ຜ່ານມາ ກໍ່ມີນັກເຕະດາວຮຸ່ງຫຼາຍຄົນທີ່ເຄີຍສ້າງຄວາມຮືຮາໃນການຍ້າຍທີມດ້ວຍຄ່າຕົວທີ່ແພງ ແບບໄດ້ຍິນແລ້ວກໍ່ຮ້ອງ “ໂອ ! ” ຢ່າງໃດກໍ່ຕາມ, ຖ້າ ເຮົາເບິ່ງໄປໃນອະນາຄົດອາດຈະໝາຍເຖິງກຳລັງອັນມະຫາສານທີ່ຈະຫຼັ່ງໄຫຼເຂົ້າສະໂມສອນເຂົາເຈົ້າແບບວ່າ ແພງ ແຕ່ຄຸ້ມ !
ແຕ່ຖ້າເບິ່ງໄປໃນອີກມູມໜຶ່ງ ກໍ່ບໍ່ໄດ້ໝາຍຄວາມວ່າ ນັກເຕະດາວຮຸ່ງທີ່ມີຄ່າຕົວແພງໆ ຈະຮັບປະກັນໄດ້ວ່າ ພວກເຂົາຈະປະສົບຜົນສຳເລັດ ແລະ ສ້າງກຳ ໄລໃຫ້ກັບສະໂມສອນໄດ້ໝົດທຸກຄົນ ຫຼື ເດັກນ້ອຍໄວໜຸ່ມ ໃນມື້ນີ້ ຈະກາຍເປັນຜູ້ໃຫຍ່ທີ່ດີ ໃນມື້ໜ້າ ໝົດທຸກຄົນໄດ້. ສະ ນັ້ນ ເຮົາໄປຮູ້ຈັກ ກັບ 10 ນັກ ເຕະດາວຮຸ່ງ ທີ່ມີຄ່າຕົວແພງທີ່ສຸດໃນໂລກວ່າມີໃຜແດ່
10: ອັນແດສັນ ອາຍຸ 18 ປີ ຍ້າຍຈາກສະໂມສອນ ເອັຟຊີ ປໍໂຕ ໃນລີກໂປຕຸເກດ ໄປຫຼິ້ນໃຫ້ກັບ ສະໂມສອນ ແມນເຊັສເຕີ ຢູໄນເຕັດ ດ້ວຍຄ່າຕົວ 25 ລ້ານປອນ ພ້ອມຮັບຄ່າເມື່ອຍ 80 ພັນປອນຕໍ່ອາທິດ.
9: ເວນ ຣູນີ ອາຍຸ 18 ປີ ຍ້າຍ ຈາກສະໂມສອນເອັຟເວີຕັນ ໄປ ຫຼິ້ນໃຫ້ກັບ ສະໂມສອນ ແມນເຊັສເຕີ ຢູໄນເຕັດ ດ້ວຍຄ່າຕົວ 27 ລ້ານປອນ ພ້ອມຮັບຄ່າເມື່ອຍ 50 ພັນປອນຕໍ່ອາທິດ.
8: ລຸກຊໍ ອາຍຸ 18 ປີ ຍ້າຍ ຈາກສະໂມສອນ ເຊົາແທມຕັນ ໄປຫຼິ້ນໃຫ້ກັບ ແມນເຊັສເຕີ ຢູໄນເຕັດ (ພຣີເມຍລີກ ອັງ ກິດ) ດ້ວຍຄ່າຕົວ 27 ລ້ານ ປອນ ພ້ອມຮັບຄ່າເມື່ອຍ 1,2 ແສນປອນຕໍ່ອາທິດ.
7: ໂຣເມລູ ລູກາກູ ອາຍຸ 21 ປີ ຍ້າຍຈາກສະໂມສອນ ເຊລຊີ ໄປຫຼິ້ນໃຫ້ກັບ ເອັຟເວີຕັນ (ພຣີ ເມຍລີກ ອັງກິດ) ດ້ວຍຄ່າຕົວ 28 ລ້ານປອນ ພ້ອມຮັບຄ່າເມື່ອຍ 75 ພັນປອນຕໍ່ອາທິດ.
