17/11/2013) ສະນັ້ນ ພະ​ແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ນະຄອນຫຼວງ​ວຽງ​ຈັນ ຈຶ່ງ​ຂໍ​ແຈ້ງ​ມາ​ຍັງ​ບັນດາ​ບໍລິສັດ​ທ່ອງ​ທ່ຽວ ພະນັກງານ​ນຳ​ທ່ຽວ​ຂອງ​ບໍລິສັດ​ທ່ອງ​ທ່ຽວ​ທົ່ວ​ປະເທດ​ຮັບ​ຊາບ ກ່ຽວ​ກັບ​ການ​ນຳພາ​ແຂກ​ທັງ​ພາຍ​ໃນ ແລະ ຕ່າງປະເທດ​ທີ່​ມາ​ທ່ອງ​ທ່ຽວ ແລະ ຈະ​ນຳ​ເຂົ້າ​ໄປ​ກາບ​ໄຫວ້​ພຣະ​ທາດຫຼວງ​ນັ້ນ ຂໍ​ໃຫ້​ນຸ່ງ​ຖື​ສຸພາບ​ຮຽບ​ຮ້ອຍ ຖ້າ​ແມ່ນ​ເພດ​ຍິງ​ຂໍ​ໃຫ້​ນຸ່ງ​ສິ້ນ​ຕາມ​ຮີດຄອງ​ປະເພນີ​ຂອງ​ແມ່ຍິງ​ລາວ ໃນ​ກໍລະນີ​ມີ​ຜູ້​ນຸ່ງ​ຖື​ບໍ່​ຖືກຕ້ອງ ຂໍ​ໃຫ້​ໄປ​ພົວພັນ​ປ່ຽນ​ຖ່າຍ​ສິ້ນ​ນຳ​ພາກສ່ວນ​ຮັບຜິດຊອບ ປ່ຽນ​ຖ່າຍ​ສິ້ນ​ກ່ອນ ໃນ​ມູນ​ຄ່າ​ລາຄາ​ຜືນ​ໜຶ່ງ 10.000 ກີບ ພ້ອມ​ເງິນ​ມັດ​ຈຳ 40.000 ກີບ ລວມ​ເປັນ​ເງິນ​ທັງ​ໝົດ 50.000 ກີບ/ຄົນ ໃນ​ກໍລະນີ​ຜູ້​ຊົມໃຊ້​ມາ​ສົ່ງ​ສິ້ນ​ຄືນ ຄະນະ​ກຳມະການ​ປ່ຽນ​ຖ່າຍ​ສິ້ນ ຈະ​ຕ້ອງ​ໄດ້​ສົ່ງ​ເງິນ​ຄ່າ​ມັດ​ຈຳ 40.000 ກີບ ຄືນ​ໃຫ້​ຜູ້​ມາ​ຊົມໃຊ້​ບໍລິການ ໃນ​ກໍລະນີ​ຜູ້​ຊົມໃຊ້​ເຮັດ​ສິ້ນ​ເສຍ​ຫາຍ ພາກສ່ວນ​ຮັບຜິດຊອບ​ປ່ຽນ​ຖ່າຍ​ສິ້ນ ຈະ​ບໍ່​ສົ່ງ​ເງິນ​ຄ່າ​ມັດ​ຈຳ​ຄືນ​ໃຫ້ ນີ້​ແມ່ນ​ລະບຽບ​ທີ່​ເຄີຍ​ປະຕິບັດ​ໃນ​ໄລຍະ​ຜ່ານ​ມາ.

ຫວັງ​ຢ່າງ​ຍິ່ງ​ວ່າ ບັນດາ​ທ່ານ​ຄົງ​ຈະ​ໃຫ້​ຄວາມ​ຮ່ວມ​ມື​ຕາມ​ທາງ​ຄວນ​ດ້ວຍ

ຮ. ຫົວໜ້າ​ພະ​ແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ປະຈຳ​ນະຄອນຫຼວງ​ວຽງ​ຈັນ

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...