ຫລັງຈາກຕື່ນຕອນເຊົ້າສາວໆຫລາຍຄົນອາດໃຊ້ເວລາເລັ່ງຮີບທຸກເຊົ້າ ກວ່າຈະອາບນ້ຳ ແຕ່ງຕົວ,ແຕ່ງໜ້າ,ເຮັດຜົມ ຮັບປະທານອາຫານເຊົ້າ ລອງຈັດກຽມບາງຢ່າງກ່ອນເຂົ້ານອນ ຈະເຮັດໃຫ້ທຸກເຊົ້າຂອງສາວໆປະຫຍັດເວລາໄດ້ຫລາຍ
1. ສະຜົມ ເປົ່າຜົມໃຫ້ແຫ້ງ ຊ່ວຍປະຫຍັດເວລາໃນຕອນເຊົ້າໄປໄດ້ຫລາຍແຕ່ຄວນເປົ່າຜົມໃຫ້ແຫ້ງສະນິດແທ້ໆ ເພາະຜົມຈະໄດ້ບໍ່ອັບຊື້ນຍາມນອນເທິງໝອນ
2. ດື່ມນ້ຳ ຄວນດື່ມນ້ຳໃຫ້ພຽງພໍ ລວມໄປເຖິງກ່ອນນອນຈັກ 1 ຈອກ ຫລັງຕື່ນອີກ 1 ຈອກເພື່ອຜິວພັນທີ່ດີ ແລະລະບົບຂັບຖ່າຍທີ່ດີ
3. ທາຄີມບຳລຸງກ່ອນນອນ ເພື່ອຜິວຄົງຄວາມຊຸ່ມຊື້ນ ຫລືຈະເປັນພວກ sleep mask ບຳລຸງຜິວເຂັ້ມຂຸ້ນຂ້າມຄືນ ຕື່ນເຊົ້າມາຜິວໜ້າຈະສົດໃສ,ນຽນນຸ່ມ,ແຕ່ງໜ້າໄດ້ນຽນງາມ ບໍ່ຕ້ອງບຳລຸງໃນຕອນເຊົ້າໃຫ້ຫລາຍຂັ້ນຕອນ ທີ່ລືມບໍ່ໄດ້ຄືຄີມບຳລຸງຮອບດວງຕານຳ
4. ກຽມຊຸດສຳລັບມື້ອື່ນນີ້ໄວ້ເລີຍ ເພາະຕອນເຊົ້າກວ່າຈະຄິດວ່າຈະໃສ່ຫຍັງດີ ເຄື່ອງປະດັບຫຍັງດີ ຂໍບອກເສຍເວລາໄປຫລາຍນາທີ
5. ກຽມອາຫານເຊົ້າ ມື້ເຊົ້າເປັນມື້ສຳຄັນທີ່ບໍ່ຄວນຂາດຫາກຟ້າວແທ້ໆຄວນກຽມຕັ້ງແຕ່ກ່ອນນອນ ອາດເປັນຫຍັງທີ່ງ່າຍໆ ເຊັ່ນແຊນວິດແຊ່ເຢັນໄວ້ ເຊົ້າມາຈັບຮັບປະທານໄດ້ເລີຍ ຫລືຈະພຽງເຂົ້າໄມໂຄເວຟອຸ່ນກໍອິ່ມແລະໄດ້ປະໂຫຍດແລ້ວ