spot_img
Homeຂ່າວການພັດທະນາຈະປິດຂົວທ່າງ່ອນຊົ່ວຄາວ ເຊົ້າວັນທີ 4 ມິຖຸນານີ້ ເພື່ອທົດສອບຄວາມແຂງແກ່ນຂອງຂົວ!

ຈະປິດຂົວທ່າງ່ອນຊົ່ວຄາວ ເຊົ້າວັນທີ 4 ມິຖຸນານີ້ ເພື່ອທົດສອບຄວາມແຂງແກ່ນຂອງຂົວ!

Published on

24794591

ທະນາຄານແຫ່ງ ສປປ ລາວ, ຈະໄດ້ປິດການສັນຈອນຜ່ານຂົວຂ້າມນ້ຳງື່ມຈຸດເຊື່ອມ ຕໍ່ລະຫວ່າງບ້ານທ່າງ່ອນ ເມືອງໄຊທານີ ນະຄອນຫລວງວຽງຈັນ ແລະ ບ້ານໄຮ່ ເມືອງທຸລະຄົມແຂວງວຽງຈັນຊົ່ວຄາວ ແຕ່ເວລາ 9:00-11:00 ໂມງໃນຕອນເຊົ້າ ວັນທີ 4 ມິຖຸນານີ້, ເພື່ອຈະໄດ້ທົດສອບຄວາມແຂງແກ່ນຂອງຕົວຂົວ ໃນການ ຮອງຮັບນ້ຳໜັກຂອງ ພາຫະນະຂ້າມຜ່ານໄປມາ, ພາຍຫລັງໄດ້ສຳເລັດການສ້ອມ ແປງສົ້ນຂົວເບື້ອງນະຄອນຫລວງວຽງຈັນ. ດັ່ງນັ້ນຈຶ່ງແຈ້ງໃຫ້ຜູ້ທີ່ຈະສັນຈອນຜ່ານຂົວດັ່ງກ່າວຮັບຊາບ ແລະ ໃຫ້ການຮ່ວມມືເພື່ອເຮັດໃຫ້ການທົດສອບຂົວມີ ຄວາມສະດວກດີ.

ພະນັກງານກົມຂົວທາງ, ກະຊວງໂຍທາທິການ ແລະ ຂົນສົ່ງໃຫ້ຮູ້ວ່າ: ຂົວດັ່ງກ່າວເປັນຂົວເຫລັກ ສ້າງຂຶ້ນແຕ່ປີ 1994, ເປັນຂົວຂ້າມນ້ຳງື່ມແຫ່ງທຳອິດມີຄວາມຍາວເກືອບ 200 ແມັດ, ເບື້ອງຕົ້ນແມ່ນກະຊວງໂຍທາທິການ ແລະ ຂົນສົ່ງເປັນຜູ້ຄຸ້ມຄອງເກັບຄ່າທຳນຽມຜ່ານຂົວ, ຕົກມາໄລຍະໜຶ່ງໄດ້ມອບໂອນໃຫ້ພະແນກການເງິນນະຄອນຫລວງຮັບ ຜິດຊອບ ແລະ ກ່ອນຈະມາມອບໃຫ້ທະນາຄານແຫ່ງ ສປປ ລາວ ເປັນຜູ້ຮັບຜິດຊອບຄຸ້ມຄອງການເກັບຄ່າທຳ ນຽມຜ່ານຂົວຈົນມາຮອດປັດຈຸບັນ, ເຊິ່ງຕະຫລອດໄລຍະຜ່ານມາຂົວແຫ່ງນີ້ໄດ້ກາຍເປັນເສັ້ນທາງຄົມມານາຄົມ ເຊື່ອມຕໍ່ສຳຄັນລະຫວ່າງນະຄອນຫລວງວຽງຈັນໄປແຂວງວຽງຈັນ, ອັນໄດ້ເຮັດໃຫ້ການສັນຈອນໄປມາຂອງປະຊາຊົນ, ການຂົນສົ່ງສີນຄ້າຕ່າງໆຜ່ານເສັ້ນທາງດັ່ງກ່າວ ມີຄວາມສະດວກສະບາຍຂຶ້ນ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ລວມ 9 ອາຊີບມາແຮງໃນປັດຈຸບັນ

ໃນຍຸກປັດຈຸບັນຕະຫຼາດແຮງງານທີ່ກຳລັງເຕີບໃຫຍ່ຢ່າງໄວວາ ໂດຍໄດ້ຮັບອິດທິພົນມາຈາກ ແທັກໂນໂລຢີ ແລະ ພຶດຕິກຳຂອງຜູ້ຊົມໃຊ້ທີ່ປ່ຽນໄປ ເຮັດໃຫ້ທິດທາງການຫາວຽກຂອງແຮງງານເລີ່ມມີຄວາມທ້າທາຍຂຶ້ນ. ສະນັ້ນ, ທີມງານລາວໂພສຈຶ່ງໄດ້ລວບລວມບັນດາອາຊີບທີ່ມາແຮງ ແລະ ຕ້ອງການໃນຕະຫຼາດແຮງງານຫຼາຍທີ່ສຸດ ໃນປີ 2025 ມາເບິ່ງພ້ອມກັນເລີຍວ່າຈະມີອາຊີບໃດແນ່. 1 ນັກພັດທະນາປັນຍາປະດິດ...

ພິທີວາງສີລາລຶກການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມແຫ່ງໃໝ່

ສະຫະລັດອາເມຣິກາ ແລະ ສປປ ລາວ ສະເຫຼີມສະຫຼອງ ພິທີວາງ ສີລາລຶກ ການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມ ແຫ່ງໃໝ່ຂອງພາສີລາວ ນະຄອນຫຼວງວຽງຈັນ, ສປປ ລາວ, ວັນ​ທີ...

ແກ້ງຢານາຣົກຕີນຽນ! ໃສ່ປ້າຍລົດລັດຂົນຢາບ້າກວ່າ 10 ລ້ານເມັດຜ່ານຈຸດກວດ ສຸດທ້າຍຖືກເຈົ້າໜ້າທີ່ົໄລ່ຍິງ

ໄລ່ຍິງສະນັ່ນ! ເຈົ້າໜ້າທີ່ຕຳຫຼວດໄລ່ຍິງກຸ່ມແກ້ງຄ້າຢາເສບຕິດ ໂດຍການໃສ່ປ້າຍລົດລັດ. ໃນຄັ້ງວັນທີ 10 ພຶດສະພາ 2025 ທາງເຈົ້າໜ້າທີ່ປະຈໍາຈຸດກວດການໍ້າເກິ່ງໄດ້ເຮັດວຽກກວດກາຍານພາຫະນະເປັນປົກກະຕິ, ຮອດເວລາປະມານ 11 ໂມງ 00 ນາທີ ໄດ້ມີລົດຟໍຈູນເນີ ສີປອນ...

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ. ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ...