- ບໍລິຫານສະໝອງ ນັກປະສາດວິທະຍາ Dr Muireann Irish ກ່າວວ່າການຝັນກາງເວັນນັ້ນ ເປັນການໃຊ້ສະຫມອງຢ່າງໜັກເຊັ່ນກັນ ເພາະເປັນການໃຊ້ເລື່ອງລາວໃນອະດີດຕໍ່ຍອດໄປຫາອະນາຄົດ ຊຶ່ງເປັນຄວາມຄິດທີ່ສຸດຈະຊັບຊ້ອນເລີຍກໍວ່າໄດ້ ໂດຍເມື່ອເຈົ້າຝັນກາງເວັນ ຈະສົ່ງຜົນກັບສະຫມອງທາງດ້ານກາຍະພາບໂດຍຕົງ
- ພັກສະໝອງໃນເວລາດຽວກັນ ມີລະບົບຫລັກໆໃນສະໝອງສອງຢ່າງ ຄື ການຕັດສິນໃຈແລະວິເຄາະ ແລະ ການເຊື່ອມໂຍງຄວາມຮູ້ສຶກການຝັນກາງເວັນເປັນການໃຊ້ລະບົບສອງຢ່າງນີ້ແບບເປີດປິດ ເຮັດໃຫ້ໄດ້ພັກແລະໄດ້ໃຊ້ໃນເວລາດຽວກັນ
- ເຈົ້າຈະຄົ້ນພົບດ້ານສ້າງສັນໃນຕົວເອງ ຄົົນທີ່ມີຊື່ສຽງເລື່ອງຄວາມສ້າງສັນນັ້ນສ່ວນໃຫຍ່ກໍມີແນວຄິດຈາກການຝັນກາງເວັນກັນທັງນັ້ນແຫລະ ເນື່ອງຈາກເວລາເຮົາຝັນກາງເວັນຈິດໃຈຂອງເຮົາຈະທ່ອງທ່ຽວໄປຍັງສ່ວນຕ່າງໆຂອງລະບົບສະໝອງແລະເລືອກທີ່ຈະເກັບຂໍ້ມູນຈຳນວນເທື່ອລະນິດລະນ້ອຍແລະນຳມາເຊື່ອມໂຍງກັນຊຶ່ງການເຊື່ອມໂຍງນີ້ມັກຈະລົງເອີຍດ້ວຍການສ້າງສິ່ງໃໝ່ໆແລະໄອເດຍ
- ເຈົ້າຈະໄດ້ຝຶກຄວາມເຂົ້າໃຈຄົນອື່ນເປີດໃຈແລະເຂົ້າໃຈ ນອກຈາກຈະຝັນກາງເວັນເລື່ອງຂອງຕົວເອງແລ້ວບາງທີເຮົາຍັງຝັນກາງເວັນໄປເຖິງຄວາມຮູ້ສຶກຂອງຄົນອື່ນອີກດ້ວຍຊຶ່ງນັ້ນເປັນສິ່ງທີ່ເຈົ້າຄິດລ່ວງໜ້າໄປເອງແຕ່ເຈົ້າຮູ້ບໍວ່ ມັນເຮັດໃຫ້ເຈົ້າຝຶກຄວາມຄິດໄປແລ້ວວ່າເຈົ້າຈະເຂົ້າໃຈຄົນອື່ນແນວໃດ
- ເຈົ້າຈະຮູ້ສຶກໄດ້ຄວາມຮັກຈາກຄົນຮອບຂ້າງຫລາຍຍິ່ງຂຶ້ນ ບໍ່ໜ້າເຊື່ອວ່າການຝັນກາງເວັນຍັງເຮັດໃຫ້ເຈົ້າຮູ້ສຶກເຖິງຄວາມຮັກຂອງຄົນຮອບຂ້າງໄດ້ຫລາຍຂຶ້ນດ້ວຍໂດຍການຝັນກາງເວັນທີ່ເອີ້ນວ່າ Approach-oriented ຈະກ່ຽວກັບການແຕ່ງດ້ານດີໆແລະຫລີກໜີເລື່ອງລາວບໍ່ດີ
- ຊ່ວຍໃນການຈື່ຈຳ ການຈື່ຈຳໃນສະໜອງນັ້ນຈະມີການເກັບ ແລະ ນຳມາໃຊ້ໂດຍຜົນການວິໄຈລ່າສຸດຂອງ University of Wisconsin ແລະ the Max Planck Institute for Human Cognitive and Brain Science ເຜີຍວ່າການຝັນກາງເວັນນັ້ນສົ່ງຜົນກັບການຈົດຈຳອີກດ້ວຍ
- ພັດທະນາສັກກະຍະພາບໃນການສ້າງສັນ ເມື່ອເຮົາຝັນກາງເວັນເຮົາຈະພະຍາຍາມຄິດແຕ່ເລື່ອງດີໆແລະສ້າງສັນເຮັດໃຫ້ຄວາມສາມາດໃນການເຮັດວຽກງານແລະການໃຊ້ຊີວິດເປັນໄປໃນດ້ານບວກຫລາຍຂຶ້ນ
- ສຸກຂະພາບດີ ການຝັນກາງເວັນຄືການສະກົດຈິດຕົວເອງແບບອ່ອນໆແລະເຮັດໃຫ້ເຈົ້າມີຄວາມຄຽດນ້ອຍລົງອີກດ້ວຍເຮັດໃຫ້ຫລັບໄດ້ດີຍິ່ງຂຶ້ນບໍ່ຄຽດຈົນເກີນໄປ
- ປະສົບຄວາມສຳເລັດຍິ່ງຂຶ້ນ ເມື່ອສະໝອງບໍ່ເມື່ອຍລ້າສະໝອງຈະມີຄວາມພ້ອມໃນການເຮັດວຽກງານ ແລະ ມີການຈົດຈໍ່ທີ່ດີຍິ່ງຂຶ້ນ ບໍ່ວອກແວກຫລືກັງວົນ ເມື່ອພ້ອມຢ່າລືມຕັ້ງເປົ້າໝາຍແລະພາສະໝອງລຸຍໄປພ້ອມກັບທ່ານ
- ສຳຄັນທີ່ສຸດເຈົ້າຈະມີຄວາມສຸກຍິ່ງຂຶ້ນ ທີ່ເວົ້າມາທັງໝົດທັງມວນ ສິ່ງສຳຄັນທີ່ສຸດກໍຄື ການທີ່ເຮົາມີຄວາມສຸກນັ້ນເອງເພາະເມື່ອເຮົາມີຄວາມຫວັງແລະມີຄວາມຝັນຈະເຮັດໃຫ້ເຮົາມີຄວາມສຸກແລະຮູ້ສຶມ່ວນກັບການໃຊ້ຊີວິດໃນແຕ່ລະມື້ຫລາຍຂຶ້ນ