Homeຂ່າວຕ່າງປະເທດໂລກໝູນຊ້າ ກຽມປັບເວລາເພີ່ມ 1 ວິນາທີ ໃນມື້ວັນທີ 30 ມິຖຸນານີ້! ພ້ອມອາດມີຜົນກະທົບ ລະບົບອິນເຕີເນັດ!

ໂລກໝູນຊ້າ ກຽມປັບເວລາເພີ່ມ 1 ວິນາທີ ໃນມື້ວັນທີ 30 ມິຖຸນານີ້! ພ້ອມອາດມີຜົນກະທົບ ລະບົບອິນເຕີເນັດ!

Published on

world_time

ໂລກກຽມປັບເວລາເພີ່ມ 1 ວິນາທີ ໃນວັນທີ 30 ມິຖຸນານີ້ ເຫດຍ້ອນໂລກໝູນຊ້າລົງ ເຮັດໃຫ້ປີນີ້ໂລກເຮົາຈະມີເວລາຍາວຂຶ້ນອີກ 1 ວິນາທີ ແຕ່ອາດກະທົບຕໍ່ລະບົບອິນເຕີເນັດ.

ສຳນັກຂ່າວຕ່າງປະເທດ ລາຍງານໃນວັນທີ 3 ມິຖຸນານີ້ວ່າ ຫໍເບິ່ງດາວປາຣີ ແລະ ອົງການສາກົນໃຫ້ບໍລິການລະບົບອ້າງອີງ ແລະ ຕິດຕາມການໝູນຂອງໂລກ (IERS) ເຊິ່ງມີຖານຕັ້ງຢູ່ປະເທດຝຣັ່ງ ໄດ້ປະກາດກຽມປັບເວລາໂລກເພີ່ມອີກ 1 ວິນາທີ ໃນມື້ວັນທີ 30 ມິຖຸນານີ້ ເນື່ອງຈາກໂລກໝູນຊ້າລົງ, ແນວໃດກໍຕາມ ແມ່ນສ້າງຄວາມວິຕົກກັງວົນວ່າ ການປັບເວລາເພີ່ມຄັ້ງນີ້ ອາດເປັນບັນຫາໃຫຍ່ຕໍ່ລະບົບອິນເຕີເນັດ.

ແຫລ່ງຂ່າວໄດ້ລະບຸວ່າ ການປັບວິນາທີທົດ (Leap second) 1 ວິນາທີນີ້ ສືບເນື່ອງມາຈາກການໝູນຂອງໂລກ ມີແນວໂນ້ມຊ້າລົງເລື້ອຍໆ ໃນອັດຕາສ່ວນ 1/2000 ວິນາທີ ຕໍ່ 1 ມື້ ໂດຍຈະເພີ່ມວິນາທີນີ້ເຂົ້າໄປທີ່ເວລາ 23:59:60 ໂມງ ຂອງມື້ວັນທີ 30 ມິຖຸນາ 2015 ນີ້ ເຊິ່ງຈະເຮັດໃຫ້ພາຍໃນມື້ດັ່ງກ່າວ ມີເວລາ 86,401 ວິນາທີ ຈາກເດີມທີ່ມີ 86,400 ວິນາທີ ເພື່ອໃຫ້ເວລາມາດຕະຖານໂລກຈາກໂມງອະໂຕມ (Atomic Clock) ເຊິ່ງເປັນໂມງທີ່ມີຄວາມທ່ຽງກົງສູງ ສອດຄ່ອງກັບເວລາຂອງໂລກ.

ທັງນີ້ ການປັບເວລາໃນມື້ວັນທີ 30 ມິຖຸນາດັ່ງກ່າວ ນັບເປັນການປັບເວລາຄັ້ງທີ 26 ຢູ່ໃນປະຫວັດສາດຂອງໂລກ, ແນວໃດກໍຕາມ ການເພີ່ມວິນາທີທົດດັ່ງກ່າວນີ້ ແມ່ນອາດຈະສົ່ງຜົນກະທົບຕໍ່ລະບົບອິນເຕີເນັດຕ່າງໆ ເຊັ່ນໃນປີ 2012 ໄດ້ເຮັດໃຫ້ເຊີຣ໌ເວີຣ໌ຂອງເວັບໄຊຕ່າງໆ ເກີດບັນຫາຂັດຂ້ອງຂຶ້ນ ເນື່ອງຈາກລະບົບມີຄວາມສັບສົນຕໍ່ການປ່ຽນແປງເວລາ ໃນຂະນະທີ່ບໍລິສັດຊອບແວຣ໌ຫລາຍແຫ່ງ ໄດ້ກະກຽມຮັບມືກັບການປັບເວລາຄັ້ງນີ້ແລ້ວ.

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...