ຢາກໜ້າໃສກັນບໍ່? ສໍາລັບສາວໆທີ່ມີຜິວໜ້າໝອງຄ້ຳຂາດຄວາມກະຈ່າງໃສ,ກະຊັບ,ໄຮ້ຮິ້ວຮອຍຕ່າງໆລາວໂພສ ຂໍແນະນຳເຄັດລັບຜິວງາມຈາກກະລົດຜັກເພື່ອສຸກຂະພາບແລະຄວາມງາມທີ່ອຸດົມໄປດ້ວຍອາຫານຜິວນານາຊະນິດ
ສິ່ງທີ່ຕ້ອງກຽມ
1. ກະລົດ 1/3 ຖ້ວຍ
2. ແອບເປີ້ນໄຊເດີລ໌ວີນີການ (Apple Cider Vinegar) ຫລື ນ້ຳສົ້ມສາຍຊູໝັກຈາກແອບເປີ້ນ 1 ບ່ວງກາແຟ
3. ນໍ້າເຜຶ້ງ 1 ບ່ວງກະແຟ
4. ແປ້ງສາລີ 1 ບ່ວງແກງ
ວິທີເຮັດ ພຽງແຕ່ນຳເອົາກະລົດມາປອກເປືອກແລ້ວປາດເປັນລູກເຕົ໋ານ້ອຍໆ ຈາກນັ້ນນຳໄປໃສ່ໃນເຄື່ອງປັ່ນ ເຕີ່ມແອບເປີ້ນໄຊເດີວີນີກາລ໌ລົງໄປຈຳນວນ 1 ບ່ວງກະແຟ ຈາກນັ້ນເຕີມນ້ຳເຜຶ້ງລົງໄປ 1 ບ່ວງກະແຟ ແລະ ແປ້ງສາລີອີກ 1 ບ່ວງແກງ ຫລັງຈາກນັ້ນກໍປັ່ນສ່ວນປະສົມທັງໝົດໃຫ້ລະອຽດ
ຈາກນັ້ນກໍນຳສ່ວນປະສົມທີ່ໄດ້ມາທາໃຫ້ທົ່ວໃບໜ້າແລ້ວປະໄວ້ປະມານ 15 ນາທີຈາກນັ້ນລ້າງອອກດ້ວຍນ້ຳອຸ່ນ ກ່ອນຈະປິດທ້າຍດ້ວຍນ້ຳເຢັນອີກຮອບ ສູດນີ້ແນະນຳໃຫ້ເຮັດອາທິດລະ 2 ຄັ້ງ