ວິທີໃຊ້ຜ້າອະນາໄມຢ່າງສະອາດແລະປອດໄພສຳລັບສາວໆທີ່ຊີວິດຕ້ອງກ່ຽວຂ້ອງກັບຜ້າອະນາໄມແລະແຜ່ນອະນາໄມທຸກເດືອນແນ່ໃຈພຽງໃດວ່າໃຊ້ຜ້າອະນາໄມຢ່າງຖືກຕ້ອງ
ໃນໄລຍະທີ່ປະຈຳເດືອນມາເຖິງແມ່ນຈະເກີດເປັນຜູ້ຍິງກໍບໍ່ແມ່ນວ່າຈະຮູ້ວິທີເບິ່ງແຍງຈຸດລັບໄດ້ຢ່າງຖືກຕ້ອງແລະຄົບຖ້ວນສະເໝີໄປແລະພໍໄດ້ອ່ານຂໍ້ມູນຈາກiDIVAແລ້ວກໍຢາກຮ້ອງໄຫ້ໜັກຫລາຍເພາະຮູ້ເລີຍວ່າຕະຫລອດຊີວິດທີ່ຜ່ານມາເຮົາໃຊ້ຜ້າອະນາໄມແບບຜິດໆຖືກໆມາຕະຫລອດຊຶ່ງຈະວ່າໄປກໍຖືວ່າສ່ຽງຕໍ່ສຸຂະພາບບໍ່ໜ້ອຍເລີຍແລະຖ້າຢາກຮູ້ວ່າວິທີໃຊ້ຜ້າອະນາໄມພ້ອມທັງວິທີເບິ່ງແຍງຈຸດລັບທີ່ຖືກຕ້ອງຈະເຮັດແບບໃດກັນແນ່ ຈາກຂໍ້ຄວາມທາງລຸ່ມນີ້ໄປຄືຄຳຕອບ
ປ່ຽນຜ້າອະນາໄມທຸກ6ຊົ່ວໂມງ
ປົກກະຕິບ່ອນຈຸດລັບຂອງຜູ້ຍິງເຮົາມັກຈະເກີດຄວາມອັບຊຸ່ມຢູ່ແລ້ວແລະເມື່ອຮອດມື້ນັ້ນຂອງເດືອນເລືອດເສຍທີ່ຮ່າງກາຍຂັບໄລ່ອອກມາເປັນປະຈຳເດືອນຈະຍິ່ງເພີ່ມຄວາມອັບຊຸ່ມແລະເຮັດໃຫ້ເກີດການສະສົມເຊື້ອພະຍາດຫລາຍຍິ່ງຂຶ້ນດັ່ງນັ້ນສາວໆຈຶ່ງຄວນປ່ຽນຜ້າອະນາໄມທຸກ6ຊົ່ວໂມງຫລືຖ້າປະຈຳເດືອນມາຫລາຍກໍຕ້ອງປ່ຽນໃຫ້ເລື້ອຍໆກວ່ານັ້ນ ເພື່ອປ້ອງກັນຄວາມສ່ຽງອາການຜື່ນຄັນອາການຕິດເຊື້ອທີ່ທາງຍ່ຽວແລະພະຍາດຕິດເຊື້ອທາງຊ່ອງຄອດໄດ້
ເລືອກໃຊ້ຜ້າອະນາໄມທີ່ເໝາະສົມກັບໂຕເອງ
ຜູ້ຍິງແຕ່ລະຄົນມີປະຈຳເດືອນທີ່ແຕກຕ່າງກັນບາງຄົນປະຈຳເດືອນມາຫລາຍໃນໄລຍະມື້ທໍາອິດບາງຄົນປະຈຳເດືອນມາຫລາຍທຸກມື້ດັ່ງນັ້ນເຮົາຈຶ່ງຄວນເລືອກໃຊ້ຜ້າອະນາໄມທີ່ ເໝາະສົມກັບສະພາບຄວາມເປັນຈິງຂອງເຮົາຫລາຍທີ່ສຸດທີ່ສຳຄັນສາວໆຄວນສັງເກດໂຕເອງນໍາວ່າມັກນັ່ງຫລືນອນທ່າໃດເພື່ອຈະໄດ້ເລືອກຂະໜາດຜ້າອະນາໄມທີ່ມີຄວາມຍາວຄອບຄຸມທິດທາງການໄຫລຂອງປະຈຳເດືອນໄດ້ແບບບໍ່ຜິດພາດ
ວິທີປິ່ນປົວຜົດຜື່ນຈາກຜ້າອະນາໄມ
ເຊື່ອວ່າສາວໆຄືຈະມີປະສົບການເປັນຜົດຜື່ນຄັນເພາະການໃສ່ຜ້າອະນາໄມມາເກືອບທຸກຄົນຊຶ່ງວິທີປິ່ນປົວໃນເບື້ອງຕົ້ນໃຫ້ປ່ຽນຜ້າອະນາໄມເລື້ອຍໆພະຍາຍາມເຮັດໃຫ້ຈຸດລັບແຫ້ງສະອາດໃຫ້ໄດ້ຫລາຍທີ່ສຸດຫລືຂັ້ນເດັດຂາດຄືໃຊ້ຄີມຢາຊະນິດແອນຕີເຊບຕິກປິ່ນປົວອາການຜົດຜື່ນຄັນກໍໄດ້
ຫໍ່ຜ້າອະນາໄມທຸກເທື່ອແລະຖິ້ມໃຫ້ຖືກທາງ
ຢ່າລືມວ່າປະຈຳເດືອນເປັນຂອງເສຍທີ່ຍົວະເຊື້ອພະຍາດຫລວງຫລາຍດັ່ງນັ້ນຖ້າຖິ້ມຜ້າອະນາໄມແບບມັກງ່າຍບໍ່ຫໍ່ເຈ້ຍແລະຖິ້ມຂີ້ເຫຍື້ອໃຫ້ຖືກທາງແນ່ນອນວ່າກໍບໍ່ຕ່າງຈາກການທຳລາຍສະພາບແວດລອມທາງອ້ອມອີກຢ່າງຍັງຈະກາຍເປັນມືດີທີ່ປ່ອຍເຊື້ອພະຍາດສູ່ສາທາລະນະນໍາອີກນອກຈາກນີ້ສາວໆທີ່ມັກຖິ້ມຜ້າອະນາໄມລົງໃນວິດຮູ້ບໍ່ວ່ານີ້ເປັນສາເຫດໃຫຍ່ທີ່ເຮັດໃຫ້ວິດຕັນສະນັ້ນຮັກໂລກຮັກສາສິ່ງແວດລ້ອມແນ່ເດີສາວໆ
ເອົາຜ້າອະນາໄມຕິດກະເປົ໋າໄວ້
ຂຶ້ນຊື່ວ່າເປັນຜູ້ຍິງຈັ່ງໃດກໍຄວນມີສິ່ງນີ້ຕິດກະເປົ໋າຢູ່ສະເໝີເພາະເຮົາບໍ່ແນ່ໃຈວ່າປະຈຳເດືອນຈະມາຕອນໃດຫລືຢ່າງນ້ອຍໆຖ້າຮ່າງກາຍສົ່ງສັນຍານເຕືອນມາແລ້ວວ່າປະຈຳເດືອນກຳລັງຈະມາສາວໆກໍຄວນໃສ່ແຜ່ນອະນາໄມກັນໄວ້ກ່ອນກໍຍັງດີ