ທຳຄວາມສະອາດໃຫ້ກ້ຽງ
ເມື່ອມີປະຈຳເດືອນສາວໆຄວນຕ້ອງໃສ່ໃຈເບິ່ງແຍງຄວາມສະອາດຂອງຮ່າງກາຍໂດຍສະເພາະຈຸດລັບເປັນພິເສດກໍ່ເພາະໄລຍະນີ້ຄວາມສະສົມຄວາມອັບຊຸ່ມຈະທຳລາຍຈຸດລັບຫລາຍກວ່າປົກກະຕິສະນັ້ນຖ້າບໍ່ເບິ່ງແຍງຈຸດນີ້ໃຫ້ສະອາດຈົນກ້ຽງແບບທີ່ເອີ້ນວ່າບໍ່ໃຫ້ເຫລືອຄາບເລືອດແມ່ນແຕ່ໜ້ອຍດຽວຮັບຮອງເລີຍວ່າອາການຕິດເຊື້ອແລະຜົດຜື່ນຄັນຈະເກີດຂຶ້ນໃນອີກບໍ່ດົນ
ໃຊ້ນ້ຳອຸ່ນກັບຈຸດລັບກໍພໍ
ແມ່ນຄວາມໜຽວຂອງປະຈຳເດືອນຈະຫລອກລໍ້ໃຫ້ເຮົາຢາກໃຊ້ສະບູທໍາຄວາມສະອາດຈຸດລັບພຽງໃດວ່າຕ້ອງຄິດໄວ້ສະເໝີວ່າ:ສະບູມີລິດເປັນກົດຊຶ່ງຈະຂ້າເຊື້ອແບກທີເຣຍຊະນິດດີທີ່ຮ່າງກາຍເຮົາຜະລິດອອກມາເອງໂດຍທຳມະຊາດດັ່ງນັ້ນສາວໆຈຶ່ງຄວນເຮັດຄວາມສະອາດຈຸດລັບດ້ວຍນ້ຳອຸ່ນກໍພໍແຕ່ກໍຄວນຕ້ອງແນ່ໃຈວ່າລ້າງໄດ້ກ້ຽງແລ້ວບໍ່ເຫລືອຄາບເລືອດຖິ້ມໄວ້ໃຫ້ສະສົມແນ່ນອນ
ລ້າງຈາກຂ້າງໜ້າໄປຂ້າງຫລັງ
ທ່າທີ່ຖືກຕ້ອງສຳລັບການລ້າງຈຸດລັບຂອງສາວໆໃນໄລຍະທີ່ມີປະຈຳເດືອນຄືລ້າງຈາກອະໄວຍະວະເພດທາງເທິງລົງໄປຫາປາກຊ່ອງຄອດແລະເຊັດໄປທາງຮູທະວານທີ່ສຳຄັນບໍ່ຄວນລາກມືໄປບໍລິເວນອື່ນໆນອກເໜືອຈາກນີ້ເດັດຂາດເພາະຄາບເລືອດທີ່ຕິດກັບມືເຮົາອາດກະຈາຍໄປທົ່ວຜິວບໍລິເວນເຫລົ່ານັ້ນຈົນເຮັດໃຫ້ເກີດການສະສົມແລະຕິດເຊື້ອໃນທີ່ສຸດ
ລ້າງວິດທີ່ີເປັນບ່ອນນັ່ງເພື່ອຄວາມສະອາດທີ່ໝົດກ້ຽງ
ຫລັງປ່ອຍທຸກແລະກົດລ້າງວິດຮຽບຮ້ອຍແລ້ວສາວໆທີ່ກຳລັງເປັນປະຈຳເດືອນຄວນຫລຽວໄປເບິ່ງຄວາມຮຽບຮ້ອຍອີກເທື່ອໜຶ່ງບໍ່ແນ່ວ່າໃນວິດອາດມີຮ່ອງຮອຍເລືອດຕົກຄ້າງຢູ່ກໍເປັນໄດ້ສະນັ້ນກົດວິດຊ້ຳອີກເທື່ອໜ້າຈະປອດໄພ
ລ້າງມືທຸກເທື່ອຫລັງເຂົ້າຫ້ອງນ້ຳ
ບໍ່ພຽງແຕ່ໄລຍະເປັນປະຈຳເດືອນເທົ່ານັ້ນທີ່ຕ້ອງໃສ່ໃຈຄວາມສະອາດຂອງຮ່າງກາຍເປັນພິເສດແມ່ນແຕ່ໄລຍະເວລາປົກກະຕິກໍ່ຄວນລ້າງມືໃຫ້ສະອາດໝົດທຸກເທື່ອຫລັງເຂົ້າຫ້ອງນ້ຳເພື່ອປ້ອງກັນເຊື້ອພະຍາດແລະແບກທີເຣຍຈາກຫ້ອງນ້ຳເຂົ້າສູ່ຮ່າງກາຍ
ໃສ່ໂສ້ງຫລົ່ມໆສະບາຍ
ມີຜ້າອະນາໄມເຊື່ອງຢູ່ແລ້ວບໍ່ມີໃຜຢາກໃສ່ໂສ້ງຮັດຮູບດອກທັງການໃສ່ໂສ້ງຫລົ່ມໆຜ້າແພສະບາຍຍັງຊ່ວຍລະບາຍຄວາມອັບຊຸ່ມໄດ້ເປັນຢ່າງດີທີ່ສຳຄັນເມື່ອໂສ້ງຂ້ອນຂ້າງຫລົ່ມໂອກາດປະຈຳເດືອນຈະເປື້ອນເສື້ອຜ້າຈຶ່ງຂ້ອນຂ້າງເກີດຂຶ້ນໄດ້ນ້ອຍນໍາອີກ