ຍັງ​​ເດີນ​ໜ້າ​ຢ່າງ​ຕໍ່​ເນື່ອງ​ສຳລັບ​ແຜນ​ການ​ຂອງ Disney ທີ່​ທະຍອຍນຳ​ຜົນ​ງານ​ເກົ່າ​ໆ ມາ​ສ້າງ​ໃໝ່​ໃຫ້​ອະ​ລັງ​ການ​ກວ່າ​ເກົ່າ ຊຶ່ງ​ລ່າ​ສຸດ​ຮອດຄິວ​ຂອງ​ຮູບເງົາໃນ​ຄວາມ​ຊົງ​ຈຳ​ກໍ່ຄື Mary Poppins ທີ່​ກຳ​ລັງ​ຈະ​ກັບ​ມາ​ຫລັງ​ເວລາ​ຜ່ານ​ໄປ​ກວ່າ 50 ປີໂດຍ​ເມື່ອ​ວັນທີ່  14 ກັນຍາ 2015 ເວັບ​ໄຊ​  Variety ແລະ Entertainment Weekl y ລາຍ​ງານ​ວ່າ Walt Disney Pictures ກຽມ​ຈັບ​ຜົນ​ງານ​ສຸດ​ຄາດ​ສິກ​ແຫ່ງ​ປີ 1964 ກໍ່ຄື Mary Poppins ກັບ​ມາ​ສ້າງ​ເປັນ​ຮູບເງົາພາກ​ຕໍ່ໂດຍ​ເນື້ອ​ຫາ​ຍັງສ້າງ​ຈາກ​ຫນັງສື​ຂອງ ພີ ແອນ ເຊ​ເວີ​ສ(P. L. Travers)ແຕ່​ຈະ​ເກີດ​ຂຶ້ນ 20 ປີ​ຫລັງ​ຈາກ​ເຫດການ​ໃນ​ພາກ​ທໍາອິດ

ເລື່ອງ​ລາວ​ສຸດ​ອັດສະຈັນ​ໃນ Mary Poppins ເລົ່າ​ຜ່ານ​ການ​ປາກົດ​ຕົວ​ຂອງ ແມ​ລີ ປອ​ບ​ປິນ ເອື້ອຍລ້ຽງ​ເຈົ້າ​ຂອງ​ເວ​ດມົນ​ວິ​ເສດທີ່​ຄອຍຖ້າ​ເບິ່ງແຍງ​ເດັກໆຄອບຄົວ​ແບ໋ງ​​ໃຫ້​ຢູ່ໃນ​ໂອ​ວາດໂດຍ​ຮູບເງົາເວີ​ຊັນ​ປີ 1964 ນໍາສະແດງ​ໂດຍ ຈູ​ລີ ແອ​ນ​ລູສ ຈາກ​ນັ້ນ​ໃນ​ປີ 2004 ຈຶ່ງ​ຖືກ​ດັດ​ແປງ​ເປັນ​ລະ​ຄອນ​ເວ​ທີ​ແລະ​ເປີດ​ການ​ສະແດງ​ໃນ​ລອນ​ດອນຕໍ່​ມາ​ໃນ​ປີ 2013 Walt Disney Pictures ສ້າງ​ຮູບເງົາເລື່ອງ Saving Mr. Banks ຊຶ່ງ​ເລົ່າ​ເຖິງ​ຄວາມ​ຍາກ​​ກວ່າ​ທີ່ ວໍ ດິດ​ນີ  (Walt Disney) ຈະ​ໄດ້​ສ້າງ​ຮູບເງົາ​ເລື່ອງ Mary Poppins ສົມ​ຄວາມ​ຕັ້ງໃຈ

ສຳລັບ​ລາຍ​ລະອຽດ​ອື່ນໆກ່ຽວກັບ​ໂປ​ເຈກ Mary Poppins 2 ຍັງ​ບໍ່​ເປັນ​ທີ່​ເປີດ​ເຜີຍ ຊຶ່ງ​ຕ້ອງ​ຖ້າ​ລຸ້ນ​ວ່າ​ໃຜ​ຈະ​ມາ​ຮັບ​ບົດ​ເປັນ​ເອື້ອຍລ້ຽງ​ສຽງ​ໃສ​ໄດ້​ດີ​ທຽບ​ເທົ່າ ຈູ​ລີ ແອ​ນ​ລູສ