1.ບຳລຸງດ້ວຍມອຍສ໌ເຈີໄລເຊີ ແບກທີເລຍຈາກສິວກໍເປັນສາເຫດທີ່ເຮັດໃຫ້ເກີດຜິວໜັງອັກເສບໄດ້ຄືກັນ ຊຶ່ງແບກທີເລຍທີ່ວ່ານີ້ຢູ່ໃນຕ່ອມໄຂມັນແລະສາມາດເຕີບໃຫຍ່ຂຶ້ນໄດ້ເມື່ອຜິວແຫ້ງສະນັ້ນຄວນຈະຫາມອຍສ໌ເຈີໄລເຊີທີ່ອ່ອນໂຍນຕໍ່ຜິວໜ້າມາບຳລຸງໃຫ້ຊຸ່ມຊື່ນຢູ່ສະເໝີຈະຊ່ວຍໄດ້ຫລາຍເລີຍ
2.ໃສ່ໃຈເລືອກສະກິນແຄຮູ້ຫລືບໍ່ວ່າການຂັດຜິວຫລືການສະຄັບຜິວຫນ້າຈະຊ່ວຍໃຫ້ຜິວໜ້າກະຈ່າງໃສໄດ້ກໍເປັນອີກໜຶ່ງສາເຫດທີ່ເຮັດໃຫ້ຜິວໜັງອັກເສບແສບແດງໄດ້ຄືກັນຍິ່ງຫາກໃຊ້ກົດຫມາກໄມ້ຫລືຂັດດ້ວຍຜະລິດຕະພັນທີ່ມີສານເຄມີຮຸນແຮງກໍຍິ່ງຈະເຮັດໃຫ້ຜິວອັກເສບ ສະນັ້ນຫາກຕ້ອງການສະຄັບຜິວໜ້າກໍລອງຫັນມາເລືອກຜະລິດຕະພັນທີ່ອ່ອນໂຍນຫລືຈະ DIY ດ້ວຍສ່ວນປະສົມຈາກທຳມະຊາດໃຊ້ເອງກໍໄດ້
3.ເລືອກກິນອາຫານອາຫານກໍເປັນສິ່ງທີ່ເຮັດໃຫ້ເກີດຜິວໜັງອັກເສບໄດ້ເຊັ່ນກັນຊຶ່ງອາຫານເຫລົ່ານັ້ນກໍອາດຈະເປັນພວກອາຫານທີ່ມີກູເຕນແລະຄາໂບໄຮເດດບາງຊະນິດສະນັ້ນຄວນຫລີກລ້ຽງອາຫານພວກນີ້ແລະຫັນມາເລືອກກິນອາຫານທີ່ອຸດົມໄປດ້ວຍໂອເມກ້າ3,ຜັກໃບຂຽວແລະຫມາກໄມ້ບາງຊະນິດເຊັ່ນ ມະມ່ວງສຸກກໍຈະຊ່ວຍລຸດອາການອັກເສບຂອງຜິວໄດ້
4.ກຳຈັດຄວາມຄຽດນອກຈາກຄວາມຄຽດຈະສົ່ງຜົນເສຍຕໍ່ສຸກຂະພາບແລ້ວກໍຍັງສົ່ງຜົນຕໍ່ຜິວພັນຂອງສາວໆນຳເພາະເມື່ອໃດທີ່ເຈົ້າຮູ້ສຶກຄຽດເມື່ອນັ້ນຜິວໜັງກໍຈະເລີ່ມບໍ່ດີຍິ່ງຄຽດກໍຍິ່ງຈະອັກເສບຫລາຍຂຶ້ນ ທາງທີ່ດີລອງຫັນມາຜ່ອນຄາຍດ້ວຍການອອກກຳລັງກາຍເບົາໆຢ່າງໂຍຄະຫລືຫາຫຍັງເຮັດທີ່ຊ່ວຍໃຫ້ລືມເລື່ອງຄຽດກໍໄດ້
5.ດື່ມນ້ຳສະອາດໃຫ້ພຽງພໍຫາກສາວໆຄົນໃດດື່ມນ້ຳໜ້ອຍກໍອາດຈະຕ້ອງເຈີກັບບັນຫາສຸກຂະພາບຕາມມາຫລວງຫລາຍແຖມຍັງຕ້ອງເຈີກັບບັນຫາຜິວທີ່ອັກເສບແສບແດງອີກດ້ວຍເພາະຖ້າດື່ມນ້ຳບໍ່ພຽງພໍກໍຈະເຮັດໃຫ້ເຊວຜິວໜັງຊັ້ນນອກເຈີກັບພາວະຂາດນ້ຳເຮັດໃຫ້ຜິວໜັງແຫ້ງລອກເປັນຂຸຍມີອາການຄັນ ແລະຜິວຈະອັກເສບໃນທີ່ສຸດຖ້າຢ່າງນັ້ນກໍຫັນມາດື່ມນ້ຳສະອາດຫລາຍໆມື້ລະ6-8ຂອກກັນດີກວ່າ