ບໍລິສັດກຸ່ມສື່ມວນຊົນສະຖານີວິທະຍຸ-ໂທລະພາບ ແຂວງຢຸນນານ ສປ ຈີນ ໄດ້ນຳເອົາເຄື່ອງຮັບສັນຍານລະບົບມາດຕະຖານດີທີເອັມບີ (DTMB), ຈຳນວນ 30 ພັນຊຸດ ມອບໃຫ້ໂທລະພາບແຫ່ງຊາດ, ຊຶ່ງພິທີມອບ-ຮັບໄດ້ມີຂຶ້ນໃນວັນທີ 8 ພຶດສະພາ 2015ນີ້, ລະຫວ່າງທ່ານ ເຈີນກັ່ງ ປະທານບໍລິສັດດັ່ງກ່າວ ແລະ ທ່ານ ບຸນເຈົ້າ ພິຈິດ ອຳນວຍການໂທລະພາບແຫ່ງຊາດ, ໂດຍມີທ່ານ ສຈ.ດຣ ບໍ່ແສງຄຳ ວົງດາລາ ລັດຖະມົນຕີວ່າການກະຊວງຖະແຫລງຂ່າວ ວັດ ທະນະທຳ ແລະ ທ່ອງທ່ຽວ , ທ່ານ ກວາງ ຫົວປິງ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປ ຈີນ ເຂົ້າຮ່ວມເປັນສັກຂີພິຍານ.
ເຄື່ອງຮັບສັນຍານດັ່ງກ່າວ ເປັນການຊ່ວຍເຫລືອລ້າ ຈາກບໍລິສັດກຸ່ມສື່ມວນຊົນສະຖານີວິທະຍຸ-ໂທລະພາບ ແຂວງຢຸນນານ, ເພື່ອນຳໃຊ້ເຂົ້າໃນໂຄງການເຄື່ອຂ່າຍວິທະຍຸໂທລະພາບດີຈີຕອນລາວ ໃນທົ່ວປະເທດ ແລະ ຕໍ່ໄປນີ້ ຝ່າຍຈີນຈະສືບຕໍ່ມອບຕື່ມອີກ 27 ພັນຊຸດ ເພື່ອນຳໃຊ້ເຂົ້າໃນໂຄງການທີ່ກຳລັງປະຕິບັດຢູ່ 4 ແຂວງຄື: ແຂວງຫລວງພະບາງ, ຈຳປາສັກ, ສະຫວັນນະເຂດ ແລະ ນະຄອນຫລວງວຽງຈັນ