spot_img
Homeຂ່າວການພັດທະນາມອບ - ຮັບໂຄງການບູລະນະ ຫໍວັດທະນະທຳແຫ່ງຊາດ

ມອບ – ຮັບໂຄງການບູລະນະ ຫໍວັດທະນະທຳແຫ່ງຊາດ

Published on

national culture hall

ພິທີມອບ-ຮັບໂຄງການບູລະນະສ້ອມແປງຫໍວັດທະນາທຳແຫ່ງຊາດທີ່ນະຄອນ ຫລວງວຽງຈັນລະຫວ່າງທ່ານ ບົວເງິນ ຊາພູວົງ ລັດຖະມົນຕີຊ່ວຍວ່າການກະ ຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແລະ ທ່ານ ຫລຽງ ຈ້ຽນ ຈີນ ອຸປະທູດແຫ່ງສປຈີນປະຈຳລາວ, ໄດ້ມີຂຶ້ນໃນເຊົ້າວັນທີ 25 ພຶດສະພານີ້ທີ່ຫໍດັ່ງ ກ່າວ.

ອຳນວຍການຫໍວັດທະນະທຳແຫ່ງຊາດ ກ່າວໃນພິທີວ່າ:ຫໍວັດທະນາທຳແຫ່ງ ຊາດແມ່ນຂອງຂວັນອັນລ້ຳຄ່າທີ່ລັດຖະບານຈີນມອບໃຫ້ແກ່ລັດຖະບານລາວ, ເພື່ອເປັນສັນຍະລັກແຫ່ງຄວາມ ສາມັກຄີມິດຕະພາບລະຫວ່າງສອງຊາດລາວ-ຈີນ, ເຊິ່ງໄດ້ສ້າງຂຶ້ນໃນປີ 2000 ແລະ ຕະຫລອດໄລຍະ 15 ປີຜ່ານມາຫໍວັດ ທະນະທຳແຫ່ງນີ້ໄດ້ໃຫ້ບໍລິການຮັບໃຊ້ຈັດໂຮມຊຸມນຸມ, ກອງປະຊຸມ, ການສະແດງສີລະປະວັນນະຄະດີ ແລະ ກິດຈະກຳຕ່າງໆຂອງພັກ-ລັດ, ອົງການຈັດຕັ້ງສາກົນ, ສະຖາບັນການສຶກສາ, ຫົວໜ່ວຍທຸລະກິດ, ບັນດາຫ້າງຮ້ານທັງພາຍໃນ ແລະ ຕ່າງປະເທດໄດ້ເປັນຢ່າງດີ ແລະ ຜ່ານການນຳໃຊ້ມາເປັນເວລາຫລາຍປີຄືດັ່ງກ່າວ ຈຶ່ງເຮັດໃຫ້ສະຖານທີ່ລວມເຖິງອຸປະ ກອນລະບົບເຕັກນິກສຳຄັນຕ່າງໆມີການຊຸດໂຊມເປ່ເພ, ດັ່ງນັ້ນອີງໃສ່ສັນຍາຮ່ວມມືແລກປ່ຽນວ່າດ້ວຍການປົກ ປັກຮັກສາບູລະນະສ້ອມແປງປ່ຽນຖ່າຍອຸປະກອນຕ່າງໆໃຫ້ແກ່ຫໍວັດທະນະທຳແຫ່ງຊາດລະຫວ່າງລັດຖະບານລາວ ແລະ ຈີນ, ລັດຖະບານຈີນຈຶ່ງໄດ້ມອບ   ໝາຍໃຫ້ບໍລິສັດ 5 ເໝືອງ 23 ໂລຫະທາດຂອງຈີນດຳເນີນການຈັດຕັ້ງປະຕິບັດສ້ອມ ແປງຫໍວັດທະນະທຳແຫ່ງນີ້ໃຫ້ມີຄວາມໂດດເດັ່ນ, ສວຍງາມ ແລະ ທັນສະໄໝ, ເຊິ່ງໄດ້ເລີ່ມປະຕິບັດມາແຕ່ເດືອນມີນາ 2013 ຊຶ່ງປະກອບມີ: ປ່ຽນຫລັງຄາ, ຕົບແຕ່ງພາຍໃນ, ຕິດຕັ້ງລະບົບເຕັກນິກໄຟແສງສີສຽງທີ່ທັນສະໄໝ ພາຍໃນ ຫ້ອງໂຖງໃຫຍ່ ແລະ ປັບປຸງຫ້ອງປະຊຸມ, ຈົນມາຮອດເດືອນພຶດສະພາ 2015 ຈຶ່ງສຳເລັດ, ລວມມີມູນຄ່າການກໍ່ສ້າງທັງໝົດ 42 ລ້ານຢວນ (ສະກຸນເງິນຈີນ) ປະມານ 50 ຕື້ກວ່າກີບ ແລະ ຜົນສຳເລັດເປັນຢ່າງດີອັນໄດ້ຢັ້ງຢືນໃຫ້ເຫັນເຖິງ ການຊ່ວຍເຫລືອເຊິ່ງກັນ ແລະ ກັນໃນການຖະນຸຖະໜອມສັນຍາລັກແຫ່ງຄວາມສາມັກຄີມິດຕະ ພາບລະຫວ່າງສອງຊາດລາວ-ຈີນໃຫ້ສວຍງາມ ແລະ ໝັ້ນຄົງທະນົງແກ່ນຕະຫລອດໄປ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ລວມ 9 ອາຊີບມາແຮງໃນປັດຈຸບັນ