6: ຮາເວຍ ຊາວິໂອລາ ອາຍຸ 19 ປີ ຍ້າຍຈາກສະໂມສອນ ຣິເວີ ເພລດ ໃນລີກອາເຈນຕິນາ ໄປຫຼິ້ນໃຫ້ກັບ ສະໂມສອນ ບາເຊໂລນາ ໃນລາລີກາ ສະເປນ ດ້ວຍຄ່າຕົວ 29 ລ້ານປອນ ພ້ອມຮັບຄ່າເມື່ອຍ 90 ພັນ ປອນຕໍ່ອາທິດ.
5: ລູຄັສ ມູຣາ ອາຍຸ 19 ປີ ຍ້າຍຈາກສະໂມສອນ ເຊົາ ເປົາ ໂລ ໃນລີກບຣາຊິລ ໄປຫຼິ້ນໃຫ້ ກັບ ສະໂມສອນ ປາຣີສ ແຊງ- ແຊກແມງ ໃນລີກ ອ໊ອງຝຣັ່ງ ດ້ວຍຄ່າຕົວ 31,8 ລ້ານປອນ ພ້ອມຮັບຄ່າເມື່ອຍ 82 ພັນ ປອນຕໍ່ອາທິດ.
4: ມາຣິໂອ ເກິດເຊ ອາຍຸ 20 ປີ ຍ້າຍຈາກສະໂມສອນ ໂບຣຸສເຊຍ ດ໋ອດມູນ ໄປຫຼິ້ນໃຫ້ກັບ ສະໂມສອນ ບາເຢິນ ມິວນິກ (ບຸນເດສ ລີກາ ເຢຍລະມັນ) ດ້ວຍຄ່າຕົວ 32 ລ້ານປອນ ພ້ອມຮັບຄ່າເມື່ອຍ 1,15 ແສນ ປອນຕໍ່ອາທິດ.
3: ເອເດນ ອາຊາ ອາຍຸ 21 ປີ ຍ້ານຈາກສະໂມສອນລີລ ໃນລີກອ໊ອງ ຝຣັ່ງ ໄປຫຼິ້ນໃຫ້ກັບ ສະໂມສອນ ເຊລຊີ ແຫ່ງພຣີເມຍລີກ ອັງກິດ ດ້ວຍຄ່າຕົວ 32,5 ລ້ານປອນ ພ້ອມຮັບຄ່າເມື່ອຍ 1,5 ແສນປອນຕໍ່ອາທິດ.
2: ເນມາ ອາຍຸ 21 ປີ ຍ້າຍຈາກ ສະໂມສອນ ຊານໂຕສ ໃນລີກ ບຣາຊິລ ໄປຫຼິ້ນໃຫ້ກັບ ສະໂມ ສອນ ບາເຊໂລນາ ໃນລາລີກາ ສະເປນ ດ້ວຍຄ່າຕົວ 48,6 ລ້ານປອນ ພ້ອມຮັບຄ່າເມື່ອຍ 1,5 ແສນປອນຕໍ່ອາທິດ ເປັນ ເວລາ 5 ປີ.
1: ຣາຮິມ ສະເຕີລິງ ອາຍຸ 20 ປີ ຍ້າຍຈາກສະໂມສອນ ລິເວີພູລ ໄປຫຼິ້ນໃຫ້ກັບ ສະໂມສອນ ແມນເຊັສເຕີ ຊິຕີ (ພຣີເມຍລີກ ອັງກິດ) ເປັນເວລາ 5 ປີ ດ້ວຍ ຄ່າຕົວ 49 ລ້ານປອນ ພ້ອມຮັບ ຄ່າເມື່ອຍອີກ 1,8 ແສນປອນ ຕໍ່ອາທິດ.
