- ສູດບຳລຸງຜົມຢ່າງລ້ຳລຶກ ປະສົມອະໂວຄາໂດ 1 ໜ່ວຍເຂົ້າກັບນ້ຳມັນໝາກກອກ 1 ບ່ວງແກງ ຄົນໃຫ້ເຂົ້າກັນ ຈາກນັ້ນນຳມາດເທິງຜົມໃຫ້ທົ່ວ ຄຸມດ້ວຍໝວກຄຸມອາບນ້ຳ ໝັກໄວ້ 20 ນາທີ ສຳເລັດແລ້ວລ້າງອອກດ້ວຍນ້ຳທຳມະດາ ແລະສະຜົມຕາມປົກກະຕິອີກຄັ້ງ ສູດໝັກຜົມອະໂວຄາໂດນີ້ຈະຊຶມຊາບລົງໄປບຳລຸງເສັ້ນຜົມຢ່າງລ້ຳເລິກ ແລະນຳເອົາສານອາຫານທີ່ມີປະໂຫຍດກັບເສັ້ນຜົມຈາກທັງອະໂວຄາໂດແລະນ້ຳມັນໝາກກອກ ເຂົ້າໄປຟື້ນຟູບຳລຸງຊັ້ນຜົມທີ່ແຫ້ງເສຍໃຫ້ກັບມາແຂງແຮງເງົາງາມໄດ້ໃນທີ່ສຸດ
- ສູດຜົມນຸ່ມນວນໜ້າສຳຜັດປະສົມນ້ຳເຜຶ້ງ 2 ບ່ວງແກງ,ນ້ຳມັນໝາກກອກ 1 ບ່ວງແກງແລະນ້ຳສົ້ມສາຍຊູໝັກຈາກແອບເປີນຫລືແອບເປີນໄຊເດີ1 ບ່ວງແກງ ຄົນສ່ວນປະສົມທຸກຢ່າງເຂົ້ານຳກັນ ຈາກນັ້ນນຳມາດໃຫ້ທົ່ວຜົມທີ່ແຫ້ງ ສຳເລັດແລ້ວຄຸມດ້ວຍໝວກຄຸມອາບນ້ຳ ໝັກໄວ້ປະມານ 30 ນາທີ-1 ຊົ່ວໂມງ ແລະສະຜົມຕາມປົກກະຕິໝັກຜົມດ້ວຍສູດນີ້ເປັນປະຈຳ ຈະຊ່ວຍລຸດຜົມແຫ້ງເສຍແຕກປາຍ ປ່ຽນຜົມຫຍາບກະດ້າງໃຫ້ກັບມານຸ່ມໜ້າສຳຜັດ
- ສູດດີທັອກສານເຄມີເພື່ອຜົມນຸ່ມ ນຳເບຍໜຶ່ງຖ້ວຍມາປະສົມກັບນ້ຳສົ້ມສາຍຊູໝັກຈາກແອບເປີນ ຫລືແອບເປີນໄຊເດີ ປະລິມານ 1/4 ຖ້ວຍ ຄົນສ່ວນປະສົມໃຫ້ເຂົ້າກັນຈາກນັ້ນນຳມາດລົງເທິງຜົມທີ່ສະມາຢ່າງສະອາດແລ້ວໃຫ້ທົ່ວຕັ້ງແຕ່ກົກໝົດປາຍຜົມ ພ້ອມທັງນວດຫົວເລັກນ້ອຍ ຈາກນັ້ນໃຫ້ໃຊ້ໝວກຄຸມອາບນ້ຳຄຸມໄວ້ປະມານ 5 ນາທີ ແລ້ວລ້າງອອກດ້ວຍນ້ຳອຸ່ນ ການປະສົມປະສານຂອງເບຍຊຶ່ງມີສານອາຫານທີ່ເປັນປະໂຫຍດຕໍ່ສຸກຂະພາບຜົມຢ່າງບໍ່ໜ້າເຊື່ອ ອີກທັງຄຸນສົມບັດລ້າງສານເຄມີຂອງແອບເປີນໄຊເດີ ຈະຊ່ວຍຄືນຄວາມນຸ່ມເງົາງາມໃຫ້ຜົມໄດ້ບໍ່ຍາກເລີຍ