Homeຄວາມງາມເລື່ອງຕ້ອງຮູ້! ກ່ອນຄິດເຮັດສັນຍະກຳປາກນ້ອຍ

ເລື່ອງຕ້ອງຮູ້! ກ່ອນຄິດເຮັດສັນຍະກຳປາກນ້ອຍ

Published on

6878

ໄລຍະນີ້ກະແສເຮັດສັນຍະກຳ ກຳລັງມາແຮງແລະເປີດກວ້າງຫລາຍໃນບ້ານເຮົາ ເຮັດອອກມາແລ້ວເບິ່ງດີຂຶ້ນ ງາມຂຶ້ນ ເປັນໃຜໃຜກໍຢາກເຮັດຍິ່ງສະເພາະໄລຍະນີ້ກະແສການເຮັດສັນຍະກຳປາກນ້ອຍກໍກຳລັງມາແຮງແຊງທາງໂຄ້ງຫລາຍໆບໍ່ເວັ້ນແມ່ນແຕ່ດາລາດັງໆ ກໍນິຍົມໄປເຮັດກັນຈົນສາວໆທົ່ວບ້ານທົ່ວເມືອງຢາກຈະແຫ່ໄປເຮັດຕາມກັນນຳ ແຕ່ສຳລັບໃຜທີ່ກຳລັງຄິດຫລືວາງແຜນທີ່ຈະໄປເຮັດປາກ ຢ່າຮີບຮ້ອນສາວໆມາສຶກສາ 10 ເລື່ອງຕ້ອງຮູ້! ກ່ອນຄິດເຮັດສັນຍະກຳທີ່ເອົາມາຝາກກັນກ່ອນດີກວ່າ ຮູ້ເອົາໄວ້ ເພື່ອເວລາເຮັດຈະໄດ້ກຽມຕົວຮັບມືແລະບໍ່ພາດ
1. ຖ້າໃຜທີ່ຮັບປະທານ “ຢາປະເພດແອດໄພລິນ” ຢູ່ຄວນຢຸດຮັບປະທານກ່ອນຜ່າຕັດປະມານ 1 ອາທິດ ເພາະຢາຊະນິດນີ້ຈະເຮັດໃຫ້ເລືອດອອກຫລາຍກວ່າປົກກະຕິ ຊຶ່ງອາດຈະເຮັດໃຫ້ເກີດບັນຫາໄດ້ຂະນະຜ່າຕັດ
2. ຫາກເຈົ້າມີພະຍາດປະຈຳຕົວ ຫລືແພ້ຢາຊະນິດໃດ ຄວນແຈ້ງໃຫ້ແພດຜູ້ກໍ່ການຜ່າຕັດຮູ້ກ່ອນ
3. ຢ່າເລືອກເຮັດສັນຍະກຳປາກບາງຫລາຍເກີນໄປ ເພາະຍິ່ງມີອາຍຸຫລາຍ ປາກຂອງຄົນເຮົາຈະຍິ່ງບາງລົງ ແລະເວລານັ້ນອາດຈະເຮັດໃຫ້ເກີດບັນຫາຂຶ້ນໄດ້ ນຶກເຖິງອະນາຄົດນຳສາວໆ
4. ເຮັດໃຈຮັບມືກັບຮອຍແຜເປັນທີ່ອາດເກີດຂຶ້ນໄດ້ເພາະການຜ່າຕັດທຸກຊະນິດນັ້ນມີຄວາມສ່ຽງຕໍ່ການເກີດແຜເປັນຢູ່ແລ້ວ
5. 1-3 ມື້ທຳອິດບ່ອນເຮັດຜ່າຕັດ ໃຫ້ເຮັດໃຈຮັບສະພາບໃບໜ້າຂອງຕົວເອງໄວ້ເລີຍຢ່າຕົກໃຈ ເພາະປາກຈະຄ່ອນຂ້າງບວມຊ້ຳແລະແດງມີຂະໜາດໃຫຍ່ຫລາຍກວ່າປົກກະຕິເນື່ອງຈາກຈະມີອາການອັກເສບບໍລິເວນແຜທີ່ຜ່າຕັດ
6. ຫລັງເຮັດສັນຍະກຳປາກໃນໄລຍະອາທິດທຳອິດຄວນນອນໝອນສູງໆພ້ອມກັບປະຄົບເຢັນອ້ອມຮອບ ບາດແຜຈະຊ່ວຍລຸດອາການບວມລົງໄດ້
7. ໝັ່ນເຮັດຄວາມສະອາດບາດແຜແລະບ້ວນປາກດ້ວຍນ້ຳສະອາດຢູ່ສະເໝີແລະທຸກເທື່ອຫລັງຮັບປະທານອາຫານຈະຕ້ອງບ້ວນປາກດ້ວຍນ້ຳສະອາດຫລືນ້ຳເກືອເພື່ອປ້ອງກັນບໍ່ໃຫ້ແຜຕິດເຊື້ອ
8. ຮັບປະທານຢາຕາມທີ່ແພດສັ່ງແລະເຮັດຕາມຄຳແນະນຳຂອງແພດຢ່າງເຄັ່ງຄັດ (ອັນນີ້ສຳຄັນ)
9. ຫລັງຜ່າຕັດຫ້າມອອກກຳລັງກາຍທີ່ໄດ້ຮັບຄວາມກະທົບກະເທືອນທຸກຊະນິດ
10. ງົດຮັບປະທານອາຫານລົດຈັດແລະເຄື່ອງດື່ມແອນກໍຮໍເພາະມັນຈະຍິ່ງເຮັດໃຫ້ປາກບວມ ແລະຫາຍຊ້າ
6881

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...