ສະເໜ່ເປັນສິ່ງສະເພາະບຸກຄົນທີ່ຮຽນແບບກັນບໍ່ໄດ້ ແຕ່ລະຄົນຈະມີໃນລັກສະນະທີ່ແຕກຕ່າງກັນ ໄປມື້ນີ້ລາວໂພສຂໍຊວນເພື່ອນໆມາສ້າງສະເໜ່ໃຫ້ຕົວເອງ ເພື່ອໃຫ້ໃຜໆກໍຢາກເຂົ້າໃກ້ແລະທຳຄວາມຮູ້ຈັກມາເບິ່ງວິທີພ້ອມກັນດີກວ່າ
- ຍິ້ມຫລາຍໆ ຄົົນທີ່ໜ້າຕາຍິ້ມແຍ້ມແຈ່ມໃສຍ່ອມເປັນທີ່ດຶງດູດຕໍ່ຜູ້ພົບເຫັນຮູ້ສຶກວ່າມີຄວາມສຸກ
- ຕະຫລົກອາລົມດີ ຄົົນທີ່ອາລົມດີ ໄປໃສກໍສ້າງບັນຍາກາດວ່າມ່ວນ
- ຢູ່ກັບກຸ່ມເພື່ອນ ວ່າກັນວ່າ ຄົນເຮົາຈະເບິ່ງດີຂຶ້ນຖ້າຢູ່ລວມກັນເປັນກຸ່ມ ເພາະໃນສາຍຕາຄົົນທີ່ເບິ່ງແລ້ວ ມັກຈະເບິ່ງພາບລວມຂອງກຸ່ມໃນລະດັບກາງໆ ແລະຊຶ່ງຈະສົ່ງໃຫ້ມີພະລັງດຶງດູດຫລາຍຂຶ້ນ
- ຄວາມປະພຶດດີ ເປັນຄົນດີນິໄສໜ້າຮັກໃຜໆກໍຢາກຮັກ
- ລ້ຽງໝາຈັກໂຕ ວ່າກັນວ່າຄົົນທີ່ລ້ຽງໝາຈະເປັນຄູ່ຮັກທີ່ດີໃນໄລຍະຍາວໄດ້ ເພາະພວກເຂົາສາມາດເບິ່ງແຍງລ້ຽງດູ ເອົາໃຈໃສ່ສັດລ້ຽງຂອງພວກເຂົາໄດ້ ການລ້ຽງໝາຈັກຕົວຈະເຮັດໃຫ້ເຈົ້າເບິ່ງເປັນຄົນສະບາຍໆ ເຂົ້າເຖິງໄດ້ແລະມີຄວາມສຸກ
- ຫລິ້ນດົນຕີເກັ່ງ ຄົນປະເພດນີ້ຈະມີຄວາມສາມາດໃນການຮັບຮູ້ທີ່ສູງກວ່າຄົນທຳມະດາເບິ່ງເປັນຄົນໜ້າຄົ້ນຫາ
- ມີຄວາມເປັນຜູ້ນຳ ເພາະຄົນມັກຖືກດຶງດູດດ້ວຍພະລັງອຳນາດ ຄົນທົ່ວໄປນອກກຸ່ມມັກເບິ່ງວ່າຜູ້ທີ່ເປັນຜູ້ນຳໃນກຸ່ມໜຶ່ງໆສາມາດດຶງດູດພວກເຂົາໄດ້ຫລາຍກວ່າຄົນອື່ນໆ