ສາວໆຫລາຍຄົນມັກໃສ່ໃຈໃນເລື່ອງຂອງສຸຂະພາບຮ່າງກາຍຫລາຍຍິ່ງຂຶ້ນແຕ່ສຳລັບສາວໆບາງຄົນອາດຈະບໍ່ມີເວລາໄດ້ເບິ່ງແຍງໂຕເອງເທົ່າໃດຍາກຫລຸດນ້ຳຫນັກສ່ວນເກີນອອກແຕ່ບໍ່ມີເວລາມາລອເເບິ່ງກັນກັບເຄັດລັບງ່າຍໆແບບນີ້ຮັບຮອງວ່າໄດ້ຜົນແນ່ນອນ
ເຄັດລັບການຫລຸດນ້ຳຫນັກທີ່ເວົ້າມານີ້ກໍຄືການເລືອກດື່ມນ້ຳລ້າໆແທນການອົດອາຫານນັ້ນເອງນ້ຳລ້າເປັນຕົວເລືອກທີ່ດີແລະເໝາະສົມອີກໜຶ່ງໂຕເລືອກທີ່ສາວໆສາມາດໃຊ້ເປັນໂຕຊ່ວຍໃນການຫລຸດນ້ຳໜັກໃນແຕ່ລະມື້ໄດ້ຫລຸດນ້ຳໜັກດ້ວຍການດື່ມນ້ຳນັ້ນກໍມີເຄັດລັບແບບງ່າຍໆໂດຍໃຫ້ສາວໆດື່ມນ້ຳລ້າ2 ຈອກກ່ອນການກິນອາຫານເຄິ່ງຊົ່ວໂມງໃນທຸກໆຄາບອາຫານຈະສົ່ງຜົນເຮັດໃຫ້ສາວໆມີຄວາມຢາກໃນການກິນອາຫານຫລຸດຫນ້ອຍລົງ
ແຖມຍັງມີຜົນການວິໃຈ(Institute for Public Health and Water Research ແລະ Virginia Tech University ປະເທດສະຫະລັດອະເມລິກາ)ລະບຸວ່ານ້ຳລ້ານັ້ນສາມາດເຂົ້າໄປຊ່ວຍເຮັດໃຫ້ເກີດການເຜົາຜານໄຂມັນແລະນ້ຳຕານໃນຮ່າງກາຍໄດ້
ສາດສະດາຈານດຣ.ບາລີ ປັອບຄິນ ຜູ້ອຳນວຍການສູນ UNC Interdisciplinary Obesity Center (IDOC) ປະຈຳມະຫາວິທະຍາໄລນອທແຄໂລໄລນາປະເທດສະຫະລັດອະເມລິກາສະແດງທັດສະນະວ່າການດື່ມນ້ຳໃນປະລິມານເໝາະສົມຊ່ວຍຫລຸດນ້ຳໜັກເພາະເຫດຜົນສອງຢ່າງຄື:1. “ນ້ຳເຮັດໃຫ້ອຸນຫະພູມພາຍໃນຮ່າງກາຍຫລຸດລົງຮ່າງກາຍຈຶ່ງເຜົາຜານພະລັງງານເພີ່ມຂຶ້ນເພື່ອໃຫ້ເກີດສົມດຸນຄວາມຮ້ອນສົ່ງຜົນໃຫ້ອາຫານແລະພະລັງງານຖືກເຜົາຜານຕາມໄປນໍາຊ່ວຍຫລຸດປະລິມານໄຂມັນສ່ວນເກີນສະສົມ“
2.ເມື່ອດື່ມນ້ຳຫລາຍຂຶ້ນເຮັດໃຫ້ຫລຸດໂອກາດດື່ມນ້ຳຫວານຫລືເຄື່ອງດື່ມທີ່ມີນ້ຳຕານສູງສົ່ງຜົນໃຫ້ຮ່າງກາຍໄດ້ຮັບພະລັງງານຫນ້ອຍລົງຈຶ່ງຄວບຄຸມນ້ຳໜັກງ່າຍຂຶ້ນ“
ນອກຈາກນີ້ສາວໆຈະຕ້ອງຫລີກລ້ຽງການດື່ມນ້ຳອັດລົມ,ຊາ,ກາເຟ,ນ້ຳຫວານຕ່າງໆບໍ່ວ່າສາວໆຈະຢາກກິນຫລາຍປານໃດກໍຕ້ອງຫລີກລ້ຽງໃຫ້ໄດ້ຫລາຍທີ່ສຸດເພາະເຄື່ອງດື່ມເຫລົ່ານັ້ນເປັນໂຕເພີ່ມລະດັບນ້ຳຕານໃຫ້ກັບຮ່າງກາຍໄດ້ສູງຫລາຍຂຶ້ນແຖມຍັງຍາກຕໍ່ການເຜົາຜານນໍາອີກ
ແຕ່ສາວໆຢ່າຮີບຮ້ອນຈົນຫາທາງອອກຂອງການຫລຸດນ້ຳໜັກດ້ວຍການດື່ມນ້ຳລ້າພຽງຢ່າງດຽວນອກຈາກການດື່ມນ້ຳລ້າແລ້ວສາວໆຈະຕ້ອງເລືອກອາຫານທີ່ພໍດີແລະມີປະໂຫຍດກັບຮ່າງກາຍທີ່ສຳຄັນ ສາວໆຈະຕ້ອງບໍ່ລືມທີ່ຈະອອກກຳລັງກາຍຄຽງຄູ່ໄປນໍາຈະໄດ້ງາມສົດໃສໜ້າຮັກມີສຸຂະພາບດີສົມບູນແບບໄດ້