ດ

ສຳນັກຂ່າວຕ່າງປະເທດໄດ້ລາຍງານໃນວັນທີ 7 ກັນຍານີ້ວ່າ ສຳນັກວິໄຈເຊີເວຊັນຂອງອັງກິດ ໄດ້ເຜີຍແຜ່ຜົນຂອງການວິໄຈພົບຂໍ້ມູນວ່າ 43% ຂອງກຸ່ມຕົວຢ່າງຈຳນວນ 1,004 ຄົນທີ່ເຂົ້າຮ່ວມສຳຫລວດຄວາມເຫັນໃນຄັ້ງນີ້ ຕ້ອງການໃຫ້ສະຫະຣາຊະອານາຈັກ ອອກຈາກການເປັນສະມາຊິກສະຫະພາບເອີຣົບ ຫລື ອີຢູ ໃນຂະນະທີ່ກຸ່ມຕົວຢ່າງອີກ 40% ຕ້ອງການໃຫ້ປະເທດຕົນເປັນສະມາຊິກສະຫະພາບເອີຣົບຕໍ່ ສ່ວນອີກ 17% ແມ່ນຍັງບໍ່ສາມາດຕັດສິນໃຈວ່າປະເທດຕົນສົມຄວນຢູ່ໃນອີຢູຕໍ່ ຫລື ສົມຄວນອອກ.

ທັງນີ້ ຜົນການສຶກສາດັ່ງກ່າວ ແມ່ນມີຂຶ້ນພາຍຫລັງລັດຖບານອັງກິດ ນຳໂດຍທ່ານນາຍົກລັດຖະມົນຕີ ເດວິດ ຄາເມຣອນ ປະກາດຈະທົບທວນບົດບາດຂອງອັງກິດຄືນໃໝ່ ແລະ ອາດລາອອກຈາກການເປັນສະມາຊິກອີຢູ ຫາກອີຢູບໍ່ດຳເນີນການປະຕິຮູໂຄງສ້າງຄັ້ງໃຫຍ່.