ເມັດອີ່ຕູ່ ມີສານອາຫານແລະວິຕາມິນສຳລັບສຸກຂະພາບ ເປັນຢາລະບາຍອ່ອນໆຊ່ວຍເຮັດຄວາມສະອາດຝາລຳໄສ້ ເມັດອີ່ຕູ່ເປັນລັກສະນະພອງຕົວໃນນ້ຳ ຊຶ່ງມີຜົນໃນການຊ່ວຍລຸດນ້ຳໜັກໄດ້ ເພາະເມື່ອເມັດອີ່ຕູ່ພອງຕົວ ເຮັດໃຫ້ກິນອາຫານຢ່າງອື່ນໄດ້ໜ້ອຍລົງ, ອິ່ມດົນ, ເຮັດໃຫ້ຫລາຍຄົນອາດນຳເມັດອີ່ຕູ່ມາກິນທົດແທນຕອນແລງ ຫລືຕົວຊ່ວຍເວລາຫິວດຶກໆ ເຮັດໃຫ້ໃນແຕ່ລະມື້ອິ່ມແຕ່ໄດ້ພະລັງງານທີ່ນ້ອຍລົງ
ການທີ່ເຮົາໄດ້ພະລັງງານທີ່ນ້ອຍລົງ ຮ່າງກາຍໃຊ້ຫລາຍກວ່າທີ່ອາຫານທີ່ໄດ້ຮັບ ຮ່າງກາຍຈະດຶງໄຂມັນສະສົມທີ່ມີຢູ່ເດີມອອກມາເຜົາຜານ ຈະເຮັດໃຫ້ສາມາດລຸດນ້ຳໜັກໄດ້ຢ່າງຊ້າໆ
ແນະນຳວ່າຄວນກິນຕອນແລງ ໂດຍໃຊ້ເມັດອີ່ຕູ່ພຽງ 1-2 ບ່ວງກະແຟ ຕໍ່ນ້ຳ 250 ຊຶຊີ (ນ້ຳ 1ຈອກໃຫຍ່) ແຊ່ເມັດອີ່ຕູ່ໄວ້ປະມານ 30 ນາທີ ເມື່ອເວລາຜ່ານໄປ ຈະເຫັນວ່າເມັດແມງລັກພອງຕົວຫລາຍຂຶ້ນ ເວລາກິນກໍດື່ມແລະກິນເມັດອີ່ຕູ່ທີ່ພອງແລ້ວເຂົ້າໄປ
ກໍລະນີທີ່ຮູ້ສຶກວ່າແຊ່ນ້ຳທຳມະດາແລ້ວຮູ້ສືກບໍ່ມີລົດຊາດ ສາມາດປ່ຽນຈາກນ້ຳທຳມະດາເປັນນ້ຳຂິງ ຫລືນ້ຳສະໝຸນໄພ (ບໍ່ໃສ່ນ້ຳຕານ) ຢ່າງອື່ນກໍໄດ້ເຊັ່ນກັນ
ເມັດອີ່ຕູ່ ມີສັບພະຄຸນເປັນຢາລະບາຍ ເນື່ອງຈາກບໍລິເວນເປືອກນອກຂອງເມັດເປັນສານເມືອກຂາວ ແລະຍັງມີກາກອາຫານ ຊຶ່ງຊ່ວຍໃຫ້ຜູ້ຮັບປະທານສາມາດຂັບຖ່າຍໄດ້ສະດວກຍິ່ງຂຶ້ນ ໂດຍເມັດອີ່ຕູ່ຈະໄປກະຕຸ້ນປະສາດທີ່ຢູ່ອ້ອມຮອບ ລຳໄສ້ໃຫຍ່ສ່ວນປາຍ ເຮັດໃຫ້ເກີດປວດທ້ອງໜັກ