– ທາຄີມບຳລຸງແລະຄີມກັນແດດສຳຄັນສະເໝີ ການກຽມຜິວໜ້າໃຫ້ຊຸ່ມຊື່ນນຽນໃສໃນທຸກໆມື້ຍັງຖືເປັນສິ່ງສຳຄັນທີ່ຊ່ວຍໃຫ້ຜິວພັນໄດ້ຮັບການບຳລຸງແລະເຜີຍຄວາມສົດໃສໄດ້ຢ່າງເຕັມທີ່ແມ່ນຈະຕ້ອງເຈີກັບວັນທີ່ອາກາດບໍ່ເປັນໃຈກໍຕາມ ດັ່ງນັ້ນສາວໆຈຶ່ງບໍ່ຄວນລະເລີຍການທາຄີມບຳລຸງແລະຄີມກັນແດດໃຫ້ທົ່ວໃບໜ້າແລະລຳຄໍໃນທຸກໆມື້
– ເລືອກຮອງພື້ນແລະແປ້ງທີ່ມີເນື້ອບາງເບົາທີ່ບໍ່ເຮັດໃຫ້ເປັນຄາບ ຮອງພື້ນສູດນ້ຳຫລືສູດເຈນທີ່ເນັ້ນຄວາມບາງເບົານຽນລຽບຢ່າງເປັນທຳມະຊາດມາໃຊ້ຂໍ້ດີຄືຮອງພື້ນຊະນິດນີ້ມີຄຸນສົມບັດປົກປິດແລະເກາະຕິດຜິວໜ້າໄດ້ດີບໍ່ເຮັດໃຫ້ເປັນຄາບແລ້ວນຳດ້ວຍການປັດແປ້ງຝຸ່ນເບົາໆໃຫ້ທົ່ວໃບໜ້າ
– ເຄື່ອງສຳອາງແບບກັນນ້ຳ ເໝາະທີ່ສຸດກັບອາກາດຮ້ອນອາບອ້າວຄຶ້ມຟ້າຄຶມຝົນ ເດົາໃຈລົມຟ້າອາກາດກັນບໍ່ຖືກຂະໜາດນີ້ແຕ່ງໜ້າ ທັງທີກໍຕ້ອງເລືອກເຄື່ອງສຳອາງທີ່ຕິດທົນດົນໄວ້ກ່ອນເລືອກເຕີມສີສັນໃຫ້ເປືອກຕາແລະແກ້ມດ້ວຍອາຍແຊໂດແລະບຮັດອອນແບບຄີມໄປຈົນເຖິງອາຍໄລເນີ ມາດຄາລ່າແລະທີ່ແຕ້ມຄິ້ວແບບກັນນ້ຳເພື່ອຊ່ວຍຍືດໄລຍະເວລາໃຫ້ເຄື່ອງສຳອາງຕິດທົນດົນຫລາຍຍິ່ງຂຶ້ນ
– ເພີ່ມລຽວປາກງາມຕະຫລອດມື້ແບບບໍ່ຊີດຈາງ ໃຊ້ສໍແຕ້ມຂອບປາກ (ສີໃກ້ຄຽງກັບລິບສະຕິກ) ທາເປັນຮອງພື້ນໃຫ້ທົ່ວລິມຝີປາກ ຈາກນັ້ນຈຶ່ງລົງສີລິບສະຕິກທີ່ຕ້ອງການ ແລ້ວໃຊ້ແຈ້ງອານາໄມອອກ ເຕີມສີລິບສະຕິກໄປອີກຄັ້ງ ເທົ່ານີ້ກໍໄດ້ລຽວປາກສີງາມໄປຕະຫລອດທັງມື້ແລ້ວ
– ສະເປີນ້ຳແຮ່ຊ່ວຍເພີ່ມຄວາມສົດຊື່ນສົດໃສໃຫ້ໃບໜ້າ ເປັນທີ່ຮູ້ກັນດີວ່າສະເປີນ້ຳແຮ່ຈະຊ່ວຍໃຫ້ເມກອັບຕິດທົນດົນໄດ້ຫລາຍຍິ່ງຂຶ້ນ ດັ່ງນັ້ນກ່ອນຫລືຫລັງແຕ່ງໜ້າ ໃຫ້ສາວໆສີດພົ່ນສະເປີນ້ຳແຮ່ໃຫ້ທົ່ວໃບໜ້າເພື່ອປິ່ນປົວຄວາມສົມດຸນແລະຄວາມສົດຊື່ນເທິງໃບໜ້າຫລືອາດພົກໃສ່ກະເປົ໋າໄວ້ສີດໃນວັນທີ່ອາກາດຮ້ອນໆຈົນໜ້າໂຊມກໍສາມາດຈັບຂຶ້ນມາສີດບຳລຸງໄດ້