1.ຂີ່ລົດຖີບຖ້າຜູ້ຍິງນ້ຳໜັກກາຍປົກກະຕິຂີ່ລົດຖີບໜັກໆໂດຍບໍ່ຢຸດພັກເປັນເວລາ1ຊົ່ວໂມງຈະເຜົາຜານໄດ້ປະມານ850ແຄລໍລີ
2.ໂດດເຊືອກ
ການໂດດເຊືອກບໍ່ແມ່ນພຽງແຕ່ການຫລິ້ນຂອງເດັກນ້ອຍສະເໝີໄປຜູ້ຍິງເຮົາຖ້າໂດດເຊືອກຕິດຕໍ່ກັນ1ຊົ່ວໂມງຈະຊ່ວຍເຜົາຜານໄດ້ເຖິງ750ແຄລໍລີ
3.ລອຍນ້ຳ
ບໍ່ມັກໃຫ້ຕົນເອງເຫື່ອຊຸ່ມກໍ່ມາລອຍກໍ່ໄດ້ການທີ່ຜູ້ຍິງລອຍນໍ້າຕິດຕໍ່ກັນ1ຊົ່ວໂມງຈະເຜົາຜານໄດ້ເຖິງ 720 ແຄລໍລີເຖິງເມື່ອຍແຕ່ມ່ວນໄດ້ແຊ່ນ້ຳເຢັນສະບາຍນໍາອີກ
4.ເຕັ້ນແອໂລບິກ
ການເຕັ້ນແອໂລບິກ1ຊົ່ວໂມງຈະເຜົາຜານໄດ້ເຖິງ680ແຄລໍລີການອອກກຳລັງກາຍແບບນີ້ມັກເປັນທີ່ນິຍົມເພາະມ່ວນກັບການເຕັ້ນຕາມເພງມ່ວນໆແລະຍັງເຮັດໃຫ້ຮູບຮ່າງດີ ກຳຈັດເຊນລູໄລທີ່ຕົ້ນຂາໄດ້ນໍາອີກ
5.ຖີບລົດຖີບໄຟຟ້າ(Elliptical trainer)
ສາວໆທີ່ໄປຟິດເນດຕ້ອງຮ້ອງດີໃຈເພາະການຖີບລົດຖີບໄຟຟ້າ1ຊົ່ວໂມງຊ່ວຍເຜົາຜານໄດ້ເຖິງ600ແຄລໍລີ່ແລະເພີ່ມອັດຕາອີກ11%ຖ້າຖີບຖອຍຫລັງແທນການຖີບແບບປົກກະຕິນໍາອີກ
6.ແອໂລບິກໃນນ້ຳ(Water aerobics)
ການອອກກຳລັງກາຍຊະນິດນີ້ເໝາະສົມກັບສາວໆທີ່ບໍ່ມັກເຫື່ອແຕ່ລອຍບໍ່ເກັ່ງບໍ່ຕ້ອງຢ້ານການຫລິ້ນແອໂລບິກໃນນ້ຳຈະຊ່ວຍເຜົາຜານໄດ້ເຖິງ200-400ແຄລໍລີ່ຕໍ່ຊົ່ວໂມງ ແລ້ວແຕ່ຄວາມເຂັ້ມງວດຂອງການຫລິ້ນ
7.ແລ່ນ
ການອອກກຳລັງກາຍທີ່ຄອງແຊ້ມເຜົາຜານແຄລໍລີຕະຫລອດການນອກຈາກຈະບໍ່ຕ້ອງມີອຸປະກອນເສີມຊ່ວຍຫລຸດພາວະຄຽດແລະຊຶມເສົ້າແລ້ວຍັງເຜົາຜານໄດ້ເຖິງ600ແຄລໍລີຕໍ່ຊົ່ວໂມງ
8.HIIT (High Intensity Interval Training)
HIITຄືການອອກກຳລັງກາຍແບບຄາລດິໂອ(ເຊັ່ນ:ແລ່ນ,ຂີ່ລົດຖີບ,ໂດດຕົບ,ດັນພື້ນ)ໜັກສະຫລັບກັບຄ່ອຍໃນໄລຍະເວລາໜຶ່ງໂດຍຫ້າມພັກນັ້ນເອງHIITຈະເຜົາຜານໄດ້ຫລາຍກວ່າການອອກກຳລັງກາຍປົກກະຕິເຮັດພຽງ20ນາທີເຜົາຜານໄດ້ເຖິງ300ແຄລໍລີ
9.ຕີມວຍ
ການອອກກຳລັງກາຍສຸດນິຍົມຂອງດາລານາງແບບທັງຫລາຍເພາະເຮັດໃຫ້ນ້ຳໜັກຫລຸດໄດ້ຢ່າງວ່ອງໄວຊ່ວຍຫລຸດຄວາມຄຽດການຕີມວຍ1ຊົ່ວໂມງໃຊ້ພະລັງງານເຖິງ600-888 ແຄລໍລີ
10. ປີນພູເຂົາ
ກິລາສຳລັບຄົົນທີ່ມັກປະຈົນໄພການປີນພູເຂົາເຮັດໃຫ້ນ້ຳໜັກຫລຸດຢ່າງວ່ອງໄວເສີມສ້າງກ້າມຊີ້ນທັງແຂນແລະຂາໃຫ້ແຂງແຮງປີນພູເຂົາ1ຊົ່ວໂມງເຜົາຜານໄດ້ເຖິງ500-800 ແຄລໍລີ
ເລືອກປະເພດການອອກກຳລັງໃຫ້ເໝາະສົມໃນແບບຂອງຕົນເອງມັກສາວໆຈະໄດ້ບໍ່ເບື່ອ ເຮັດໄດ້ຢ່າງຕໍ່ເນື່ອງແລະມ່ວນໄປກັບມັນໄດ້ດົນໆ