ຂີ້ນົກອາດເປັນສິ່ງທີ່ຜູ້ໃຊ້ລົດຫລາຍຄົນເບີ່ງຂ້າມ ເພາະຄິດວ່າປ່ອຍໄວ້ຄ່ອຍເອົາໄປລ້າງກໍໄດ້ ແຕ່ຄວາມຈິງແລ້ວຂີ້ຂອງນົກມີຜົນຕໍ່ສີລົດໂດຍກົງ ເພາະມັນມີຄວາມເປັນດ່າງສູງແລະຈະເຮັດປະຕິກິລິຍາກັບແລັກເກີທີ່ເຄືອບສີລົດໄວ້ຊຶ່ງຈະສົ່ງຜົນໃຫ້ສີລົດດ່າງ ເຮົາໄປເບິ່ງວິທີການເຮັດຄວາມສະອາດຂີ້ນົກກັນກ່ອນ
1. ຫ້າມຖູ ໃຫ້ໃຊ້ຜ້າ ຫລື ເຈ້ຍອະນາໄມຈັບອອກ ເພາະການຖູຈະຍິ່ງເນັ້ນໃຫ້ຂີ້ນົກສຳຜັດກັບສີລົດເຮົາຫລາຍຂຶ້ນ ແລະ ບໍ່ຄວນປ່ອຍໄວ້ດົນເພາະຂີ້ນົກສາມາດຖິ້ມຄາບດ່າງໄວ້ໄດ້ອີກດ້ວຍ
2. ໃນກໍລະນີທີ່ຂີ້ນົກແຫ້ງ ໃຫ້ໃຊ້ແວັກ ຫລື ສານເຮັດຄວາມສະອາດແລ້ວຄ່ອຍໃຊ້ເຈ້ຍອະນາໄມ ຫລື ຜ້າສະອາດຈັບອອກມາ ເພາະການປ່ອຍໃຫ້ຂີ້ນົກແຫ້ງ ຈະກັດໃນຊັ້ນຂອງແລັກເກີຍິ່ງເຮົາໄປອອກແຮງສຳຜັດມັນອາດເຮັດໃຫ້ເກີດການຕິດກັບສີລົດຊັ້ນເທິງກໍໄດ້ຈຶ່ງຄວນເຮັດໃຫ້ມັນມື່ນຂຶ້ນດ້ວຍສານເຮັດຄວາມສະອາດລົດ
3. ລ້າງມືທຸກເທື່ອຫລັງເຮັດຄວາມສະອາດຂີ້ນົກ ເພາະຂີ້ນົກມີສິ່ງປົນເປື້ອນລວມໄປເຖິງເຊື້ອພະຍາດຫລວງຫລາຍ ຫາກເຮົາສຳຜັດແລ້ວບໍ່ລ້າງມືກໍອາດຫລົງໄປຈັບບໍລິເວນອື່ນໆຂອງລົດໂດຍບໍ່ຮູ້ຕົວ
4. ນຳລົດໄປລ້າງ ເພາະການລ້າງລົດຄືການເຮັດຄວາມສະອາດທີ່ດີທີ່ສຸດ ຫລັງຈາກລ້າງສຳແລ້ວກໍທຳການເຄືອບແວັກເພື່ອຮັກສາສີລົດໄປເລີຍ
5. ປ່ຽນບ່ອນຈອດລົດຫາກລົດເຮົາຖືກຂີ້ນົກເປັນປະຈຳ ວິທີນີ້ໜ້າຈະດີທີ່ສຸດ
