ແວ່ນລົດໃສແຈ໋ວບໍ່ໄດ້ມີດີພຽງແຕ່ ເຮັດໃຫ້ລົດເປັນຕາໜ້າເບິ່ງເທົ່ານັ້ນ ແຕ່ຍັງຊ່ວຍໃຫ້ທັດສະນະວິໄສການເບິ່ງຂອງຄົນຂັບຊັດເຈນຂຶ້ນອີກດ້ວຍ. ເລີ່ມຕົ້ມເລີຍໃຫ້ທ່ານກະກຽມອຸປະກອນໄວ້ເຊັ່ນ: ຜ້າທີ່ແຫ້ງສະອາດ ຫຼື ໜັງສືພິມ, ຟອງນ້ຳສຳລັບຖູທຳຄວາມສະອາດ ແລະ ຖັງໃສ່ນ້ຳ.
ຂັ້ນຕອນທີ 1: ກຳຈັດຄາບເປິເປື້ອນ, ແວ່ນມົວ, ຄາບນ້ຳ, ຂີ້ຝຸ່ນ ແກ້ໄດ້ດ້ວຍການເອົາເກືອ ຫຼື ຢາສະຫົວມາປະສົມກັບນ້ຳສະອາດ ແລ້ວເຊັດທຳຄວາມສະອາດແວ່ນໃຫ້ທົ່ວ.
ຂັ້ນຕອນທີ 2: ແວ່ນເງົາວາວ ເຄັດລັບງ່າຍໆ ພຽງແຕ່ໃຊ້ໜັງສືພິມເຊັດດ້ວຍເບັກກີ້ງໂຊດາປະສົມນ້ຳ ຫຼື ນ້ຳສົມສາຍຊູ ໃຫ້ເຊັດຂັດເງົາໃຫ້ທົ່ວໄປເລີຍ.
ຂັ້ນຕອນທີ 3: ລົດຮອຍຂີດຂ່ວນທີ່ແວ່ນ ຈັດການດ້ວຍກຼີເຊີລີນ ຫຼື ໃຊ້ຢາຖູແຂ້ວ ໂດຍເອົາມາເຊັດຈົນທົ່ວແຜ່ນແວ່ນແລ້ວໃຊ້ຜ້າແຫ້ງເຊັດອອກເທົ່ານີ້ກໍຮຽບຮ້ອຍແລ້ວ.
ຄວນລະມັດລະວັງ: ນ້ຳຍາທີ່ໃຊ້ເຊັດແວ່ນສ່ວນໃຫຍ່ມີສ່ວນປະສົມຂອງແອມໂມເນຍ ເຊິ່ງເປັນສານທີ່ເປັນອັນຕະລາຍ ຫ້າມດົມກິ່ນ, ເຂົ້າຕາ ຫຼື ສຳພັດກັບນ້ຳຢາເດັດຂາດ ຄວນມີການສວມໃສ່ຖົງມື ແລະ ຜ້າອັດດັງ ເພື່ອປ້ອງກັນ.
ຂໍ້ແນະນຳເພີ່ມເຕີມ: ເພື່ອຄວາມປອດໄພທຸກການເດີນທາງຄວນທຳຄວາມສະອາດແວ່ນລົດໃຫ້ເບິ່ງເຫັນຊັດເຈນທຸກເທື່ອ ແລະ ຢ່າລືມກວດເບິ່ງແດ່ວ່າລົດຂອງທ່ານໄດ້ເຮັດປະກັນໄພລົດ ແລະ ປະກັນຍັງບໍ່ໝົດອາຍຸ ຄວນກວດເບິ່ງໃຫ້ດີ ເພາະຖ້າຫາກເມື່ອເກີດເຫດທີ່ບໍ່ຕາດຝັນເກີດຂຶ້ນມາ ຢ່າງໜ້ອຍກໍຍັງອຸ່ນໃຈວ່າປະກັນໄພຈະຊ່ວຍແກ້ໄຂບັນຫາ ແລະ ແບ່ງເບົາພາລະຄ່າໃຊ້ຈ່າຍຂອງທ່ານລົງໄດ້.