ໃນຍຸກປັດຈຸບັນຕະຫຼາດແຮງງານທີ່ກຳລັງເຕີບໃຫຍ່ຢ່າງໄວວາ ໂດຍໄດ້ຮັບອິດທິພົນມາຈາກ ແທັກໂນໂລຢີ ແລະ ພຶດຕິກຳຂອງຜູ້ຊົມໃຊ້ທີ່ປ່ຽນໄປ ເຮັດໃຫ້ທິດທາງການຫາວຽກຂອງແຮງງານເລີ່ມມີຄວາມທ້າທາຍຂຶ້ນ. ສະນັ້ນ, ທີມງານລາວໂພສຈຶ່ງໄດ້ລວບລວມບັນດາອາຊີບທີ່ມາແຮງ ແລະ ຕ້ອງການໃນຕະຫຼາດແຮງງານຫຼາຍທີ່ສຸດ ໃນປີ 2025 ມາເບິ່ງພ້ອມກັນເລີຍວ່າຈະມີອາຊີບໃດແນ່. 1 ນັກພັດທະນາປັນຍາປະດິດ...

ພິທີວາງສີລາລຶກການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມແຫ່ງໃໝ່

ສະຫະລັດອາເມຣິກາ ແລະ ສປປ ລາວ ສະເຫຼີມສະຫຼອງ ພິທີວາງ ສີລາລຶກ ການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມ ແຫ່ງໃໝ່ຂອງພາສີລາວ ນະຄອນຫຼວງວຽງຈັນ, ສປປ ລາວ, ວັນ​ທີ...

ແກ້ງຢານາຣົກຕີນຽນ! ໃສ່ປ້າຍລົດລັດຂົນຢາບ້າກວ່າ 10 ລ້ານເມັດຜ່ານຈຸດກວດ ສຸດທ້າຍຖືກເຈົ້າໜ້າທີ່ົໄລ່ຍິງ

ໄລ່ຍິງສະນັ່ນ! ເຈົ້າໜ້າທີ່ຕຳຫຼວດໄລ່ຍິງກຸ່ມແກ້ງຄ້າຢາເສບຕິດ ໂດຍການໃສ່ປ້າຍລົດລັດ. ໃນຄັ້ງວັນທີ 10 ພຶດສະພາ 2025 ທາງເຈົ້າໜ້າທີ່ປະຈໍາຈຸດກວດການໍ້າເກິ່ງໄດ້ເຮັດວຽກກວດກາຍານພາຫະນະເປັນປົກກະຕິ, ຮອດເວລາປະມານ 11 ໂມງ 00 ນາທີ ໄດ້ມີລົດຟໍຈູນເນີ ສີປອນ...

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ. ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ...