spot_img
Homeຂ່າວການພັດທະນາສະຖານທູດສະຫະລັດ ຊ່ວຍອົບຮົມວຽກ​ງານ ການຕ້ານສໍ້ລາດບັງຫລວງ!

ສະຖານທູດສະຫະລັດ ຊ່ວຍອົບຮົມວຽກ​ງານ ການຕ້ານສໍ້ລາດບັງຫລວງ!

Published on

USA

ໃນວັນທີ 18 ພຶດສະພາຜ່ານ​ມາ​ນີ້, ສະຖານທູດສະຫະລັດ ອາ​ເມ​ລິ​ກາ ປະ ຈຳ​ລາວ ຮ່ວມ​ກັບ​ອົງການ​ກວດ​ສອບ​ລັດຖະບານ ​ແລະ ຕ້ານການສໍ້ລາດ ບັງຫລວງ ໄດ້ຈັດ​ຊຸດອົບຮົມຕ້ານການສໍ້ລາດ ບັງຫລວງ ຂຶ້ນທີ່ເມືອງວັງວຽງ ​ແຂວງ​ວຽງ​ຈັນ​ເປັນ​ເວລາ 1 ອາທິດ ເພື່ອຍົກລະດັບວຽກ​ງານ​ດັ່ງກ່າວໃຫ້ແກ່ບັນດາເຈົ້າ ໜ້າທີ່ ໃນການວາງແຜນ ແລະການລົງມືຕິດຕາມກວດກາຄະດີການສໍ້ລາດ ບັງ ຫລວງຕ່າງໆ.

ທ່ານທູດ ແດນນຽວ ຄລຸນ ​ເອກ​ອັກຄະ​ລັດຖະທູດສະຫະລັດ​ມີ​ຄຳ​ເຫັນ​ໃນ​ພິທີ​ວ່າ: “ສະຫະລັດອາເມລິກາພາກພູມ ໃຈທີ່ໄດ້ສະໜັບສະໜູນການຝຶກອົບຮົມໃນຄັ້ງນີ້ ແລະ ໄດ້ມີໂອກາດເຮັດວຽກຮ່ວມກັບພະນັກງານຂອງອົງການ ກວດ ກາລັດຖະບານ ແລະ ຕ້ານການສໍ້ລາດບັງຫລວງ”. “ຄວາມສຳຄັນຂອງວຽກງານ ອກລ ບໍ່ສາມາດປະເມີນຄ່າໄດ້ ແລະພວກຂ້າພະເຈົ້າຂໍຊົມເຊີຍຕໍ່ການອຸທິດເຫື່ອແຮງຂອງພວກທ່ານ ເພື່ອອະນາຄົດຂອງປະ​ເທດ”ການສໍ້ລາດບັງຫລວງ ເປັນບັນຫາທີ່ຈະສະກັດກັ້ນໄດ້ຍາກທີ່ສຸດ, ມັນ​ກີດ​ຂວາງລະບົບຍຸຕິທຳ, ທໍາລາຍຄວາມສະເໝີພາບທາງການຄ້າ ແລະ ຍັງສ້າງຄວາມເສຍຫາຍອັນໃຫຍ່ຫລວງຕໍ່ສັງຄົມ ​ແລະ ປະ​ເທດ​ຊາດ, ການຝຶກອົບຮົມຄັ້ງນີ້ ຈະ​ຊ່ວຍ​ໃຫ້​ເຈົ້າ​ໜ້າ​ທີ່​ກ່ຽວຂ້ອງ​ຂອງ​ລາວ​ເຂົ້າ​ໃຈ​ຕື່ມ​ກ່ຽວ​ກັບກົດໝາຍອື່ນໆຂອງລາວ ແລະ ສາກົນນຳອີກ ​ແລະ ຈະຊ່ວຍໃຫ້ທ່ານສາມາດສືບຕໍ່ ວຽກງານການສະກັດກັ້ນ ​ແລະ ຕ້ານການສໍ້ລາດບັງຫລວງ​ໄດ້ຫລາຍທີ່ສຸດ ຕາມຂີດຄວາມສາມາດຂອງຕົນ.

 

ແຫລ່ງ​ຂ່າວ: ລາວ​ພັດ​ທະ​ນາ

 

ບົດຄວາມຫຼ້າສຸດ

ລວມ 9 ອາຊີບມາແຮງໃນປັດຈຸບັນ

ໃນຍຸກປັດຈຸບັນຕະຫຼາດແຮງງານທີ່ກຳລັງເຕີບໃຫຍ່ຢ່າງໄວວາ ໂດຍໄດ້ຮັບອິດທິພົນມາຈາກ ແທັກໂນໂລຢີ ແລະ ພຶດຕິກຳຂອງຜູ້ຊົມໃຊ້ທີ່ປ່ຽນໄປ ເຮັດໃຫ້ທິດທາງການຫາວຽກຂອງແຮງງານເລີ່ມມີຄວາມທ້າທາຍຂຶ້ນ. ສະນັ້ນ, ທີມງານລາວໂພສຈຶ່ງໄດ້ລວບລວມບັນດາອາຊີບທີ່ມາແຮງ ແລະ ຕ້ອງການໃນຕະຫຼາດແຮງງານຫຼາຍທີ່ສຸດ ໃນປີ 2025 ມາເບິ່ງພ້ອມກັນເລີຍວ່າຈະມີອາຊີບໃດແນ່. 1 ນັກພັດທະນາປັນຍາປະດິດ...

ພິທີວາງສີລາລຶກການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມແຫ່ງໃໝ່

ສະຫະລັດອາເມຣິກາ ແລະ ສປປ ລາວ ສະເຫຼີມສະຫຼອງ ພິທີວາງ ສີລາລຶກ ການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມ ແຫ່ງໃໝ່ຂອງພາສີລາວ ນະຄອນຫຼວງວຽງຈັນ, ສປປ ລາວ, ວັນ​ທີ...

ແກ້ງຢານາຣົກຕີນຽນ! ໃສ່ປ້າຍລົດລັດຂົນຢາບ້າກວ່າ 10 ລ້ານເມັດຜ່ານຈຸດກວດ ສຸດທ້າຍຖືກເຈົ້າໜ້າທີ່ົໄລ່ຍິງ

ໄລ່ຍິງສະນັ່ນ! ເຈົ້າໜ້າທີ່ຕຳຫຼວດໄລ່ຍິງກຸ່ມແກ້ງຄ້າຢາເສບຕິດ ໂດຍການໃສ່ປ້າຍລົດລັດ. ໃນຄັ້ງວັນທີ 10 ພຶດສະພາ 2025 ທາງເຈົ້າໜ້າທີ່ປະຈໍາຈຸດກວດການໍ້າເກິ່ງໄດ້ເຮັດວຽກກວດກາຍານພາຫະນະເປັນປົກກະຕິ, ຮອດເວລາປະມານ 11 ໂມງ 00 ນາທີ ໄດ້ມີລົດຟໍຈູນເນີ ສີປອນ...

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ. ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ...